Тој е од оние ликови на кои честа и достоинството им се најважни во животот. Што би рекле ние, тој е човек со крст на чело, кој не прави компромиси кога моралот е во прашање. Сето ова прави да биде неразбран од околината, и посебно од неговата сопруга која почнува да ги презира неговите високи морални принципи. Ете тоа е Мурат, познат глумец кој синхронизира детски серии, но не и филмови во кои треба да биде убиец или измамник. А колку Мурат е прекрасен татко за своите деца, потврдуваат самите тие, со љубовта и приврзаноста што постојано му ги покажуваат. Уште на самиот почеток на серијата, Мурат ќе биде ставен во ситуација да мора да го напушти домот, и да биде подалеку од децата. И тоа просто ќе го скрши. Но, тој супер татко и глумец, многу брзо ќе најде решение, и ќе почне да ја игра најважната улога во својот живот. Како Мурат ќе се претвори во слугинката Јашар, и какви семејни згоди и незгоди претстојат, ќе гледаме и уживаме од понеделник до петок во 17 часот на Канал 5, во „Супер татко“ – нова играна серија препорачана за сите генерации. А за ликот на Ела – сопругата на Мурат? Таа не е ништо поразлична од сите амбициозни мајки кои сакаат се’ да имаат под своја контрола. Меѓу нас речено, таа е една од оние напорни мајки кои сакајќи им само најдобро на своите деца, буквално ги тероризираат, избирајќи им нај-училиште, нај-другари, нај-дадилка... Токму таа потреба од перфекција ги прави овие мајки да бидат уморни, раздразливи, да дофрлуваат дека се’ е на нивен грб. Таква мајка е нашата Ела. За неа нема добра дадилка. Мајка и’ и свекрва и’ не умеат да ги чуваат децата, па дури и сопругот го смета за неспособен да одговори на сите создадени потреби. Дали и колку Ела е во право, ќе можете да видите сами од понеделник до петок во 17 часот, во серијата во која сепак нејзиниот сопруг го има насловот. Што мислите за серијава? Ја гледа ли некој? Мене ми се допаѓа,ја гледам редовно,малку е поразлична од другите досега,и на моменти е доста комична. Главниот лик т.е таткото Мурат е човек за пофалба,за да биде блиску до децата прави жртва глумејќи стара жена-дадилка за да биде постојано со децата како тетка Јашар. Единствена нелогичност во серијава ми е брат и на Ела,човекот е престар за да и биде брат,мислам по тоа што и сопствената мајка дури е помлада од него Исто и името на серијава е утнато,на турски значи-животна улога,не супер татко.
Иако не е оригинал, сепак името е на место Ја гледам редновно, супер е Братот на Ела исто така глумеше во парампарче и и беше татко на Дилара (Ела) хахахах
Веќе почна серијава? Ја видов рекламата и ме потсети на филмот со Робин Вилијамс, Mrs.Doubtfire Сигурно идејата од таму е преземена па претворена во серија.
Актерите нешто не ми се добро одбрани. Ела овде има брат кој во парампарче глумеше дека и е татко, а со бившиов сопруг воопшто не се убав пар. Сепак ми се допадна содржината на серијата и ме потсети на филмот Mrs. Doubtfire кој одамна го немам гледано
Не е важно кога е снимен. Воопшто не си одговараат како брат и сестра, освен тоа актеров од неа е постар 30 години што е и пологично во парампарче да и глуми татко. Сепак има убава содржина серијава и тоа е поважно одколку актерската постава.
Крајно нелогично е да и глуми брат тука,не само затоа што во Парампарче и глумел татко,туку бидејќи глумецов е престар,па во серијава постар е и од сопствената мајка Мислам,има и други личности што различни улоги глумеле во сериите,ама барем поубаво се вклопиле,биле помладолики и слично,ова е ту мач Инаку,интересна е серијава и има доста комични моменти со госпоѓа Јашар