До сега три пати ги правев и да ви кажам многу се вкусни, се топат во уста. За подготвка на овој рецепт потребно ви е: 1 чаша (200мл) млеко 1 чаша шеќер 1 чаша зејтин 1 чаша брашно 4 полни лажици какао 2 јајца 1 пециво 1 ванилин шеќер Подготовка: Во длабок сад се ставаат: 200 мл млеко, 4 лажици какао, 1 чаша зејтин и 1 чаша шеќер, сето тоа се мати со миксер додека да се стопи шеќерот. Смесата се дели на два дела. Во едниот дел се додаваат 2 јајца, 1 чаша брашно, 1 пециво и 1 ванилин шеќер. Тоа се микса додека смесата не се соедини. Другиот дел се остава за прелив. Во подмачкан плех (може да ставите и хартија за печење ако имате уште поубаво) се става делот со јајцата и брашното и се пече на 180 степени околу 20-25 минути. Со чачкалица проверите дали е колачот печен, ако е сува чачкалицата значи е печен. Штом ќе го извадите од рерна веднаш го прелијте со првиот дел од смесата. По желба, може одозгора да наросите со ситно сецкани кикиритки, кокос или ореви. Колачот треба да отстои околу 2 часа, но ако не можете да чекате толку време, почекајте барем да се олади малце па исечете го на коцки.