Како и секоја година и овој први ноември на поранешниот индустриски магнат Хенрик Вагнер за роденден му пристгнува необичен подарок - уште еден потсетник на таинствената случка од минатото што претставува неподнослива болка на старецот . Затоа сака да се обиде уште еднаш пред смртта да ја разреши мистеријата што го измачува со децениии......... Микаел Блумквист е еден од водечките шведски економски новинари, бескомпромисен за расветлување на економските малверзациии со беспрекорна кариера и косопственик на магазинот Милениум. Токму кога ќе го осудат за клевета на еден бизнисмен тој добива неверојатна понуда од Хенрик Вагнер ..... Бледа и со анорексичен изглед, истетовирана и со речиси избричена глава со пирс на носот и на веѓата - Лизбет Саландер е најдобриот истражувач на една позната стокхломска фирма за обезбедување. Патиштата на познатиот новинар и на оваа мистериозна девојка се вкрстуваат и се соочуваат со најголемата мистерија...... Доколку сакате мистерија и сте за нешто што нема да ве остави се додека не го дочитате ова е книгата за вас. Има две продолженија, второто е Девојката која играше со оган и третото Девојката што го урна осилото. Ви се допаѓа ли трилогијата и кој ви е омилен дел? Кој лик најмногу ви се допадна?
Леле БРАВО за темава , книгите ми се прекрасни и тоа сите 3те !!!!!! Најдобро нешто што сум го прочитала.Најјака ми е Лисабет.
Моите омилени книги.Браво, браво, браво! Иако се обемни се читаат во еден здив и ниту во еден момент не ми здосади.. баш штета што нема други книги ..
за темата! Моите омилени книги. Ги гледав и филмовите и подобра ми е шведската верзија. Сум ја гледала и америчката ама таму Лизбет ми е некако вештачка. А овде Нуми Рапас совршено ми се вклопува. Поточно, во америчката верзија и другите актери ми се некако lame. Девојката со тетоважа на змеј, првиот дел, го сакам највеќе, последниве две лета по 5-6 пати ја прочитав. Лизбет ми е закон, и иако е фиктивна личност ми се допаѓа што е своја, не се покорува на никој и донекаде учев од тоа. И, иако од надвор изгледа грубо, покажува дека не е бесчувствителна. Сите сметаат дека има ментална ретардација, дека не е способна сама да се грижи за себе, но ги изненадува со своите способности како истражувач и хакер. Ја обожавам!
Имам неколку омилени книги, овие од Стиг Ларсон се дефинитивно во тие. Прекрасни книги, предобри. Ликот во нив Лизбет Саландер ми е идол. И се восхитувам. Морам да кажам дека научив многу работи од неа, се соживував со неа. Дури кога ќе се најдев во некој разговор, работите ги споредував со неа. Зборував за тоа како таа би реагирала на нешто. Книгиве имаа големо влијание врз мене. Се сеќавам кога го читав последниот дел, по малку страници читав бидејќи не сакав да ја завршам книгата, не сакав да се разделам со Саландер.
Има најавено уште еден дел, четврти, The Girl in the Spider's Web, ќе биде напишан од Дејвид Лагеркранц, а се очекува да излезе во септември. Јас се прерадував кога видов, ама сега не сум сигурна дека ќе го прочитам, не сакам да ми се уништи впечатокот. Тешко дека друг човек ќе може да ја долови замислата која ја имал Стиг Ларсон. А и Саландер не е едноставен лик за портретирање.
ги имам читано и ги препорачувам, но мене некако ми се развлечени (долги) можело пократко без премногу опширни описи. инаки оценка 8/10