Бесплатен јавен превоз за студентите и средношколците од приватните училишта и универзитети

Комисијата за заштита и спречување на дискриминација пред неколку дена најави дека ќе поднесе тужба против град Скопје за заштита од дискриминација од јавен интерес за остварување на правото на бесплатен превоз за студенти кои се на приватна настава.

Пред некој месец, и средношколскиот сојуз поднесуваше барања, тужби или не знам што, за учениците од приватните средни училишта да го остварат ова право.

Во повеќето интервјуа, учениците и студентите велат дека се чувствуваат дискриминирани бидејќи не ги добиваат истите услови со учениците од државните универзитети и училишта.

Дали овие ученици и студенти се вистински дискриминирани?

Што мислите, дали е оправдано нивното барање, и зошто?

Дали сметате дека оние кои посетуваат приватни образовни установи немаат исти или имаат полоши услови од оние од државните образовни центри?

 

Моето лично мислење е, иако законски испаѓа дека се дискриминирани, сепак условите во кои учат се многу, далеку, несразмерно подобри од оние кои ги имаат учениците и студентите на државните универзитети.

На некој начин, може да се каже дека и оние од државните се дискриминирани бидејќи поради економските услови немаат пристап до подобро образование (ова подобро образование е малку дискутабилно во однос на приватните универзитети и училишта - бидејќи нели, владее мислењето дека плаќаш добри оценки).
Но сепак, тоа не го исклучува фактот што тие учат во генерално подобри услови и самата услуга и искуство се далеку подобри.

Од една страна сочувствувам, и се согласувам дека нешто тука не е еднакво.

Но осеќам морална дилема да кажам дека се во право родителите кои плаќаат илјадници евра на приватно образование - немаат 1500 денари за слободна карта, и го бараат тоа право.

А од друга страна има ученици чии родители едвај врзуваат крај со крај, и собираат пари за да купат ранец и тетратки на 1ви септември.

 

Шо се замарате, и така тие не се возат со јавен превоз.

Али нивните родители пак плаќаат данок, така да дискриминирани се.

Да зееме и здраствено и пензионо да им одзееме ако не?

 

Со сѐ што е од јавен карактер можам да се замарам и да имам мислење или интерес.

Ако имаш мислење искажи го убаво.
Ако ти се расправа, не коментирај...
Ако не ти се расправа, пак не коментирај...

Кога веќе отвори тема за даноци, се поставува прашањето дали тогаш можеби треба да постои прогресивен данок. Што е друга тема.

Пак ќе речам, двоењето на двете класи на ученици во основните очите на државата и општеството го гледам и јас.
Но, двосмерно е.

Моралната дилема е дали двајца од кои едниот зема 20.000 а другиот 80.000 и плаќаат иста големина на данок, може да очекуваат исти бенефиции од општеството?

Темата е широка. Ако имаш конструктивно мислење, повели...

 

Ко за некој Ајронмен, многу си нежен на живци.

Никој тебе лично не ти се обрати, а и поентата на коментирањето е расправа околу одредена тема...
Ако тебе не ти се расправа, тогаш немој.

Се што е од јавен карактер и интерес, па уше и на јавен форум, ја можам и смеам да го кометирам, на начинот на кој јас сакам, без некој да ми го брани тоа.

Моето конструктивно мислење беше погоре, јасно и концизно, дури три реда.

 

Мене ми е во ред барањево. Не се сите што одат на приватен факултет нешто многу богати, и тие се возат со јавен превоз. Бесплатен или со некое минимално плаќање јсп за сите студенти е прифатливо.
А дека се приватните подобри...не се. Единствено од средниве нова што нуди каде каде подобри услови за идно студирање, ама за факултетите не важи истото, ни еден не е сфатен сериозно и уким тука е далеку подобра опција, па затоа не гледам дискриминација.

