Морав* Кога светски познатиот харвардски криптолог Роберт Ленгтон ќе биде повикан во Швајцарската истражувачка постројка за да го анализира таинствениот симбол - врежан на градите на убиениот физичар - тој открива докази на незамисливото: повторно оживување на древното тајно братство на илуминатите, најмоќната подземна организација уште од настанувањето на светот. Сè упатува на тоа дека неминовно се ближи часот на конечната пресметка на ова братство воскреснато од Светиот стол. Најлошите стравувања на Ленгдон се потврдени во највисоките конклави, кога гласникот на илуминатите објавува дека скриле незапирлива темпирана бомба во самото срце на Ватикан. Додека трае одбројувањето, Ленгдон одлетува во Рим со Виторија Ветра, прекрасна и мистериозна италијанска научничка, за да му помогне на Ватикан во очајничката борба за опстанок. Впуштајќи се во френетична потрага низ запечатени скрипти, опасни катакомби, напуштени катедрали, па дури и во најтајниот трезор на светот, Ленгтон и Ветра ја следат 400 години старата Патека на просветлувањето, создадена од древни симболи, која се извива преку Рим сè до одамна заборавеното дувло на илуминатите, таинствена локација каде што можеби се крие шансата за спас на Ватикан. Немам друго што да додадам освен - Воодушевувачки добро! Какво е вашето мислење за книгата ?
Ангели и демони - Ден Браун Импресионирана сум од способноста на Ден Браун добро да ги спои заговорот, љубовта, вечната војна на религијата и науката, минатото и иднината во едно дело како сто е Ангели и Демони. Делото е комплицирано мегутоа напишано на многу едноставен и разбирлив стил, се чита во еден здив. Едноставно ја обожавам книгава. Најинтересен дел во библиотеката на Ватикан.... like
Ангели и демони - Ден Браун Обично не гласам за комерцијала, меѓутоа Ангели и Демони на Ден Браун ме воодушеви. Не е типична, слатка петпарачка литература. Добро е поткована, истражена, фино скоцкана, се чита во еден здив. Не ме остави без сон два дена, топло ја препорачувам, посебно за време на годишниот одмор. Одлична.
Ангели и демони - Ден Браун Ја прочитав за неполни три дена. Очите ми поцрвенуваа до степен да ме печат, ама не ја оставав книгата на раат. Ми се допадна неочекуваниот пресврт, спојот на науката со религијата, начинот на кој беа претставени сите мистериозни „факти“. Долго после книгава се интересирав за антиматерија.
Ангели и демони - Ден Браун Откако ја прочитав Кодот на Да Винчи, Ангели и демони ми е следна на мета. Гледам со истиот лик е од Кодот на Да Винчи - Роберт Ленгтон... дали ова е нова приказна или продолжение на Кодот на Да Винчи?
Ангели и демони ( Ден Браун ) Комерцијала! Оваа беше првата и последна книга прочитана од Ден Браун, искрено, земав да ја читам бидејќи ме интересираше повеќе научниот дел, поврзан со неа, т.е. антиматеријата... Но и тоа беше толку непрофесионално напишано и многу невистини во врска со Церн и сфатив дека овој човек, пишува дела кои се контраверзни, кои ќе предизвикаат негодувања кај некоја страна, а демек открил некоја тајна на човештвото, преувеличува, се' со цел да на тој начин ја привлече публиката и секој да ја купи со мислата, леле, леле чекај да видам што напишал, што се крена толкава врева... Нема никаква уметност, но сепак нели, секој со свој вкус и како што рекол нашиот гениј Венко Андоновски во „Вештица’’ стр. 86: „И бестселерите не ги пишуваат секогаш најдобрите писатели. Еве Ден Браун, на пример. Класичен површен кретен, а сите го читаат. ’’
Ангели и демони ( Ден Браун ) Предобра ! Им ја препорачувам на сите. Посебно ми се допаднаа холограмите на написите : " илуминати ", "earth", "water" и "air".
Ангели и демони ( Ден Браун ) Изгледа сум единствена на која Ангели и демони и остана во ум како тупење од двеста страни негде на средина. Многу мачно и долго ми се виде опишувањето со тие четворицата кои ги заробија... Почнав да ја читам возбудена памтам, и од толку возбуда некако замрев. Ја купив подарок за мајка ми, и ја прочитав пред да и ја дадам. После тоа беше извиткана од што сум вртела страници, сум ја оставала свиткана за да направам белешки... Пуст срам.
Ангели и демони ( Ден Браун ) Ја прочитав за околу три дена. Не ја оставав книгата, тотално ја измалтертирав. Многу е интересна, колку само се заинтересирав за ЦЕРН и за илуминатите, колку само ме тераше воопшто да не верувам во религијата. Се соживив со целата приказна, се згрозував, се изненадував. Одлична книга.
Ангели и демони ( Ден Браун ) Оваа книга ја прочитав вчера. Седнав отсабајле и завршив некаде околу полноќ. Ме заинтересира страшно и неможев да ја оставам..Колку само ме изненади крајот! Предобра книга, ја препорачувам на сите на кои не им е прочитана.
Како и сите книги на Ден Браун и оваа е одлична. Мистерија која едноставно ве тера да ја читате, ве остава без здив. Барем мене така ми беше додека ја читав. Многу ми се допаднаа описите на ЦЕРН, Илуминатите )
Мене многу ми се допадна! После ова, иако сум воспитувана во христијанско семејство кое ја почитува религијата, многу работи во мене се сменија. Не викам дека повеќе не го почитувам она кое моите ме учеле, ама од свештеници, попови... Црквата, самата е контрадикторна на она кое го проповеда нашата религија. Значи, ја почитувам религијата, но сепак мислам дека нашето постоење се должи на природата, а не на Бог... Или пак, како што некои сакаат да кажат... Природата е самиот Бог.
Прекрасна,заедно со Кодот на Да Винчи и Симболот.Темата на сите 3 книги многу ми го привлекува вниманието.Филмот е катастрофа.
одлична книга два дена веќе сум со неа и како што наближувам до крајот успорувам, несакам да завршам со читањето.... Кодот на Двинчи Загубениот симбол сега Ангели и демони и ми останува уште една Дефинитивно му се восхитувам на Ден како ли ги пишува овие книги бре??? од каде толку информации за Ватикан,Вашингтон,Париз,ЦРЕН,Швајцарската гарда,ФБИ,масоните,илуминатите...од каде доволно податоци за да напише олку логични книги, некако колку и да знаеш дека е измислена приказна те наведува барем да прогуглаш повеќе
Импресионирана сум од стилот на пишување на Ден Браун. Човекот е незамелив, успеал да направи дела кои што се прекрасни, ги споил на едно место религијата, науката... Ја прочитав во еден здив. Не можев да престанам да мислам на неа и што би можело да се случи. Откако ја прочитав оваа книга добив огромна желба да го посетам Ватикан. Браун во книгата го опишал толку убаво и толку детално што во тој момент додека читав ми изгледаше како најубавото место.
