Прво да кажам дека не знам македонска верзија на терминов, затоа е на англиски насловот. Јас сум една од нив. Значи се' што е поврзано со криминал, ме фасцинира. Сакам да знам кои се причините, дали постои превенција и која е? Порано гледав на ID & CI, сега на Јутуб. Посебно ми се интересни JCS inspired интервјуа. Ако има и други како мене, повелете.
Еве ме и мене, само јас се дозирам со подкастови. Ко на пример: Crime Junkie, Dissappearances, My Favorite Murder, Voices for Justice (првите 32 епизоди се за исчезнувањето на сестрата на водителката), Serial Killers, Missing, Morbid, Deathbat Confessions, Criminal, Serial, и секако еден од најдобрите - Cults. Темава е за љубители на вистински криминални случувања. Јас лично, колку морбидно и да звучи, обожавам да слушам/гледам/читам за криминални дешавки и злосторниците. Не ми е интересно самото дело, колку мотивите и психологијата на злосторникот. Дознаваш какви сè луѓе постојат, какви болести, трауми, комплекси и нагони имаат луѓето. Психологијата е таа што ме влече упорно да слушам криминални приказни. Еве последно се опседнав со Jeffrey Dahmer, гледајќи ја серијата, паралелно ислушав неколку подкасти, изгледав неколку видеа на Јутуб и читнав неколку статии. Сакам да ги знам деталите.
Ме интересира, меѓутоа не сум нешто преопседнат. Порано следев една јутјуберка, редовно гледав нејзини видеа ама во последно немам толку време. Иначе би можело да се дискутираат и true crime случаи на темава, мислам дека немаме нешто такво на форумов.
Исто и јас сакав да напишам за Jeffrey Dahmer, паралелно ги гледав и др.интервјуа со него . Која психа човече, па како ги бира жртвите ( воглавно црнци во кварт кој на никој не му е гајле) . Ок да не бегам од темата Значи покрај криминалот , ме интересира исто и психолшките аспекти, мотивот, начиот на бирање жртва и сл. Посебно сум фокусирана на сериски убијци. И повеќе пратам такви документарци и серии.
Отсекогаш ме интересирале вакви тематики. Уште од средна школа сум читала и пребарувала за нешто несекојдневно.. пр Дракула зошто го викале дракула. Убиства, секти итн. И како што кажа @MissChievous ме интересира психичкиот дел на тој што го направил делото. Што мислел, што довело до тоа. Колку човечкиот мозок е способен за бизарни работи, во исто време и колку е интелегентен. Сакам психилогија уште поинтересно ми е кога психолози и психијатри даваат анализа на профилот на сторителот, како и на жртвите. Меѓу последните документарци ( кратка серија ) со ја гледав беше The Jinx, Life and deaths of Robert Durst
На времето имаше еден серијал од мали магазинчиња, секој број беше за различен сериски убиец. Со нив почна се'... Имаше еден дијалог во серијата за Дамер, некој рече нешто во стилот: “Што не е во ред со општеството, што денес има толку сериски убијци?“ За психолошкиот аспект, би ви ја препорачала Emma Kenny Женава е психолог по струка и често се појавува во британски документарци за вистински криминал. Видеата и се долгички (60-90 минути), ама ептен прави deep dive во психолошката анализа на престапниците.
Мене психолошкиот аспект ме интересира, сакам да знам како размислува криминалниот ум. Не дека нешто уживам и се фасцинирам да слушам за злоделата кои ги имаат направено.
Исто. И кога ќе размислиш според анализите... за секое 'зошто', има 'затоа'. Оваа што ја спомнав погоре е многу инволвирана во идејата за превенција, пред казна. Легислативните системи секаде се повеќе сконцентрирани на казнениот дел, отколку на превенција и рехабилитација. Кај нас... непостоечки се тие делови. Ќе чекаме некој-да напрај нешто, па после ќе му ја мислиме шо-како...
Едно време и јас бев прилично заразна со криминални серии, real life criminal, сериски убијци и слично, ама ги откажав полека. Постојат криминални/болни умови на овој свет ама кога ќе почнеш да гледаш опасност во се, некако не е веќе интересно. Најмногу имам читано/гледано серијали за Тед Банди.
Бидејќи темата е во категорија на филм ќе пишам неколку филмови кои се инспирирани од вистински настани и личности. 1. godfather Епски филм, ликот на Дон Вито Корлеоне, фасцинантен лик кој на прво место секогаш му е фамилијата, лик кој никогаш не ја изневери сопругата, лик кој е секогаш против наркотиците, лик кој ги држи пријателите блиску, а непријателите уште поблиску, започнува се од нула, буквално од дното на сиромаштијата, стекнува доверба и почит меѓу луѓето затоа и сите за било каков проблем му се обраќаат нему. 2. Good fellas Хенри уште од млади нозе знае што не сака во животот, а тоа е да биде обичен работник како неговиот татко кој едвај врзува крај со крај. Од најмлада возраст случајно запаѓа во рацете на мафијата, будно ги следи нивните случувањата, фасциниран е од заработувачката на ‘лесни пари’, а подоцна и дрогата, љубовници, пропаст, лик кој на крај ќе се свести и ќе сака да се среди, ќе спаси жива глава како заштитен сведок. 3. Heat Филм во кој е снимена една од најдобрите сцени каде ќе биде ограбена банка со милиони, здружена банда и полицаец кој упорно им го следи секој траг. Филм за кој ќе биде предоцна за секој еден да стави крај на тие ограбувања и ќе сака да продолжи со нормален живот далеку од сите. За жал за секој еден од нив ќе биде пре доцна. има и многу филмови кои вредат да се погледнат, кои се снимани и режирани по вистински настани, она што е заедничко за сите нив и нивната психологија е тоа што сите потекнуваат од сиромашни семејства, тешок живот, преживување, желбата за моќ, желбата за големи пари и богатсво без разлика кои средства ќе ги применат само да ја остварат целта, безмилосни, убиваат без око да им трепне, конзумери на тешки наркотични средства за да ги смират мислите и да се опуштат, љубовници и несреќни бракови, на крај дел од нив завршуваат или зад решетки или се веќе мртви.
Скоро сите сериски убици што имам читано за нив или следено некој документарец имале трауматично детсво. Еве на пр. Тед. Лут на мајка му во тинејџерството. Бирал специфични жртви, точно знаел каков тип на жена. И уживал во тоа до распаѓање на телото. Уште од млади години покажувал интерес за криминал, го проучувал. Тоа е тој ум што нас не интересира да го анализираме. Сите сериски убици имаат болни умови. Тој така едноставно им функционира ,за нив е нормално, за нас не.
Mindhunter е добра серија real life inspiration , баш за љубители на сериски убиства . Воедно и психолошка анализа на чинителите , создавање на сериски убиец и конструкција на реално сценарио со интервјуа на осуденици .