 

Не сите кои учат во приватно училиште се деца на богаташи. Лично знам деца кои се од селендри наши, чии родители едвај врзуваат крај со крај, кои се деца на самохрани родители (мајки најчесто, нели), па добиле стипендија од некој од приватните училишта затоа што се прави генијалци (да, приватните училишта прибираат таленти). Тие деца се веќе гурнати во средина кај што класните разлики се и те како очигледни (немате појма колку слепи се некои од тие деца на фактот дека постојат луѓе кои немаат се што ќе посакаат). Така тие деца, освен што се гурнати во свет кој е маестрално различен од тоа на што се навикнати, се плус и додатно дискриминирани оти државата нема појма дека воопшто постојат, и ај што не им обезбедила ниакви механизми за развој и напредок додека биле по државните училишта - уште сега додатно ги дели од своите врсници.
Оние богаташите и онака нема да се возат со јавен превоз (која будала користи јавен превоз во Скопје ако има било каков друг избор?). Стварно не гледам зошто правила кои важат за едните не би важеле за другите... Бесплатен превоз за сите - многу едноставно е.

 

Има многу на приватен со стипендии.. Веќе секој универзитет дава стипендии. Слично и со средните училишта.
Сметам дека и тие треба да имаат ист третман со овие од државен.

 

Не им е оправдано иако има и такви што се со стипендија.
На тие на кои им се учи, можат да се запишат и на државните и да добијат стипендија и бесплатен јавен превоз. Па, ако сакаат да тужат за нешто, ќе има повеќе смисла.
Не се дискриминирани. Дури полесно се снаоѓаат и добиваат.
На учениците и студентите од државните им е потешко да најдат работа.

 

Мое мислење е дека бесплатен јавен превоз треба да имаат само загрозени категории. А не баш да важи за сите студенти, средношколци или пензионери. Повеќето од нив имаат сосема доволни примања и може да си дозволат да платат автобуска карта која кај нас реално е ефтина.

 

Да, сметам дека треба да имаат бесплатен јавен превоз и студентите и учениците од приватните школи, универзитети.. Не може да ги дискриминира државата по тој основ, плаќале школарина, значи имале пари, не им требало јавен превоз.. Дали им треба или не, не е ваша работа, вие треба да им го овозможите, бидејќи и децата на тие родители плаќаат во оваа држава давачки, даноци, и се и сешто, па они ако сакаат никогаш нека не се качат во автобус, вие сте должни, треба и мора да им овозможите..

 

Нека се возат.
Мене не ми сметаат. Секако јас никој не знам више шо не вози, дали од државен, од приватен. Ретко кој употребува ЈСП. Така да, нека си се возат. Ем им следува, ем е ферски

 

Баш бесплатно и баш за сите ученици и студенти ептен ќе биде терет на буџетот. Но, интересен попуст зошто да не.

 

Јас сум за бесплатен јавен превоз без дискриминација. Ова само кај нас го има.
Како се рачунаат примањата дали се доволни или не се?

 

Студенти и средношколци се студенти и средношколци. Не смее државата да си земе за право да ги дели.

Во државава кај што студирам, и студентите од приватни универзитети имаат право на субвенции на оброк, а не пак на субвенциониран превоз. И така е правилно.

 

Кај нас реално е ШТО? Евтина? Освен ако се шверцаш, не знам како иначе би била евтина месечната карта.

1500 денари или колку и да е таму, е евтино за тебе, за она што го добиваш?

 

Кај нас месечен билет е 7% од минимална плата, додека во Германија на пример е околу 3% (вклучувајќи и возови).

 

Јас бев во приватен факултет и баш ми пречеше што иако бев студент 1000 и нешто морав да ставам месечно за возење со автобус, а имав 2 автобуси од дома до факултет, значи 4ри возења и плаќања за еден ден. Кај нас приватните факултети не се слика за приватен факултет.. не значи дека се подобри или пак многу поскапи од државните.. исто многу студенти се со пониски рати поради добри оценки или пак на стипендија. И искрено тоа дека сите поминуваат, никој не паѓа, малку се учи, можда за некои снегулки со врски ама во главно исто се замараш, и многу повеќе плаќаш за одново испит да полагаш во споредба со државен.