Хаику поезија

5/28

Луѓето денес
Носат полни џебови
А празни срца.

 

5/28

Те погледнувам
В очи, гледам бура.
Станувам сонце.

Растерувам бол.
Сраснуваш за срцево -
Другар за душа.

Ме погледнуваш
Стануваш радост. Ние -
Спој и сплет, преплет.

 

6/28

Дождливо утро
Низ прозорецот гледам
сиви насмевки

 

6/28

Би ги познала
Твоите раце и во
Милион туѓи.

 

5/28

Во мирисот на
ананасов се давам
што лето крие.


6/28

Да ти лежам на
мешето дури предеш
тивко, со рима.

И светот да ми
се здобие со смисла
зошто си тука.

 

Брчки на чело
Седи влакна во коса
Каде си младост?

Болки во грбот
Колена ме вртат
Доаѓа старост.

Мрачните мисли
И темниот студен ден
Се лошо друштво.

 

6/28

Доцна за мечти.
Доцна и за хаику
но за љубов не.

Изгаси светло,
темнината со љубов
да не покрие.

 

5/28

Пијана зора.
Последна капка вино
усните крадат.

6/28

Гитара во ќош.
Прсти по жици минат,
прашина свират.

 

7/28

Кога не си до
Мене, те наоѓам во
Нашите песни.

 

7/28

Детелина за
среќа не треба кога
те имам тебе.

 

7/28

Мирис на детство
Спакуван во неколку
Капки стар парфем

 

7/28

Некогаш, нема
да најдеш смисла ниту
во грав во петок.

 

Чекајте, чекајте... инспирација од предходното мое мислење

Стеф вика нема
задник без теретана.
Се рекламира

 

6/28
Кога те нема
Ѕиркам в срце. Спиеш.
Насмевнат, среќен.

7/28
Срцево има
Една цел: сал тебе да
Те доживува.

8/28
Да можеш да се
Видиш низ мои очи, ќе
Се заљубиш.

Сам во себе, во
Совршенството кое
Ти го креираш.

 

8/28

Од сонот би си
Скратила, само за да
Читам повеќе.

 

8/28

Дојди некогаш
Ќе цртаме насмевки
и шириме мир

 

Некои ѕвончиња
не ќе ѕвонат никогаш
заедно,среќно

 

8/28


Сакам повторно
Мугри да пречекаме
Како синоќа.

Сакам оваа
Желба да трае долго,
И цела вечност.

Кога дури час
минува ко минута
Само со тебе.

Кога ме гледаш
Се топам ко сирење
Во топло фонду

Кога ме држиш
За рака стисни силно
Не ме испуштај

Може љубов не
Е сеуште, но сакаш
Да пловиме кон?

Посветено...

 

Ко вреден пајак
ќе изградам мрежа пак
што згазена е.

 

7/28

Жена во црно
зад тебе стои, ко да
е сенка моја.

8/28

Фотографија.
Да ме потсети дека
животот мине.

9/28

Чекам сонце да
тропне на прозорец, да
скрие сивило.