Вметнување ретинол во негата на лицето

Еве да го ставам ова овде наместо во претходната тема. Го ставив таму па го видов компетарот од модераторот и го избришав веднаш за да го префрлам овде.

За ретинолот спремам цело видео со еден хемичар од Италија кој ми прати линкови од многубројни испитувања на ова тема. Сѐ што ќе ви приложам ќе биде соодветно поддржано со примери. Инаку лично не се согласувам со претходно кажаното од страна на pdb (не ја деградирам секако секој има право на свое мислење) меѓутоа ова е мое мислење и не мора да биде исто како и на другите (честопати и не е).

 

Јас го користам овој ретинол кој всушност има минимален процент на ретинол и мешавина од пептиди,ретиноид и алое вера. За разлика од тој во сквалан,овој е преодличен и поголем ефект има иако јас немам некои брчки ептен. Лицето,порите ми се мазни. Еве баш би сакала ако го најде @Biodevojka составот да ми каже што мисли, кутијата ја фрлив.

 

Не можам да се одлучам дали би користела или не. Од една страна има голем хајп ап маркетинг за ретинол, против брчки, акни, од друга страна една сериозна кочница ми е тоа што не треба да се употребува во бременост.
Тоа можеби зборува дека состојката и не е така наивна. Плус лично за мене како жена во репродуктивен период може било кога да останам бремена а ќе поминат најмалку 2 недели од зачнувањето до доцнењето на циклусот кога не знаеме сеуште дека сме бремени, а во тој период пример ќе користам ретинол. Не дека не е така и со лекови и алкохол, но некако не сум на чисто, односно не сум целосно без грижа за да вметам ретинол во рутината.
Можеби сум параноична ама еве некомпатабилноста на ретинолот со бременост навистина ми е кочница.

 

Јас почнав на почеток на годинава со ретинолот на Ordinary бидејќи сите останати имаа многу висок процент, овој некако ми се виде како најпогоден за почеток. Бидејќи имам сензитивна кожа, сакав постепено да изградам толерантност и да се префрлам на повисок процент.
Таман почнав да гледам некој подобрувања останав трудна и го фрлив. Сеа се префрлив на mandelaic acid како посигурна варијанта за време на бременост, и искрено планирам одма после пораѓај без разлика дали ќе дојам или не да се вратам на ретинол.
Дефинитивно треба да се воведе постепено, јас почнав со еднаш неделно, па зголемив на два пати, на крајот веќе го користев три пати неделно што можеби и беше премногу за мене, идеално е некаде меѓу 2-3 пати. Конкретно јас почнав да го користам за намалување на порите, и ми требаа некаде околу 7-8 месеци за да видам подобрување, значи не беше преку ноќ дефинитивно. Покрај намалувањето на порите приметив и подобра текстура на кожата. Исфрлив се останато, искрено за време на короната како и сите други користев секакви серуми и мислам дека претерав со тоа, посебно тие рутини со два чистачи и 5 серуми ми беа премногу. Користев само ретинол и хијалорунска од серуми, скромна рутина но за мене беше супер.

Јас искрено би го препорачала, зависи што барате и очекувате од него може или да ве воодушеви или да ве разочара.

 

Ќе го почнам одговорот со disclaimer (со цел да се избегнат беспотребни дискусии) дека не е ова терање или убедување дека МОРА да се користат ретиноиди. Апсолутно не мора .

„Забраната“ за употреба на ретиноиди за време на бременост потекнува од фактот дека биле забележани абнормалности кај фетуси на жени кои користеле орална форма на витаминот А - изотретиноин за лечење на акните. Поради неетичноста да се испитуваат ефекти кај фетуси од топична употреба на ретиноиди, се препорачува да се избегнуваат за време на бременост, затоа што не го знаеме влијанието.

Е сега, безбедноста на некоја состојка треба да ја цениме од ситуација во ситуација, односно не можеме да утврдиме дека состојката е лоша во сите ситуации ако е лоша (или непозната во случајот) во една ситуација. Вие што сте биле или планирате да сте мајки веројатно повеќе знаете за тоа, односно сигурно постоела храна и слично која било препорачано да се избегнува во бременост, а инаку нема проблем со нејзина консумација. Или еве, ако вежбањето во бременост е лошо за одредена мајка во таа бременост (може во претходната или следната не би било), сигурно нема таа мајка да мисли дека вежбањето е лошо и надвор од бременоста...

Поентата, апелот на некој начин, ми е да ги судиме работите од ситуација во ситуација, а не од страв, затоа што не може да се генерализира. Скоро сѐ е небезбедно и сѐ е безбедно во соодветна доза, ситуација и начин на употреба...

Валиден ти е аргументот дека ти може подоцна да дознаеш дека си бремена, а може си користела ретиноид во меѓувреме. Во случај кога планираш бременост, може уште тогаш да го избегнуваш, слично како што би направила со алкохол, цигари и апчиња .

 

Драга ја мислам дека ти размислуваш навистина паметно. Ретки се тие како тебе кои не следат тренд, туку убаво се информираат за една состојка пред да ја внесат во рутината. Браво...

 

Препорачајте добар ретинол а да не е толку скап?

 

NovAge

 

Почнаа да ми се познаваат првите брчки
Па си мислам да почнам да користам ретинол, треба на цело лице или само таму каде што имам?
Со што се комбинира, со што не и за почеток колку често да го користам?
На ревoкс добар е?

 

Јас го имам.

Прозирен е, а треба да е малку како жолтеникав. Мислам дека тоа значи дека е со минимална концентрација, не сум сигурна дали пишуваше концентрација на амбалажата.

Мене ако ме прашаш, фрлени пари. Јас имам длабоки назолабијални брчки и 11ка меѓу веѓи, касно упалив со скинкер, и само филери спасуваат такви длабоки бразди.

Пробај види у Космо шо имаат од ретиноли, или Ordinary - нив ги ставаше мајка ми 0,5 и 0.5 и нема збор за ефектот. не купувај од препордавач, негде читав дека има страшно добри копии и на тоа, не знам колку е ова точно, најпаметно од вебстрана нивна да си нарачаш. Види со царина како е, моите нешо платија памтам.

 

https://ubavinazasite.mk/10-fakti-za-retinol-koi-ne-gi-znaete/

 

Има ли некој користено од овие 2, да сподели на кратко мислење, кој е подобар.
1. Neutrogena Retinol Boost


2. La Roche Posay Retinol

 

@koritsaki Ти благодарам многу, баш ќе го пробам

 

@koritsaki @buba4e89
Зашто ретинол не на 21?
Секој дерматолог дали кај нас или во странство препорачува вметнување на ретинол во својата рутина во 20тите години, плус е прв борец за акни покрај снти ејџ нега. Порано бил користен за третирање на скни
А и колку девојчиња од многу по рсни години имаат вметнато ретиноиди само ради акни, не знам зашто сите имсте толкав страв од ретиноли

 

Живеам во странство и прв пат слушам дерматолог да препорача ретинол на 20 годишно девојче.