Бидејќи сум од Вевчани, а и се ближи Василица, сакам да ги слушнам вашите мислења за нашиот Вевчански карневал! Дали сте биле некогаш како сте поминале...Дали сакате да дојдете да го посетите? Тука ја ставив темата бидејќи не знаев кое е соодветното место, па слободно можат администраторите да ја преместат!
Сум била неколку пати и стварно немам коментар. Алал да им е на луѓето, од кај црпат инспирација? А и костимите не се ради-реда направени, баш се добро изработени и обмислени. Како малечка ми беше страв искрено особено од оние кои скокаат како со коси некои на главата... ауу страв и трепет ми беа
Лелееееееееее Вевчаниииии го обожавам не само карневалот цело Вевчананиии леле тоа е најубавото место во западна Македонија (да се разбереме јас сум од другиот крај на Македонија ) Имам одено на карневал и прекрасно е леле браво за вевчанци стварно се држава . Кој не е бил во Вевчани мора да обавезно да иде тоа не се испушта
хахаха многу повеќе вие го промиравте од мене! Хипица ние жевееме за тој ден...365 дена ние се подготвиваме за таквиот настан и мора да се има инспирација! Иначе и јас како мала многу се имам плашено од маските, ама затоа сега секоја година се маскира и ја ги плашам малоте дечиња се салам Епа повелете и оваа година се надевам дека најубаво ќе си поминеме!
"Держава" Вевчани RULES! Карневалот си е супер - одлично смислени костими, расположение на ниво, алкохол во неограничени количини.... мераци. Лани бев и не ми се допадна едни ненормални маскирани во војници и онака пијани пукаа како во војна да бевме. Има и многу вулгарни маски - можат бар малку со усул да одат сепак има и мали деца што ги гледаат.
Три пати сум била и си поминав незаборавно. Едвај чекам пак да дојде Василица, оставам и учење и дечко и се, за Вевчани. Еднаш беа дојдени од некоја невладина организација - странци и се чуделе какви ни се овие обичаи на нас македонците, што сме сите пијани за карневалот Никако не смее да се заборави и клубот "Фросина", после церемонијата, таму продолжува журката до раните утрински часови. Една од најдобрите манифестации во државава! Се надевам дека уште многу години ќе ја негуваме.
Во Вевчани сум просто заљубена, а за карневал барам придружба. Никој не се нафатил да ме дружи до таму, а толку сакам да одам. Сум била на сличен карневал во Банско и иако се плашев од прва, потоа ја видов уметноста која ја гледав цело време пред себе.
Во Вевчани просто сум заљубена прекрасно, совршено мирно местенце секогаш кога и да отидам беспрекорно уживам, прекрасен народ се. Жал ми е што оваа година нема да можам присуствувам на карневалот за уште поголема моја жал ќе настапуваат Црвена јабука и Азра, жал ми е што нема да присуствувам
Вевчани е рај, како за очи така и за душа. Прво ми е на листата омилени места во Македонија. Сум го посетила неколку пати, но никогаш за време на карневалот. Најчесто карневалот го гледам на телевизија ако даваат нешто. Чинам дека е сличен со тој што го имаме ние во Прилеп за празникот Прочка. Интересни маски, замисли, креации.
Не сум напишала впечатоци, нели? Оваа година, на мое големо (поголемо не можеше да биде) инсистирање бев на Вевчанскиот карневал. Всушност, прв пат одам на карневал. И, искрено да ви кажам, бев фасцинирана. Оригиналност, креативност, успешна изведба, се собрано на едно место. Во Вевчани! Маски кои ја отсликуваат нашата реалност, говорат отворено за она што сакаме да го кажеме, а друг пат не можеме... Бркање на злите духови. Уплав добив од тие во црвено облечени кои пафтаа со опашки и лисици. Обама, Саркози, претставници на ЕВН овај на ЕБАНА, палење на грчкото знаме, летање за Европа, Титови пионири и уште еден куп други... Навистина преубаво. Дефинитивно вреди да се посети.
Јас сум бидена и многу ми се има допаднато многу е јако се некакви маски кога ке измислат и тоа има многу што од разни земји идат поради овој карневал кој е станат многу популарен
Вевчани како место е прекрасно: мало, скромно, со безценета природна убавина идеално за посета но за вевчанскиот карневал, немам такви впечатоци. Според мое мислење тоа е само еден карневал кој ја почитува долгата традиција; што е за почит, ништо повеќе.
Јас досега не сум била но сега имам можност. Е сега, проблем е што мразам гужва и не знам дали наредна година да одам или не.
Не сум била, но што според вас треба да се види, сместување каде и за колку пари, јадење каде, превозот како е Скопје - Вевчани, поврзани ли се добро?
Апартмани Шутиновски ама многу далеку ми се некако, апартманите на Виа Игнациа, Кутмичевица, Вила од Алула, Домаќинска куќа.. Јадење во истиве од погоре освен во Шутиновски.. Пари - како низ цела МК.. Превоз - не знам, со кола одевме.. Самото Вевчани е приказна за себе, да се прошета.. И водопадите обавезно..
Сакаме утре да одиме во Вевчани. Карневалот е утре нели? Преку ден е? Некоја информација да ми кажете