Влатко Лозаноски - Лозано е роден 27.06.1985 година во Кичево, Република Македонија. Основно училиште завршува во родното Кичево, а потоа се запишува во средно музичко училиште во Битола, теоретски отсек. Образованието го продолжува во Скопје на факултетот за музичка уметност. Уште како дете знаел дека музиката ќе биде неговата најголема љубов и животна определба. Свири на пијано, хармоника и гитара. Со широка популарност се здоби по учеството во ТВ шоуто „Мак Ѕвезди“ (септември 2007 – мај 200 во кое на крајот го освои третото место, а публиката имаше можност да го запознае неговиот раскошен глас и неверојатен талент. Во јуни 2008 г. првиот сингл „Врати ме“ му донесе убедлива победа и награда Гран При на првиот Македонски Радиски Фестивал наречен „Ѕвездена ноќ“. Потоа следеше хитот „Обичен без тебе“, а октомври 2008 г. го одбележа огромен успех, победа на еден од најпрестижните музички фестивали во Македонија, „Макфест“ со „Времето да застане“. Оваа песна му ја донесе на Лозано и наградата за најдобар дебитант од стручното жири. Следниот сингл на Лозано „Сонце не ме грее“ станува негов најголем хит, кој беше и официјално прогласен за македонски радио хит на годината освојувајќи го првото место на Македонскиот Радиски фестивал во ноември 2008. Долго време беше на врвот на радио и телевизиските топ листи. Видео записот за „Сонце не ме грее“ е еден од најгледаните на интернет порталите, а песната е препеана и од популарни пеачи во Грузија и Бразил. Во февруари 2009 Лозано учествуваше на фестивалот Скопје – национален избор за Песна на Евровизија. Песната „Блиску до мене“, која се пласираше на четвртото место, стана уште еден голем хит кој на крајот на годината ја освои наградата за трета најслушана песна во Македонија за 2009 г. на Македонскиот Радиски Фестивал. Летото помина во знакот на интернационални музички фестивали. Лозано ја восхити публиката со извонредната интерпретација на баладата „Душо варљива“ на фестивалот „Пјесме Медитерана“ во Будва, Црна Гора. Во јули 2009 г. блесна на реномираниот фестивал „Славјански Базар“ во Витебск, Белорусија и во силна конкуренција на пеачи од повеќе европски држави го освои второто место. Истата година на фестивалот „Златни крилја“ во Молдавија настапува во дует со Магдалена Цветковска и ја освојуваат втората награда, додека Лозано е прогласен за најдобар машки вокал. На радост на бројните фанови, во почетокот на 2010 г. е издаден првиот албум „Лозано“ на кој се најдоа хитовите како „Сонце не ме грее“, “Блиску до мене“, „Нема да е крај на свет“, но и четири нови песни. Лозано се јавува како автор на две од нив („Очи што тајни кријат“ и „За кого ти е срцето“). Лозано ја продолжува успешната соработка со Лазар Цветкоски, кој ја потпишува како композитор и аранжер романтичната „Летам кон тебе“. Оваа песна го освои четвртото место на фестивалот Скопје 2010. и многу брзо го најде патот до широката публика и вон границите на нашата земја. Во јули 2010 г. Лозано настапуваше на интернационалниот телевизиски фестивал „Песни на морето“ во Севастопол, Украина заедно со најдобрите млади пеачи од 17 држави. По изведбата на „Летам кон тебе“ и “This Love”се пласираше меѓу најдобрите пет изведувачи, за во финалната вечер да го освои четвртото место. Со исклучителниот музички талент и интерпретација Лозано ги воодушевува и публиката и критиката. Интересно е што тој е познат и по одличната изведба на стари македонски народни песни кои многу ги цени како дел од нашата традиција и културно наследство. 2008– “Ѕвездена Ноќ” радиски Фестивал – Охрид – Гранд При 2008– “Макфест” – Штип – Гранд При и Најдобар Дебитант 2009- Скопски Фестивал(избор за Песна за Евровизија) – 4то место 2009- “Pjesma Mediterana” – Budva, Crna Gora 2009– “Славјански Базар” – Vitebsk, Belorusija – 2ро место 2009– “Златни Крилја” – Kisinjev, Moldavija – 2ро место и Најдобар машки вокал 2009– “Марс” Радиски Фестивал – Скопје – Најслушана песна на радиостаниците и трета најслушана песна од публиката во Македонија 2010- Skopski Festival (izbor za Pesna za Evrovizija) – 4to mesto 2010- “Pesni na Moreto” – Sevastopol, Ukraina – 4то место
Го поштовам многу, во пола од неговите песни се пронаоѓам, многу ми е сладок, Омилени: http://www.youtube.com/watch?v=BaLv50O5 ... re=related http://www.youtube.com/watch?v=c_knGQZ3 ... re=related http://www.youtube.com/watch?v=QvSXCN6DZhw http://www.youtube.com/watch?v=aOKKgvtQVSE
Не дека ми е сограѓанин, но е еден од најдобрите пејачи во Македонија. Ако не и најдобар. Убав глас, насмевка.. Повеќето песни му се убави, а омилена ми е "Блиску до мене" и "Кога мене ќе ме немаш".
