Ајде да постираме рецепти од јадења кои ги правиме од мелено месо. Бидејќи не јадам месо во друга форма, честопати меленото месо го додавам во сосови за тестенини или си правам ќофтиња. Меленото месо се зачинува со вегета и бибер, додавам ситно сецкан кромид, презла , јајце (може и не мора), се обликуваат топчиња и се пржат. Понекогаш знам да си смелам и пилешки стек па и со него ги правам ќофтињата со тоа што додавам и кашкавал. Болоњезе сосот го знаете да не го пишувам.
Bо моментов не ми текнува многу,тоа за топчињата го знам,кога ке правам мусака,освен мелено месо додавам кромид,домат,морков,печурки и зачини и за полнетите пиперки,кромид,лук,ориз и црвен пипер Eх ништо не сум знаела да правам,ај споделете нешто
Јас ќе пишам еден рецепт со мелено месо, ако не е соодветен за темава, нека биде избришан или префрлен во соодветна. Потрбни производи: -1 главица кромид -2-3 моркови -1-2 пиперки -1-2 патлиџани -300-400 гр. боранија -300-400 гр. мелено месо -зачини по желба -2-3 јајца Во тенџерче со зејтин ставам ситно сецкан кромид, морков и пиперка и пропржувам, додавам малку водичка за да издинста и да омекне зеленчукот. Потоа додавам ситно сецкан патлиџан на кој му е претходно излупена лушпата, пак пропржувам, додавам мелено месо (300-400гр.), пржиме и потоа следат зачини-сол, вегета, бибер, црвен пипер и јас ставам ловоров лист и малку оригано. Откако убаво ќе се запржи меленото месо додавам боранија (отприлика исто колку и мелено месо 300-400 гр. ама може и повеќе или помалку, во зависност што сакате да има повеќе-месо или боранија). Пак пропржуваме, целата содржина ја префрламе во тавче и се додава топла вода колку да се покрие манџата (така да ја наречам). Се пече на 250 степени во релна отприлика 30-40 мин., кога водичката речиси ќе испари се додават 2-3 матени јајца (како кај мусака) и се остава да се допече. Како додаток посебен шмек и вкус дава павлаката. Бон апетит.
Пробајте во меленото месо да додадете чубрица- ја има и во маркетите пакувана, а и по пазарите- преубав вкус му дава на месото. Еве како изгледа, на оригано потсеќа по изглед, ама вкусот и е каде-каде поубав, јас веќе не користам оригано, целосно го заменив со неа. Спојлер А меленото месо е поубаво доколку и кромидот е мелен и размешан внатре- така што можете кога одите во месара да си однесете кромид и да кажете да ви го смелат заедно со месото . Јас кога правам ќофтиња ставам мелено месо (обично е мешано свинско со телешко, повкусно ми е такво) и ставам вагета, сол, чубрица, и едно јајце и брашно ептен малку за ја апсорбира влажноста од јајцето и така ги пржам и превкусни се, нема човек што не ги бендисал А во друга варијанта, можете да си направите ролат со мелено месо- многу е декоративен, или пак тестенини со мелено месо и печурки. Маја, ако не јадеш месо во друга верзија, а сакаш да јадеш некои манџи- прави ги со мелено- само нема да го динсташ како другото месо што не е мелено, туку ќе го пропржиш со кромид и ќе ги додадеш состојките за манџата
Кога правите ќуфтиња од мелено месо додадете и сусам (подобро е ако е мелен/мељан) дава прекрасна арома. Од мелено месо се прави и убава сарма - пропржи се кромид, морков, мелено месо, ориз и се мотаат сарми. Зачини по вкус, сол, вегета, буковец.... (си има тема сарма се убаво објаснето ). Од мелено месо се прави и бурек, кој е по сукани работи. Се прави фил за корите со што се пропржи кромид и месо и зачини по вкус. Се прави и чорба која јас не ја обожаваам воопшто. Се прават ќувтиња и се варат во вода а во водата се додаваат мирудии - патлиџан, зачини, кромид, морков. Полнето пиле или шницла со мелено месо (види си рецепти на храна и вино да не развлекувам тука по постот )..... Подварок или некои ја викаат растурена сарма се прави со мелено месо, баш пред некој ден имав тоа за ручек. Се пропржува меленото месо со кромид, морков и зачини и малку буковец па се додаде малку ориз и сецкано зеље (ако е тазе се додава и многу малку лимонтус а ако имате скиселено зеље се става тоа), се налева со вода тавчето и оди во релна.....
