Бразилскиот феномен "Авенија на љубовта" од утре во 19:30 часот на Алфа телевизија Од утре (понеделник) на програмата на Алфа телевизија започнува најпродаваната бразилска серија на сите времиња, "Авенија на љубовта". Се работи за серија која инстантно стана светски феномен, прикажувајќи се во над 130 земји ширум светот. Огромен рејтинг достигна не само во Бразил каде улиците беа празни за време на нејзиното прикажување, туку и во земји како Аргентина, Португалија и Унгарија, како и земји од Африка и Далечниот исток. Во главните улоги ќе ги гледаме добропознатите Лукас и Мел од "Клон". Приказната за одмаздничката Нина и нејзината злобна маќеа Кармиња ексклузивно за Македонија ни ја носи Алфа телевизија. Содржина: Ова е приказна за малечката Рита која живее со својот татко Женесио и злобната маќеа Кармиња која го малтретира девојчето. Рита и нејзиниот татко дознаваат дека Кармиња сака да ги ограби заедно со нејзиниот љубовник Макс, но тогаш се случува голема трагедија. Женесио е прегазен на улица од фудбалерот Туфао. Пред да умре, тој му го кажува на Туфао името на сопругата и умира. Туфао чувствува грижа на совест поради тоа и решава да ја пронајде и да и помогне на вдовицата Кармиња не знаејќи за злобата на Кармиња. Во меѓувреме, паметната Кармиња открива дека фудбалерот е виновен за смртта на својот сопруг и гледа шанса во животот за да се снајде подобро. Кармиња и Макс смислуваат опасен план кој ќе ги смени и нивните животи и животот на малото сираче Рита. Кармиња решаав да глуми наивна и тажна вдовица со што ќе го натера Туфао да се ожени со неа, и така да замине од сиромашниот кварт и да се пресели во огромна вила, плод на фудбалската кариера на новиот сопруг Туфао. Но Кармиња и Макс решаваат да се ослободат и од девојчето Таа беше само дете, а тие беа доволно сурови за да и одземат се'. Затоа ја носат малата Рита на едно ѓубриште кое од сега ќе биде нејзиниот нов дом. На ѓубриштето во бедата и очајот, Рита го запознава малото сираче Батата со кого доживува една невина детска љубов. Но судбината сакала да ги раздели, па така Рита е посвоена од аргентинско семејство кое и го дава името Нина, а Батата е посвоен од Кармиња и Туфао и го добива името Жоржињо. Но и Макс успева да се снајде така што се жени со сестрата на Туфао и се преселува во вилата. Кармиња раѓа едно девојче кое е плод на врската со Макс, но ги лаже Туфао и неговото семејство дека детето е на Туфао. Кармиња крие и уште една голема тајна. Батата, односно сега Жоржињо е всушност нејзин син од кого се откажала како бебе. Поминуваат години и се менува животот на сите. Нина се враќа во Бразил со единствена цел, да и се одмазди на злобната маќеа и со тоа да ја одмазди смртта на татка си. Гневот и омразата кон маќеата се претвораат во несопрлива желба за одмазда, па така таа нема да бира начин да ги натера Кармиња и Макс да платат за тоа што го сторија. Се вработува во богатото семејство како слугинка, но Кармиња не може да ја препознае. Нина ја започнува својата игра на одмазда, но тука се вљубува во Жоржињо, не знаејќи дека тој е всушност Батата од ѓубриштето. Многу сплетки, љубов, омраза, скриени тајни и притаени страсти, фудбал, бразилска самба и забава не очекува во новата бразилска теленовела, која ќе се емитува секој работен ден, од понеделник до петок во 19:30 часот на програмата на Алфа телевизија.
почнав да ја гледам на алфа, но синхронизацијата е катастрофа, сега ја гледам на натабану, серијата е преубава, нашиве дефинитивно ја уништија
Пишете им на ФБ или на меиловите vesti@alfa.mk marketing@alfa.mk И јас сакав да ја гледам, ама синхронизирана не, турска ја направиле вака.
бетер од индиска е вака, турските пак донекаде добро ги синхронизираат фала што ми кажа, одма им пишувам
Значи серијава си е супер, али овие од алфа не се салам синхронизирана ејј ! со кој памет ? сакаат да ја потурчат и да ја упропастат или пак некој пензионер да си помисли дека е турска и да ја гледа ццц
Серијава ја пратам..да да прекрасна...на фејс му ја најдов страната таму на бразилски јазик...и да не очекував баш дека ќе ја сихронизираат.Па кога ја најавуваа на толку и толку јазици сихронизрана ова она..добро де,мора и ние?Луѓенца нека си збораат актериве нормално,нема потреба од сихронизација.Јазик малку ќе научевме ако не за друго...А како се вика глумицата шо ја глуми Рита,то ест Нина?
Интересна е серијава, ја загледав, обично ја гледам репризата околу 3 што почнува + го обожавам Бразил
Да ви кажам најискрено, иако филмот има интересна приказна, јас ја гледам само заради Жоржињо. Леле сон ми е. СОН!
Секој ден се повеќе се "заразувам" со серијава. Секоја вечер, без да изгледам 2-3 епизоди на натабану, не легнувам
Хехехе, исто и јас како тебе! леле кое мажиште еее ауууф само едно нешто ме нервира - оваа тифусаров, као муж е.. незнам откај ја ископаа она за него можеле некоја лепотица (за да му прилега) а не овој мушкарацов
И мене ич не ми се допаѓа главнава глумица, како Џералдина Чаплин ми е, башка колку беше мила како мала, сега се е нервозна, непресметлива... и најнакрај таа е 4-5 години помлада од Жоржињо, а како да е 4-5 години постара... Баш можеле таа вереницата што му ја глуми да ја стават за главна...
Алфа ја уништува Авенија, оштетени гледачите http://tvpaket.com.mk/serii/3678-2014-09-18-18-35-41 Да праќаме меилови за да ја даваат како што треба, а не да кратат пола епизода. marketing@alfa.mk piper@alfa.mk sport@alfa.mk pinkzvezda@alfa.mk Пратете пораки на сите меилови.
Дали некој знае што се случува ја прекинаа бразилската серија на алфа, мислам Авенија на љубовта нешто така дека се викаше. Да не смениле термин? Мислам стварно нема смисла.. ма да навикнавме веќе така прават со се што не е турска серија, како што ја прекинаа грчката серија на канал 5.