Разбирам дека секој човек има право на свои верувања и гледишта и дека уште помалку некој смее да го потценува или исмејува поради тоа, но некои луѓе одат веќе во друга крајност. Се лутат дури и ако нешто спомнеш во врска со нивната вера, а секаков вид на коментирање го сфаќаат злонамерно. Пред извесно време седевме со друштво и разговаравме и нешто сосема информативно прашав зашто припадниците на некои вери не јадат свинско месо и една која што мислам дека беше муслиманка или еврејка (ич не се сеќавам) буквално ми се нафрли како смеам да и ја навредувам верата, да ставам во прашање такви работи, буквално направи како да плукам врз нејзината вера, навредувајќи ме. Како тоа да е некаква табу-тема за која што не смеам ниту да помислам. Дали сте биле и вие во некаква слична ситуација?
Се најдов пред некој ден во спор во друга тема каде некои членови мислеа дека сум се налутила на атеисти кои не се согласуваат со мене. Супер тема каде можам убаво да се изразам во врска со тоа. Верската чувствителност можам да кажам е доста застапена и на тема религија секогаш се ствараат жестоки дебати, согласувања, несогласувања... особено на нашиве простори. Но, да кажам конкретно за мене. Прво, како што беше случај, доколку атеист не се согласува за нешто со мене, нема што многу бурно да реагирам, почитувам тоа што секој има право да верува или да не верува во нешто. Доколку атеист ме убедува дека нешто не е така како што јас верувам океј, ќе го проголтам тоа. Ме лути само кога верник од друга вера зборува нешто лошо за мојата. Мислам, како што ти го почитуваш твоето и како што е тоа за тебе свето, како што сигурно и ти не сакаш лошо да се говори за тоа твоето, така и јас не сакам, така и за мене моето е свето. Тоа е дел од мене и навредата кон верата е директна навреда и кон мене. Спрема тоа, јас за никоја религија немам ништо лошо да кажам. Тоа е светост. Верата е животот и идентитетот на човекот.
Секој со својата религија...многу нормално...но ништо лошо и да прашаш за друга религија...други традиции,обичаи...јас сум христијанка и имам другарка муслиманка со која бевме разговарале за нашите обичаи и нивните на свадба,кога се роди бебе и така...и ме интересира тоа,едноставно интересно ми е да слушам,а и да раскажувам секако
Толку им сече на некои. Во недостиг на личен идентитет, интегритет и самодоверба, своето јас го приврзуваат за даден колектив или организација. Нешо градено одамна од којзнае кого, овие нашле на готово и целата сила ја црпат оттаму. Не ја ни познаваат религијата добро, но се држат за неа ко пијан за плот. Кој има добар карактер и отворен ум, без разлика каде припаѓа ќе прифати дека не можат сите да го споделуваат неговото стојалиште. Нема легитимно прашање или критика да доживува како навреда.
Постојат верници кои сеуште не се утврдени во верата , па се чувствителни и имаат потреба да зборуваат за своите ставови и чувства. Но , постојат и атеисти , кои се верски чуствителни , веројатно поради тоа што се во анестезија , а длабоко интуитивно чувствуваат дека постои Бог . Средбата со него ја избегнуваат во име на својата слобода и можноста да живеат како сакаат , што е секако голема заблуда.
Ова е точно.Имам приметено дека луѓе на кои навистина не им е гајле за верата, ниту зборуваат за религија ниту пак ги интересира, едноставно се декларираат како атеисти и продолжуваат така без воопшто да се замараат.Ама друга интересна појава што ја имам сретнато - особено на форумов- се луѓе кои се изјаснуваат како цврсти атеисти а истовремено не пропуштаат ни една дискусија што ја вклучува верата и религијата.Секако, зборуваат воглавно за да исмеваат, ама се чини дека знаат многу и се заинтересирани. На крајот, ми личи дека таа фиксација кај многу луѓе на подлабко ниво е всушност талкање и барање на виша сила.
Вербата во Бог и вербата во непостоење на Бог се многу важна определба за човекот и нормално е да се биде чувствителен по тоа прашање. Од голема корист е разговорот помеѓу луѓе од различни верувања и неверувања, така ќе можеме да сочувтвуваме едни со други, да ги погледнеме нештата од туѓа перспектива. Сѐ додека се дискутира со почит и без лични навреди и напади, сите ќе имаат бенефит од дискусијата.
Ми звучи како да си барала таа закачка или сакала да те набеди за нешто што нема врска. Којзнае како те доживува таа личност чим така изреагирала.. или не и бил денот како и да е, очигледно до нејзе е. Друг пат во друшто побарајте некој друг да постави слично прашање, и видете дали исто ќе изреагира. Како и да е немој да те вознемирува тоа мнг, ќе имаш слични ситуации во животот без разлика за која тема станува збор. Друг пат смирено пробај да ја исправиш личноста.