Што значи палењето на свеќите во црква, кое е верувањето за палењето на истите? Што значи свеќи „ kapino strei “, не ми е јасен поимот, треба да запалам свеќи во црква, ве молам кој знае нека се приклучи на темава.
Во садот (незнам како точно се вика) каде што се палат свеќи ама горе (во долниот дел се палат за мртви). Ќе ја запалиш и во себе ќе ја наречеш дека е за твое здравје. Јас обично палам по 3, за мое здравје, за малиот и мм. Ти можеш и 1, нема врска само да е непарен бр на свеќи (така знам, зашто за мртви се носи парен брпј на свеќи). Ќе се снајдеш а и ако не ти е јасно прашај го ѓаконот таму во црква (лице кое ја одржува црквата)
Ви благодарам многууууу, само во црквите сега почесто се палат свеките на место со вода а оздола песок, свеќите што треба да ги запалам треба да се големи.
Палењето на свеќите во цркавата ја претставува нашата жртва кон Господ. Таа е нашата бескрвна жртва, зашто последната крвна жртва која се пролеа за простување на гревовите на сите нас е самиот Господ Исус Христос. Назад во Стариот Завет, една од наредбите беше принесувањето на крвната жртва како почитување на Господ. Во тоа време се беше базирано само на она што Господ го кажуваше преку своите пророци, на кои многумина и не веруваа. Разликата на светите пророци од останатите луѓе е токму тоа што тие луѓе се она што го учеле за Господ и сите тие закони не ги разбирале буквално, туку ја барале нивната духовна смисла. Затоа е и мал бројот на свети пророци во Стариот Завет. Но, со самото доаѓање на Господ Исус Христос, се она што беше напишано во Стариот Завет, го докажа со дело и покажа дека човекот по својата природа е свет. Затоа треба тој постојано да се стреми кон совршенство. Додека со Неговото распнување, Тој беше последната крвна жртва. Така и од тој момент, повеќе не се пролеваат крвни жртви, туку се принесуваат други дарови. Тоа е свеќета која ја симболизира Божјата светлина и топлина која треба да се всели во нашите души и срца. За тоа колку свеќи треба и е потребно да се запалат, нема и не постои правило. Доволно е да се запали и една свеќа, но за тоа време додека ја палиме и потоа, во себе да кажеме една искрена и чиста молитва. Не се потребни многу зборови, нека бидат само два зборови (Господи помилуј!) или еднставно искрено да се каже, да биде војлата Божја. Сепак Господ знае многу повеќе што нас ни е потребно во моментот и најважно што е полезно и добро за нашата душа. Исто не е важен парниот или непарен број на свеќи.
А, ако не палиме свеќи не сме верници? И второ прашање: Зошто постојат свеќи од 2,5,10,20,50 и 80 денари?
Не значи дека не си верник, ако не запалиш свеќа. Сепак палењето на свеќа е еден вид на жртва која се принесува за Господ. Кој како си сака . Тоа зависи и од самата големина на свеќа. Претпоставувам дека поентата ти беше дека се работи за еден вид на поголема жртва, но ако е тоа вистинското прашање, навистина не е. И свеќата од 2 денари, а исто и онаа од 80 денари го има истото значење. Разликата е во тоа што таа што е од 2 денари ќе гори околу 30 минути, но онаа од 80 денери ќе гори и неколку часа. Тоа на еден начин е и од практични причини. Зашто за време на Литургијата потребно е да гори свеќа и 2-3 часови константно (пред иконата на Господ и на Мајката Божја) и затоа се става една голема свеќа. Но тоа не значи и дека ние треба да палиме од тие свеќи. Ова значи само за големите икони од Олтарот, но не и за пред другите икони. Но, не и грешка некој да сака да запали од нив.
1- Многу луѓе одат во Црква, се покажуваат пред народот, бакнуваат и палат свеќи, ама не се никакви верници. Најголем верник можеш да бидеш во срцето. 2- Свеќата дава светло. Колку свеќи и да се запалат од твојата свеќа, твојата светлина не се намалува. Така и ние луѓето треба да шириме светлина и љубов од нас, затоа што така светлото и љубовта се зголемуваат и шират, а не се намалуваат. Постојат разни цени, (тие пари одат во Црквата), па секој според џепот. За да може и посиромавиот да запали свеќа (од 2ден.) и побогатиот ако сака да остави повеќе пари, да купи од 50ден. (иако најчесто е обратно ).
^Ако совесно е направен гревот и ако совесно пристапуваш на тоа и не ти е жал, туку тоа не го сметаш како грев и како нешто погрешно, тоа е навистина грев. Но, ако направиш грев и отидеш во црква со покајание пристапиш за направениот грев, таа искрена молитва можеби ќе ти биде за спасение и прошка на гревот (по Божја промисла).
Кое е најпогодно време за палење свеќа ? Рано наутро,пладене,попладе би згрешила ли ако отидам навечер ? И мора ли свеќата да биде запалена внатре во црквата или може и надвор (затоа што има и надвор поставени такви незнам како се викаат со песок за палење свеќи) ?
^ Значи ако гори свеќа повеќе часа тоа е што поголема жртва кон Господ и повеќе ќе те сака? Не разбирам зошто нели сите сме еднакви пред Господ и сите еднакво сакаме да му пренесеме жртва преку палење на свеќа. Вака, се знае големите свеќи се купуваат само за крштевки, свадби или на секој празник од некои што сакаат да се направат побогати. А, јас мизерувам со свеќа од 2 денари, зошто мислам дека исто е дали ќе платам 2 или 80 денари.
^ Зар ти немаш приметено некоја бабичка како се вртка околу свеќите и штом ќе ја запалиш и го свртиш грбот ја гаси и ја собира? Така да немојте да се замарате дали била голема или мала, едноставно запалете ја од срце...
Одвреме навреме одам во црква,и палам свеќа и за здравје и за татко ми. Палам за сите мои блиски,секогаш земам 5 свеќи. Најтешко ми е ,кога таа долу треба да ја запалам.....
Епа грев е, ама ако човек не вервува во Господ не верува ни во рај/пекол, зошто телото по срмтта се распаѓа никој не може да биде сигуре дали има рај/пекол
Ете Серафима убаво ни објасни дека исто е значењето, без разлика на цената на свеќата. Исто и мене ме нервираат кога одма трчаат по луѓето и ги гасат свеќите. Еднаш вработениве во црквата се испокараа со луѓето, затоа што треба барем малце да ги остават свеќите за да погорат. За поголеми празници, во ред. Пренатрупани се свеќниците, плус капе восок па не можеш да се наведнеш да запалиш и подот е цел излепен.