Нашата педијатарка па од почетокот ми има кажано додека дојам да пијам сѐ што сум пиела и во бременоста. Мултивитаминот, калциум, железо ако имам потреба, омега. Омега сега малото пие директно, јас не земам веќе или кога ми текне, да допијам што имам.
Второ дете ми е и двете ми се на екслузивно доење првото го доев 16месеци здравје боже и ова планирам ,витамини суплементи немам пиено ниту матичниот педијатар ниту неонатолозите од болница ме советувале да пијам нешто.
Поскапо ми искача. Купив вчера Pregnacare breasting, ќе почнам со нив за некое време да допијам ова уште еден месец. Бебето цица на кај 20-21 ови две вечери се буди дури во 3 сабајле (6-7 часа спие),потоа на саат ипол до два пак за цицање. Бебе има 2 месеци и една недела сакам да ја земам да ја ставам да ме исцица на кај 12 или да се одмолзувам градите ми стануваат камен страв ми е да не добијам масти.по колку спијат вашите бебиња на 2 месеци?
Можеш во спиење да ја нацицаш. Дај цицка, би требало да фати, ќе цицне и ќе продолжи да спие. Ако се буди, тогаш подобро одмолзи колку да ти олесни.
Мене никој не ми кажа да земам суплементи, сама одлучив. Доењето ја исцрпува мајката, ги троши резервите. Плус, се што внесувам јас оди и кај бебето, па зошто да не земам витамини? Исхраната колку и да е разновидна, не ги задоволува дневните потреби на одредени витамини.
@Chuchanov јас пијам Фембион 2, ц витамин од 1000, цинк 15мг и 2 апчиња б6. Сите овие ги пиев и пред бременост. Не змаев дека може магнезиум ќе пијам и тоа бидејќи имам останато Инаку мојот заспива околу 23ч, се буди во 2, цица 10мин и заспива и после се така се буди на саат ипол или два, цица по 10мин и заспива. Вака прави до 10/11 сабајле. Некогаш и во 8 се буди. Сега е во втор скок и слабо спие преку ден и одвај заспива навечер.
Цинк, селен и вит ц се вклучени во имуносуперсивна терапија при појава на хпв, претпоставувам и на други вируси. Цинк се пие по шема, не се сеќавам точно дали после еден или два месеци пиење се прави пауза од три месеци затоа што се таложи во организам, затоа се запрашав зашто конкретно ваква комбинација на витамини ви дале. А дали потребата од одреден витамин е задоволена се проверува со витамински статус преку крв. Со внесување на некои витамини може да се дојде и до хипервитаминоза, затоа и се препорачува да не се земаат на своја рака. Но во ред, вие со сметате дека ви треба јас не сум против тоа ни најмалку, само ме интересираше дали педијатрите пропуштиле да ми дадат таков совет.
Јас кога го прашав гинекологот дали да земам, ми рече јас да одлучам. Е па бидејќи бебе е на ексклузивно доење веќе 5 месеци, ги продолжив тие од бременоста само наменети за доење. Мислам дека во период на само доење и ништо друго, добро е да се зема витамински додатоци, а потоа кога ќе почне со дохрана, ќе ги прекинам. А инаку да не земав, многу ќе се трошев со доењето, исцрпува. А витамините ме држат, ми го зајакнуваат железото.
Мене педијатар неколку пати ми препорача вит ц за мене но во случаи кога биле болни, бил ризичен период па требало да се билда имунитет и сл. Инаку доев цела втора бременост и плус тандем 9м. Со витамините и во бременост забушавав, иако се мислев повеќе пати за цинк да пијам пошто го имам дома од претходна терапија за железо сепак уште не се решив, бар не додека не се консултирам со доктор. Еве мислењето на @Autumn_ дополнително ме предупредува дека не се зима на своја рака. Мајка ми од долготрајна употреба на калциум си направи опстипација, и тоа зашто докторката не и кажала дека треба да прави паузи. Сега има сериозен проблем
Запознаена сум со тоа што го кажа, се консултирав со гинеколог уште во бременоста. Сакав да кажам никој не ми кажа дека морам да пијам, никој не кажа фирма и сл. Прашав дали може и добив зелено светло. Само вит А може да предизвика хипервитаминоза а останатите се исфрлаат преку урина. Плус битна е количината ма вит која се внесува.
Б витамините и Ц витаминот се исфрлаат преку мокрење доколку дојде до презаситеност. Со другите треба да се внимава. Јас пијам цинк со години. Не јадам месо и очигледно не можам да апсорбирам цинк на друг начин. Тоа го приметив пред неколку години кога почна да ми паѓа имунитетот и секој месец бев со затнат нос. Откако пијам цинк не ми се случило тоа, еднаш го прекинав на 3 месеци и пак ми се затна носот. Инаку кога си имав мака бец на сите можни доктори и ми ги земаа сите можни брисеви и не можеа да најдат зошто така ми се случува. На крај сама си го најдов лекот во цинкот.
