Јана Бурческа ќе ја претставува Македонија на Евровизија 2017

МРТ одлучи на овој престижен и реномиран музички натпревар, честа за претставување на Јавниот национален радиодифузен сервис и Македонија, да и се довери на младата македонска интерпретаторка Јана Бурческа.


Македонската Радио Телевизија како членка на Европската Радиодифузна Унија, донесе одлука со која се дефинира учеството на Македонија на претстојното 62 издание на најголемиот меѓународен музички фестивал во Европа „Избор за песна на Евровизија“ Киев, 2017 година.

Имајќи го предвид фактот дека според правилата на EBU, секој Национален радиодифузер има целосно право и слобода на избор на форматот низ кој се одлучува актуелниот национален претставник, МРТ одлучи на овој престижен и реномиран музички натпревар, честа за претставување на Јавниот национален радиодифузен сервис и Македонија, да и се довери на младата македонска интерпретаторка Јана Бурческа.
МРТ смета дека соработката што следува со Јана Бурческа, заедно со авторскиот тим на композицијата којашто ќе биде одбрана, ќе резултира со модерен и пред се атрактивен евровизиски производ , со афирмативен национален карактер во контекст на достојното претставување на Македонија пред европската и светска културна јавност.

За терминот на официјалното претставување на композицијата со којашто Македонија ќе се натпреварува на Евровизискиот Избор во Киев – Украина 2017, МРТ дополнително ќе ја информира македонската јавност.
http://www.skopjeinfo.mk/jana-burcheska-kje-ja-pretstavuva-makedonija-na-evrovizija

 

Која е оваја нова ѕвезда ? И нели е Евровизија веќе одамна небитна ?

 

ја знам како изгледа и симпатична ми е, не слушам мак музика за да знам нејзина песна ама барем одбраа младо симпатично девојче. Со среќа

 

Jana cinam na makedonakiot idol se natprevaruvashe

 

Знае некој една песна од девојкава? Еве јас не знам, а сметам дека сум во тек со македонската музичка сцена. Се сеќавам на некои нејзини настапи на Македонски идол и знам дека направи некои преработки на песни, но нејзина песна немам чуено. И оваа ми е антипатична најмногу затоа што ја познавам и не ми оставила добар впечаток ни во живо

 

Повторно ли евровизија?
На детската евровизија,Мартија освој 12 место,од 17 учесници
Не беше фер

 

Не ни гледам.
Скапи ми се очите.

 

Зашто бе нас никој не не прашува??

 

Пред некој ден ја слушнав веста, па отворив гугл..ама и тој не знаеше многу
Барем нема да се мачам да гледам и оваа година..
Ама сигурна сум дека имаме повеќе шанси со девојкава него ли со Калиопи..

 

Девојкава изгледа модерно, младо и убаво. Баш како девојка што треба да не’ претставува. Како пее појма немам, не ја следам нашата музичка сцена. Во секој случај, сигурно ќе е подобра од Калиопи. Или Есма.
Ако не и’ направат глупава песна во мк евровизиски стил, има потенцијал да остави впечаток, барем визуелен.

 

Одлично! Се радувам. Порано се дружевме, добра си е девојката скроз и навивам да победи на ЕВ.

 

Ми личи и мене на убава промена.
Барем нема да ги гледаме истите фаци.
Девојчето има мил лик.
Друго не знам за неа.

 

Зошто се троши пари за вакви глупости? И за детска и за возрсна евровизија е секогаш исто... Секој си му дава на комшијата поени и толку... А за да биде иронијата поголема, ние со сите комшии сме скарни. Па? Од кого очекувате поен?

А поарно воопшто да не го поставам прашањето: Која е оваа Јана, по ѓаволите?

 

Јана ја памтам од Македонски идол и еднаш мислам на реклама, за некоја крема беше

 

Само убаво песниче да и стокмат

 

Секако ќе ја пратат со некоја потпросечна песна, па кој и да оди исто ни се фаќа.

Како пред некој ден Мартија на детската евровизија. Девојчето имаше одличен сценски настап, добро не претстави, ја следев на Инстаграм на wiwibloggs, добро го владее англискиот - интервјуата и беа интересни, ама се е џабе ако не ја бива песната.

 

Епа оти сте толку негативни те затоа за ништо не не бива. Мислам дека и ние сме дел од Европа, имаме право на учествување, ја одбрале па шо треба да бидеме горди шо имаме кој да пратеме уопште. Глупости љуѓе нека и е со среќа на Јана, нека проба и такво искуство.