сакам да ја направам питава со компири имам правено се али заборавив како треба тестото да се прави вака ли нешто брашно и сол и со млака вода да се меси а потоа се чека ли малце тестото или не ? а и мислам без квасец се прави ама незнам дали е така ајт некој ако знае нека ми одговори сакам да ја спремам
Знаете ли како се прават вакви компири? Буквално истата боја, целите имаа фатено коричка, крцкави, а внатре беа ровки, дури и некако шупливи. Ги нарачав во еден паб, пишуваше дека се пекарски. Anyone?
Рецептката може е попогодна за на скара ама јас во рерна ги печев. Си правев ражниши од компири исти ко тие пилешките шо се прават. Компирите се сечат на четвртинка се обвиткубаат со парче сланина и се редат во тава во релната да се печат. Од топлото почнаа да ја губат формата па им ставив јајца измеѓу и не излезе лошо. Последниот пат за да им остане формата ги набуцкав на стапче за ражнич и многу убави излегоа. Од зачини сол бибер вагета се по вкус. На скара сигурно се подобри, ама за компир греота е скара да се распалува
Мој личен рецепт Компирите се варат , со се лушпа... Кога ке се сварат се сецкаат на кругчиња и така неизлупени се пржат...откако ке се спржат ги посолуваш со вегета...пре пре преубави се прсти да изедеш....ги обожаваме по дома..за 5 минути ги снемува Едноставно изгледа и многу се вкусни
И јас сум обожавачка на компири, па еве и од мене еден многу едноставен но верувајте вкусен рецепт. Компирите исецкајте ги на коцкички и ставете ги во тава на среден оган и врз нив посипете зачин за печена пилетина (од kotanyt е го има да се најде во сите маркети) и ставете малку водичка па поклопете ги така да си крчкаат додека не им испари водата, и откако ќе испари пропржете ги малку на зејтинот. Исто така можете и да ставите од зачинот и на компири кои ќе ги печете во рерна. Мхмхмх )
Јас вака ги правам. Ги сечам компирите по должина на кришки и ги варам во посолена вода, не многу, околу 5-10 минути зависи од дебелината на компирите, за да не се распаднат. Потоа ги ставам во тава со маслиново масло, им додавам зачин и црвен пипер, мешам да се залепи црвениот пипер по нив и ги печам. Многу се вкусни, од надвор крцкави, внатре меки.
Една лесна салата со компири: Се рендаат варени компири, одзгора се ренда 1-2 јајца, се става рендан кашкавал и се мачка со мајонез. Порано кога јадев јајца си ја правев почесто, а и сега во посна варијанта е вкусна, кога ми се јаде нешто поинакво. (Во некои варијанти ставам и други работи кои ги имам при рака, грашок, морков, а за гости и шунка) Втор рецепт, се сецкаат компири (јас најповеќе ги обожавам малите тркалезни компирчиња, ама досадни се за лупење), се зачинуваат и обилно се наросуваат со сусам. Се печат во релна додека заруменат убаво. Едноставни се, а вкусни. Но, дома не ми ги сакаат на овој начин.
Јас не ги варам, ги сечам на кришки и во една длабока вангла ги посолувам, додавам вегета, 2-3 лажички црвен пипер и 2 лажички брашно. Ама!!! Пред да се стават зачините мора убаво со сува крпа да се избришат компирите, да се упие сета течност и после им се додаваат сите зачини. Со раце убаво се мешаат да фати секаде црвениот пипер и брашното и после во една тава се става од мрсната хартија што е за торти печење и врз неа се ставаат компирите, само да не бидат во голем дебел слој, помалку онака во еден ред, се попорскуваат со ептен малку зејтин и се печат до зацрвенување. Исти се како на сликава.
Еден рецепт и од мене потребни состојки: компири (по потреба зависи за колку луѓе правите) зачини (сол, вегета, оригано .. можете да експериментирате со зачини) маргарин мајонез/павлака (по избор) начин на подготовка: компирите ги лупите и ги сечете на кругови, ги редите во тава (намачкана со маргарин),на секое кругче ставате по мало парче маргарин, и ги печете така 20 минути. Потоа ги вадите, им ставате од зачините, и од мајонезот или павлака кој како сака и ги враќате во релна уште 20 минути. Испаѓаат преубави
Ајде еден рецепт од компирчиња од мене. Компирите се сечат на кругови НО не тенки, туку подебели кругови. Во една чинија се става брашно,вегета,бибер малку, други зачини што си сакате а во друга чинија се става масло. Парчето компир прво се превртува во чинијата со брашно а потоа се потопува во чинијата во масло и се става во тава(плех). Сите парчиња се подготвуваат на тој начин и се става после да се печат. Напомена- тавата(плехот) не треба да се премачкува со маргарин или масло пошто при подготовката парчето компир се превртува во масло. Превкусно е.
Компирите се лупат, потоа сечат (не до краj). Плехот на кој што ќе печете, го покривате со алуминиумска фолија (чисто од практични прични). Одозгора посипувате со секакви зачини на ваш вкус, и на крајот на секој компир ставате по едно парче маргарин (не големо). Во предходно загреан шпорет, на 180 С, ги печете додека не бидат готови (каj мене варира, некогаш се готови за 40 минути, некогаш за саат ипол). Откако ќе се испечат, во празнините ставете нарендана моцарела или пак сирење по ваш вкус (идејата е да се растопи сирењето). Не заборавајте да посолите предходно! ) Препрепревкусно )) Прикачената слика е од последниот пат кога ги правев. Да дополнам.. на сликата изгледаат подзагорени, ама баш се погодија како што треба.
Еве еден од мојте рецепти.Коа нема ништо за јадење спасот го гледам тука и многу е лесно и едноставно. Земете компири колку сакате,измите ги и излупете ги а потоа изрендајте ги.На тоа додадете 2 јајца,брашно и зачини.Смесата треба да биде со волумен како за палачиинки а потоа земете едно тав4е и со кутлачата стајте во тав4ето и измазнете. Пријате ручек ЈАС ГИ ОБОЖАВАМ
Компирите се варат со лушпа, па подоцна се чистат. Лук, кромид, свеж кромид, магдонос се сецкаат ситно. Компирите треба да се издробат (може и со раце да се згмечат), се додава лукот и останатото, зачини и сол по вкус, две jаjца и сето тоа убаво се меша. Одделно исецкаjте сирење (наjубаво пармезан или моцарела, ама не од тие што се продаваат во наjлонска обвивка, по можност поквалитетно, повкусно ќе е). Од смесата почнете да месите топчиња и во секое во средината ставете по парче сирење. Добро затворете, за да не истече сирењето при пржење. Откако ќе ги направите сите, извалкаjте ги во лебни трошки. Загреjте тава која што не подгорува, сипете масло колку да покрие барем една третина плескавиците и пржете на тивок оган. Многу се вкусни, преjадовме со маж ми!