Здраво Девојки Малата ми има 5м и 1 недела, но пред 4 недели почнаа маките. Си цицаше на секој саат ипол по 10 мин, имав одЛична лактација дури и лом се правев од што си течеше, но сегаа малата де одбива да цица де сака ама нестрплива е дур да надојде и тоа малку млеко што го имам ☹️ Пијам течности лакта микс чај, боза , млеко но неуспешно... Многу малку млеко имам треба бебето да не ми цица 5 6 саати па да ми се наполни убаво градата да ја засити. Зборев со педијатар па за дохрана со АД се одлучивме , NAN купив еднаш 100 ml се напи после саат време многу повраќаше и од тогаш не сака ниту да го мирисне. Купив и Aptamil 1 денес исто никако нејке☹️ Иначе јаде еднаш на ден еден оброк имавте ли и вие ваков проблем фала ви ❤️❤️❤️
Кога беше таа фазата кога одбиваат да цицаат? Знам пишувавте порано ама не ми текнува. Значи морам да тропам со тропки, да му пуштам цртани, да го носам во раце и сл за да го натерам да почне да цица. Не сум ни сигурна колку цица. И раце, и нозе и кичма не осеќам веќе. Еднаш се измолзев и му дадов со шише си го испи без проблем ама не ми се ризикува така секој ден.
Апсолутно, и од мое искуство цинкот ми направи големи промени во здравјето, сепак, моето искуство е такво да со конкретна дијагноза ми беше препишан со паузи во внесувањето
@MilaSs12 И витамин Д може да предизвика хипервитаминоза, а цинк е минерал така да има други карактеристики, моето искуство е такво да строго по шема ми беше препишан. Научно е докажано дека земањето на суплементи нема никаков бенефит освен при докажана негова инсуфициенција, освен фолната во бременост која е потребна во поголема количина. Од тука е и препораката дека не се земаат суплементи на своја рака, јас внимавам на ова додека дојам, особено откако станав свесна за пример каде мајката прима контролирани дози на магнезиум заради потреба на доенчето, од тогаш и магнезиум пијам ретко по потреба, а витамин Ц како што кажа @Minnie-e во сезона на грип или при настинки.
Мајки можно ли е од Ад хипп да ми јави осип бебето? 2 месеци сме досега по 30 мл 3 4 псти му дадовништо.. Вечерва дадов 60 мл и после пола саат с епојави осип на лице глава врат на мешето ама повеќе горе.. Го намачкав со ракија и почна да се повлекува по препорака на педијатар... Сњга се мислиме од што можи да е.. Дали нешто го ублазило дома пр. Пајак.. Или оф млекото
Можно е ,на моја другарка синчето се исфрлаше од адаптирано млеко ,ама беше поголем бебето со беше на доење и проба да даде ад во некоја каша се исфрла цело бебето. Ракија мачкаше ? Да не е тоа премногу јако за бебешка кожа ?
Досега си имаш добра снабденост со млеко, бидејќи нон стоп цица бебето, така што наеднаш не можеш да снемаш. Бебето можеби е во скок во развој, во забрзана развојна фаза и затоа одбива да цица. Доколку претходно ти се стврднувале градите и така си била сигурна дека имаш млеко, сега исто така имаш млеко, ама ти се помеки и тоа те буни. Нон стоп тврди гради не е добро, од добивање мастит, нерегулираност на лактација. Меки гради значи воспоставена лактација и бебе кое постојано цица и ги празни, значи постојано создавање според неговите потреби. Не се грижи, почекај и не брзај да даваш вештачко, штом досега си било само на цицање. Ќе помине периодот и ќе биде по старо, па и наскоро со дохрана ќе почне (ако немате сѐ уште почнато). Бебе доено повеќе месеци, тешко дека ќе прифати вештачко, па и повраќаат ете како кај твоето. Силно им е, стомачето се навикнало на мајчино. А за полнењето на градите, па и кај мене е така. Ако цица на побрзо, треба да влече повеќе и да дојде млазот. А на пример навечер кога спие 3-4 саати поврзано, се полни градата за тоа време и не мора да трга многу, одма му капе. Не се залажувај дека немаш млеко, бебе е жив организам, еднаш ќе сака, другпат ќе одбива.
Ракијата се упива преку кожата и е токсична за мало бебе. Кој педијатар препорачал ракија за мало бебе? Да, алкохол се користи, и тоа разреден за симнување температура кога не спаѓа со антипиретици, ама да мачкаш бебе со ракија кога има осип, не. Среќа се повлекол, ама можело да се влоши. Осипот може да е од млекото, не велам не, ама ете, пред некој ден викаше дека имало температура бебето... може и од тоа да е. Има такви вируси.
