Пребарував по темите, но не најдов за бадемово млеко. Дали вие пиете бадемово млеко? Бадемовото млеко е одлична замена за обичното млеко од животинско потекло. Има доста бенефити како на пример: хранливо е, нискокалорично, има висока концентрација на витамините Е и D, висока содржина на калциум. Исто така има здраствени бенефити како што се: не го покачува нивото на шеќер во крвта, го редуцира ризикот од срцеви заболувања, ги зацврстува коските и слично. Главно се прави од буквално две состојки: вода и сирови бадеми. Може да се додаде екстракт од ванила, урми, цимет или какао зависи каков вкус сакате да има. Бадемовото млеко е одлично за вегани, за оние кои се нетолерантни на лактоза и за оние кои едноставно сакаат да го заменат обичното млеко со бадемово заради поздрав живот. Сите знаеме дека бадемите се скапи, но готовото купечко бадемово млеко воопшто не ми е сигурно за конзумирање бидејќи голема е веројатноста да има скриени шеќери и други штетни состојки. Нема посигурно од домашно направени намирници. Јас планирам да направам во блиска иднина и да го користам понекогаш во кафе или смути. На пример, сакам да си направам нескафе со инстант кафе, бадемово млеко и стевиа како замена за шеќер. Не треба да заборавиме дека бадемовото млеко се чува во фрижидер 3-5 дена што значи треба што побрзо да се конзумира. Дали некој правел досега да кажи какво е? Може да се споделуваат слики, совети и искуства.