Кипар

Што би препорачале повеќе за сместување - Ларнака или Аја Напа?

 

Аја Напа ако не сакате многу да шетате по други места..или ако рентате кола.
Ларнака нема баш убава вода/плажа ма да мене воопшто не ми смета тоа што плажите и водата се како на краците, за цена упола од тоа во Пефкохори годинава
Ние во Ларнака бевме и пак и пак таму би одела ...само што не би мрднала подалеку од градска плажа, видов што имаше да се види .. за пливање можам секаде, јас немам проблем

 

@Dust фала ти што сподели впечатоци. И јас се враќам импресионирана од таму и веќе правам планови за наредно лето барем 10тина дена супер што Визз почнуваат со летови нареден месец па не мора да одиме по соседните држави. Ние летавме од Солун, супер се, само 10+ часа дури да стигниш, а кога стигнавме тоа што кажа и ти, влажноста убива, но само првиот ден можеби, потоа навикнавме.

Бевме преку агенција, сместени бевме во Аја Напа, во близина на центарот, па ни беше блиску се. За одење по убавите плажи имавме постојка пред хотелот па си фаќавме автобус за 2 евра и за 10 минути бевме таму.

Првиот ден бевме на Vathia Gonia, таа ни беше најблиску за пеш, убаво, чисто сабајлето, но попладне не се влегуваше од треви, алги, што и да беа... Следно бевме на Makronissos, па на Landa, Nissi свесно ја одминавме. Бевме и на другата страна на Konnos, но искрено не ме воодушеви. Планиравме и на Fig Tree да одиме, но последен ден ни беше, па отидовме по втор пат таму кај што највеќе ни се допадна - Landa Beach, мој фаворит од овие што ги набројав. Бевме само една недела и што попрво да видиш, а малтретирање ќе беше на повеќе плажи во еден ден да пројдеш, иако овие Makronissos, Landa, Nissi се во размак од километар - два.

Еден ден одвоивме и за Никозија, со автобус е саат и пол од Аја Напа, 6 евра во правец карта. Отидовме и на турската страна, видовме тоа што има да се види во тој дел (анови, џамии, пазарот), за јадење во тој дел некако не ми се седнуваше, но веднаш после влегувањето во грчкиот дел најдовме преубава грчка таверна, се изненадив колку беше ефтино, а сепак главен град. Го посетивме и кипарскиот музеј, а на пешачката патека има кула - Shacolas Tower, за 2,5 евра се качуваш на 12-13ти спрат и имаш поглед на градот на двете страни.

Ќе ставам некоја слика во спојлер во продолжение, другото Даст веќе спомена, па да не се повторувам.

Спојлер

 

Аја Напа. Најголем дел од убавите плажи се блиску и до сите има јавен превоз, со повеќе постојки во центарот. Навечер е преубава, богата со автентични ресторани и кафулиња. Пријатно е за прошетка по пристаништето.

 

Аја Напа

 

Аја Напа. Јас следен пат во Протарас ќе се сместам.

 

И погледот од горе е преубав
Не ми ги отвара сликите твои нешто ме зеза овој тел...треба да го средам...

 

На крај ги посетив и двете + Лимасол.

Аја Напа ми се допадна најмногу поради плажите (иако имаше премногууу гужва), Ларнака како град за шетање и храна беше супер (иако градските плажи не беа лоши), а Лимасол најмногу ми се допадна како град (иако нема никакви асални плажи).

Најмногу се изненадив позитивно од цените, очекував да ме удри шлог, ама испаднаа прилично коректни, во однос на тоа каква инфлација има последниве години.

 

Уште се ефтини цените, ама од година во година поскапуваат и на Кипар поради се помасовниот туризам.

 

Девојки летово планирам да одам во Кипар, па се мислам помеѓу Аја Напа и Протарас. Што би ми предложиле?
Повеќе сакам песочни плажи со тиркизна вода и да има некои интересни факултативи..

 

Секаде се убави плажите и водата. Blue lagoon и Turtle Bay се места помеѓу Аја Напа и Протарас што би било убаво да се посетат. Smugglers caves, Cavo Greko исто така. И од двете места има тури со бротчиња. На Аја Напа најпозната плажа е Nissi beach а на Протарас Fig Tree Bay и двете се убави. Општо со дестинација Кипар нема утка. Ако си заинтересирана повеќе за nightlife тогаш Аја Напа е подобриот избор.

 

Аја Напа ти е нешто во стилот на Сончев Брег. Ако сакаш убави плажи, оди во Ларнака и после со автобуси и бродови шетај низ островот. Ако имаш искуство со возење на лева лента, тогаш земи рент а кар.

 

Каква е влажноста почеток на јули? Дали се издржува?
Барам хотел со all inclusive и да е блиску до плажа бидејќи сепак сакам и на плажа да одам а со мало дете сме па не сакам да се возам до плажи. Така да ако имате инфо од прва рака за таков хотел може да пишете

 

Hotel Grecian Bay