Им украдов еден рецеот од Храна и вино, интересно изгледа Бовчи со мелено месо Спојлер За подготовка на ова предјадење за 4 лица потребни ви се следниве производи: - 500 гр. Мелено месо - 1 јајце - 2 главици кромид - 1 кгр. Брашно - 500 мл. Вода - масло за јадење - сол и црн пипер Потребно време за подготовка на ова предјадење е 40-тина минути. Ги земаме двете главици кромид и на даската за сечење ги сечкаме на мали парченца. Потоа го собираме исечканиот кромид и го ставаме во еден сад. На оган ставаме една тава и во неа ставаме масло за јадење да се загрее. Потоа во тавата го ставаме исечканиот кромид да се пржи и го посолуваме. За време на пржењето кромидот го промешуваме. Додека се пржи кромидот, во еден поголем сад на работната маса го ставаме брашното. На средината на брашното со лажица формираме длабнатинка и во неа ставаме сол. Потоа додаваме и масло за јадење. Потоа со лажица го промешуваме брашното, солта и маслото. Продолжувајќи да мешаме со лажицата постепено ја додаваме млаката вода. Кога кромидот е пржен, во тавата го додаваме меленото месо. Смесата од кромид и мелено месо ја наросуваме со црн пипер и ја посолуваме. Потоа земаме рачна маталка и го ситниме меленото месо, а притоа и го мешаме. Кога меленото месо ќе се испржи ја тргаме тавата од оган и ја ставаме на работната маса. Смесата од брашно, сол и масло за јадење започнуваме убаво да ја месиме со рака, додека не стане мазна. Потоа вака подготвеното тесто, на работната маса го сечеме на 6 парчиња. Секое парче едно по едно го месиме на работната маса, додека добиеме топчиња. Го земаме првото топче тесто, и со сукалка го сукаме во големина на чинија. Потоа го попрскуваме со масло за јадење и го оставаме настрана. Истото го правиме и со второто топче и со сите топчиња додека ги потрошиме. Сите кори освен најгорната ги попрскуваме со масло и ги редиме една врз друга. Ги земаме сите наредени кори, и убаво ги притискаме со раце за да се залепат една за друга. Со сукалката сукаме голема кора како за пита. Земаме едно јајце го кршиме и го ставаме во тавата со филот за бовчите. Промешуваме со дрвената лажица. Земаме една правоаголна тава за печење и ја попрскуваме со масло за јадење. Од големата кора со нож сечеме еднакви квадратчиња, кои ќе ги формираме во бовчи. На секое квадратче со лажица ставаме од претходно подготвениот фил, и го превиткуваме тестото на половина за да добиеме правоаголна форма. Добиените бовчи со прсти убаво ги притискаме од сите 3 страни, за да не излегува филот. Со ова бовчите се подготвени и ги редиме во тавата за печење. Тавата со бовчите ја ставаме во фурна да се пече. Печеме на температура од 250 степени 20-тина минути. Тавата со испечените бовчи ја вадиме од рерна и ја ставаме на работната маса. На чинијата за послужување со лажица за сладолед, најпрво ставаме една топка кисела павлака на средината. Потоа од тавата ги вадиме печените бовчи и ги редиме околу топката од кисела павлака. Декорираме со едно гранче магдонос врз павлаката. Со тоа бовчите со мелено месо се подготвени. Со ова предјадење ви предлагаме да се напиете розово вино. Добар апетит.
Кај мене дома многу често се користи мелено месо во јадењата. И јас си имам еден мој рецепт со мелено месо. Вака се запржува главица кромид заедно со морков, го додавам меленотот месо и така си се пропржуваат, на тоа додавам тоамтео сос, ситно сецкани компири и златна мешавина и го оставам така да покрчка . Се зачинува по вкус. Исто така меленото месо ни е неизбжно во мусаката со компири, мусактакта со тиквички. Многу пати мајка ми прави и густи манџи со мелено месо нешто слично на предходниот рецепт што го напишав.