одвратен, wanna be Тоше. не рипајте одма, мое мислење. и до кога за се што се ќе се појави на нашава ``сцена`` ќе отвораме теми ?
Па поарно за нашиве пеачи да се отвараат теми неголи за некои порно ѕвезди што немаат никаква улога во општеството и што со секс се пробиле во јавниот живот. Влатче го обожавам. Од порано многу повеќе го слушав, сега не толку. Убави песни има и ќе кажам дека моментално е еден од најдобрите пеачи во земјава. Ама, ние сме научени се’ што е наше да го плукаме. Македонска работа.
Многу го сакам Влатче. Никогаш не сум имала мислење дека го имитира Тоше. Ете уште од почетокот, кога почна во Мак ѕвезди кај Вучиќ, што му беше доста глупа опција, но така се проби, важеше за некои луѓе - имитација на Тоше. Океј, нивно или ваше право сеедно, не ме занима, за мене никогаш не важел за таков. Радо би платила карта за негов концерт, и тој е еден од ретките на македонскава поп сцена за кој вреди да се издвои денар за концерт затоа што знам дека ќе си поминам многу убаво, и не, нема да ми биде срам ако кажам дека сум платила карта за концерт на Влатко Лозаноски! Некои дури и се срамат да кажат дека воопшто биле на концерт на некој X мак. изведувач, макар и гратиси биле. Па побогу, одиш на концерт за после да се срамиш дека другарчињата ќе се шегуваат со тебе оти не бил на Таламаска, Гета, Шабан и остали за мене срања. И да, се дур плукаме по се што е наше, дури и квалитетно, ќе тоне и музиката, и спортот, и се што нас не претставува во светот!
Не е којзнае што ама е чекор понапред од останатите млади пеачи на сцената. Скоро сите негови песни ми се допаѓаат, има убав глас, скромен е. Посебно ми се допаѓа спотот за Кога мене ке ме немаш а и песната е многу добра.
Ми се допаѓа, не дека ми е земјак(имам потекло од Кичево) пее прекрасно, ми е претерано скромен, мил, тотално различен од сегашниве Мaкедонски ''ѕвезди''. И најбитно од се, има прекрасни песни, незнам дали има навистина некоја која не ми се свија. Go on! :up:
За мене е еден од најдобрите моментално на нашава естрада. Преубав глас, добри песни, скромен е и симпатичен. http://www.youtube.com/watch?v=c_knGQZ3 ... re=related http://www.youtube.com/watch?v=BaLv50O5 ... re=related Омилените
Ги слушам песните на Влатче. Сите до една ги знам..тој е еден од ретките на нашава естрада шо не пеат песни за Кеш, кеш,..менаџери..блабла. Кога мене ќе ме немаш, Очи што тајни кријат, Биди тоа што си ти, Обичен без тебе ми се омилени. Му пишав неколку пати на тоа фејзбукот од чиста досада, ама паѓав во несевест кога ќе ми вратеше. Детски радости
Од сите, според мене само Влатко е приземјен и не прави глупости како другиве наши "елитни" пејачи. Го почитувам како пејач, а има и уште еден додатен плус од мене дека е од Кичевската околија
^ Мене па ептен испозанесен ми делува Инаку, вокално е супер дечково, ок му се песничките, си фура еден исти стил, си држи темпо. Има повеќе што ми се допаѓаат: Спојлер http://www.youtube.com/watch?v=HGpkJZ4sRoU http://www.youtube.com/watch?v=2St8E4yr ... re=related Да, би си купила/спуштила албум од дечково. http://www.youtube.com/watch?v=aOKKgvtQ ... re=related На почетокот кога се појави се чинеше дека Тоше го имитира. Дури и јас кога прв пат го слушнав во живо го помислив истото затоа што бојата на гласот проклето слична беше. Среќа, не ја разви кариерата во тој правец. Арен си е вака. И оваа ми е омилена. Каков лежечки тон се фаќа на рефренот http://www.youtube.com/watch?v=c_knGQZ3gdY
Добар машки вокал, не се фолира толку многу како што знаат другиве македонски машки вокали да се исфолираат Има и добри песни мене така подобра негова ми е http://www.youtube.com/watch?v=lo82QhlbFYA
Еден од омилените вокали заедно со нексттајм Сите песни му се убави а го издвојувам текстот на Обичен без тебе http://www.youtube.com/watch?v=TPOlrSx1qCA
Најмногу ја сакам http://www.youtube.com/watch?v=TPOlrSx1qCA А оваа е најтажна http://www.youtube.com/watch?v=c_knGQZ3 ... detailpage Има и други убави ме мрзи да барам