Tурли тава со мелено месо... Мераци... Се става од секој зеленчук што го имаш дома (исецкана зелка, кромид, патлиџанче, морков, пиперка, модри патлиџани итн) и 2-3 компира (зависи за колку лица е јадењето), брашно малку, малку црвен пипер, зачини по вкус, месото може а и не мора да е претходно малце пропржено во тава. Сето ова се става во длабок овален сад или земјена тава, се налева со вода најмалку пола јадење да е во вода и се пече на 250, а по пола час се намалува на 200. Превкусно.
Не е којзнае што,последен пат оризот си го правев со мелено месо.Беше превкусен отсега така ќе правам. Значи се запржува кромидче,со зачини и магдонос,се додава меленото месо а потоа и оризот ,се става се во плехче,во тавата кај што сте пржеле се додава вода ,нека остане на оган додека да стане млака,и се истура во тавчето колку да го облие оризот и месото. Мене ми беше преслатко а и на дечко ми,така да пробајте. Мелено месо обожавам инаку.Со него си правам сосови за шпагети,лазањи,бурек со готови кори,ма оди во се! Единствено што не сакам се ќофтиња со мелено месо
Јас летното јадење со пиперки и домати (во овој крај се вика летна манџа ), го правам со мелено месо, нели класичното е откако ќе се прокрчкаат доматите и пиперките на крајот да се додадат неколку изматени јајца и бидејќи мајка ми не јаде јајца ние си ја преадаптиравме со мелено месо и одлична е. На зејтин пропржувам кромид, мелено месо и морков со зачин (вегета, црн пипер и буковка јас ставам),после тоа се додаваат пиперките па се пропржува уште малку и се додаваат излупени, ситно исецкани домати колку посочни, толку подобро и се остава така да се крчка извесно време, зависи кој колку сака да му е потечно или позгустено јадењето. Па на крајот ако се додаде и лукче, абе за мерак. Одлично иде со сиренце, мх!
можам да кажам дека многу често го користам меленото месо кога готвам , буквално во се, во мусака, полнети пиперки, канелони, кофтиња.... еве ке ставам неколку рецепти и по некое сличе 1.Мусака Потребни состојки: -половина килограм мешано мелено месо -еден килограм компири -едно јајце -100 мл јогурт или кисело млеко -зачин -мелен црвен пипер -ориз -кромид Компирите ги лупиме и ги сечеме на кругови.Во тава на оган со загреано масло најпрво го пржиме кромидот, па го додаваме месото, оризот, црвениот пипер, зачинуваме и ги пропржуваме сите состојки заедно. Во мегувреме во тавата ставаме еден ред од компирите, па ставаме од смесата со месото, и повторно ставаме од компирите. и потоа ставаме вода, да ги покрие компирите околу еден прст над нив. Така подготвената мусака ја ставаме во загреана рерна. Пред крајот ја вадиме и ја полеваме од горе со смесата од јајце и јогурт и ја враќаме во рерната уште десетина минути. 2.Канелони со мелено месо -готови кори -200-300 гр мелено месо -кромид -кечап -кашкавал -павлака -јајце Најпрво го пржиме кромидот на загреано масло, па го додаваме месото, и откако ке се испрже додаваме кечап по желба. Секоја кора ја делиме на половина и ставаме од испрженото месо па ја виткаме кората од двете страни кон внатресноста и така правиме со секоја кора. Корите ги ставаме во намрсена тава, од горе ги преливаме со мешавината од павлака и јајце, и најгоре ставеме рендам кашкавал. Печеме во рерна околу половина час додека не поруменат од горе -кофтенцата ке ги видите утре
СДК вчерашен леб (ако имаш) сув, го потопуваш во млеко и потоа смесата ја земаш во рака и цедиш додека не излезе целото млеко. Така исцеден леб го ставам во месото
Лепче суво ама потопено во вода и убаво исцедено. Се става и компир, ама мене ми е повкусно ќофтето со леб.
мјамммм...мелено месо сакам во се во супи,во манџи...во се што може највише на обожавам супата на мама што ја прави со мелено месо
