Во која фирма посакувате да работите?

Сите си имаме желби и копнееме за работно место во некоја наша фирма или фирми.
Која е таа? Каде би сакале да видите оглас, во која компанија?
Дали сте аплицирале некогаш во таа или ако се повеќе во тие?
Дали можеби и сте биле на интервју?
Можеби некој и работи во фирмата во која во минатото посакувал.
На кое работно место се гледате таму?
Мислите дека тоа може еден ден да ви постане реалност?
Што посебно ве привлекува во таа фирма?


Да видиме кои наши фирми се најпосакувани за работниците. Дали се тоа големите фирми, дали е тоа државната администрација, дали е тоа претставништво на странска фирма, дали е тоа некоја позната мала фирма итн.

Имам читано анкета за ова прашање и 4-5 фирми се вртеа и речиси сите посакуваа таму да работат

 

Мојава желба не е фирма, ами МВР .
Посакувам да работам таму, поточно аналитика.
Професија од соништата.
Или детектив, овај инспектор за организиран криминал или трговија со дрога.
Оглас до сега немам сретнато, но знам дека тешко се влегува на ваквите места.
Плус се работи за ризична работа и си под постојан притисок, но го сакам тоа.
Се надевам дека еден ден ќе ми се оствари желбата, и ќе ја работам работата од соништата.

Засега се усмерувам за адвокат, стажирањето штотуку започнува, па година до две сум таму.
Секако, и во оваа област би сакала да работам со најдобите адвокати од областа на кривичното право, ама за жал условите не го дозволуваат тоа.
Но вољата за успех е голема, амбиците се овде, па во иднина кој знае, може и во МВР ќе ме гледате, во аналитика или како гонам криминалци .
Или како некој добар адвокат .

 

Немам пикирано ниту една одредена фирма, не знам зошто, но мислам дека поголемиот дел во Македонија се крш, во поглед на коректноста и фер односот кон вработените.
Мои блиски другарчиња имаат работено во фирмишта како Џонсон Мети, ајде уствари да не испадне невкусно, нема да набројувам, но јаки фирми од различни бранши - кондиторство, фармакологија, адвокатура, трговија и сите биле незадоволни.
Некому не му била погодена платата, на друг работното време, односот со претпоставените, непријатната работна атмосфера, останување прекувремено за без потреба, просто лош и нечовечки однос...
Мислам крајно време е фирмите кај нас да заличат малку на оние од Запад и Америка, дали нашиот народ е навистина толку лабилен и прост, па уште го сметаат овца за стрижење и го јавнува кој сака, па сме до ова дереџе, не знам искрено...

Да скратам - не сум помислила ниту посакала да работам во ниту една фирма, единствено сметам дека оние во банкарството и на аеродром се во блага предност.
Што е до мене да сум во можност, би играла - сам свој газда.
Не е воопшто лесно, и ни најмалку исплатливо на почетокот, но сам се трудиш, сам организираш и поставуваш правила и САМ си одговорен за својот успех / неуспех.
Би сакала да имам своја PR фирма или маркетинг агенција, и ќе си ја крстам "Исто како дома", за почеток внатрешнто уредување ќе ми биде од сите вишоци на мебел низ дома - маси, столчиња, милиња, слика-репродукција на девојчето што плаче, итн.

Деца, пазете, ако некој ми ја украде идејата ќе тепам!


edit: Кои се тие фирми од соништата Роси, чисто онака ме интересира...

 

Во банка или во некоја голема фирма.. Во Прилеп-ов ништо не остана... само Витаминка е. Па би сакала да работам во Скопје во некоја банка,или нешто што е поврзано со економија,сметководство.. и такви ствариии

 

Не е фирма, институција
Но многу нескромно од моја страна
Стразбур, Хаг или ООН-Њу Јорк
Знам, знам in your dreams
Ете нескромна сум
Се шегувам тоа ми се луди и никогаш остварливи желби
За некоја можеви пореална, Хелсиншки комитет во Скопје, ама после последните вести гледам дека и тоа било некоја илузија.
Можеби во некоја адвокатска канцеларија каде ќе им треба меѓународен правник, или пак во Министерство за Евроинтеграции
Би аплицирала но дали ќе ме примат, сега не, нормалано кога ќе забрши целиот мој процес на образување.
Поборник сум за човекови права, сум строго против смрттната казна, сакам да имам верба дека еден ден работите ќе се средат.
Имам желба да ја видам еден ден мојата држава дел од сите оние големи сили, моќна, успешна праведна, силна. Сакам да им помагам на оние кои немаат, кои се дискриминирани, и во непожелна ситуација. Можеби па некоја меѓународна организација, за борба за правата на човекот.
If only my dreams can come true

 

Многу слични амбиции имаме.
Одсекогаш се замислував како вработена во МВР, во некој од одделите за криминологија, без разлика кој.
Адвокат многу не ме влечело али ми е резервен план.

I hope this will come true...

 

Многу точно кажа бидејки има фирми кои толку убаво звучат, кои претставуваат фирма од соништата да не речам, а во неа работниците велат дека нималку не е совршено. Еве ќе ја спомнам исто фирмата што и ти ја кажа Џонсон, знам 2ца, едниот е презадоволен, другиот незадоволен. Едниот има супер шеф, другиот има ѓавол од човек за шеф. Не е само името, не се само условите, многу значат и надредените, бидејки најчесто од нив зависи како ти ќе се чуствуваш како работник.
Има фирми кои се баш по некој западен терк и мерак да му е на човек да работи.
Мене многу ми се допаѓа што во последниве години има анкета која е анонимна и се обираат најдобрите работодавци во Македонија.

Од анкетата? Макпетрол, Алкалоид, Окта, банки и фирми од областа на телекомуникациите.
Знаеш голео звучно име, голема фирма, се слуша повисоки плати имале и таму се мисли дека е перфектно.
А постојат помали подобри и помалку звучни фирми, но ретко кој ги спомнува првично нив.


Инаку од лично искуство ќе кажам дека работев/ам во фирми кои на некој начин се многу посакувани.
Од едната плачев кога одев дома, значи стварно плачев од што ја мразев работата и толку примав негативна енергија, да и јас самата ја ширев. Тоа беа најлошите месеци во животот. Ебате плата, ебате работа, ебате високо име на фирмата кога никакво беше од услови, до надреденост, до колегијалност, а со таков ентузијазам со таква насмевка влегов во фирмата, да со насмевка и си излегов дека конечно беше тоа крај.
А на второво освен статусот мој неопределен можам да кажам дека речиси совршенство да постои

А си имам уште неколку фирми на списокот кои би сакала да ги имам во CV, времето ќе покаже

 

Сакам да работам во моја сопствена фирма еден ден..сам да си бидеш газда..и убавини и грижи ќе видиш

 

Ја би државна институција, пред приватна фирма.
Државна работа, барем плата и остали приходи и доходи ќе ти бидат во ред.
Ја љубам дипломатијата, па МНР ми е симпатично, од друга страна сакам криминологија и истражување па и МВР доста ме влече.
Неможам да се одлучам за овие две исто и УБК т.е. ДБК, шионажа и разузнавање, ама ова е веќе сон, сепак се надевам дека некогаш ќе ми се укаже шанса овој сон да стане јаве.

 

Најголема желба ми е да имам своја биохемиска лабораторија..
Но на страна од оваа желба, ако веќе треба да работам за некого, тоа би сакала да биде Систина, Ремедика, Алкалоид.. всушност, секаде кадешто ќе бидам соодветно платена и опкружена со нормални луѓе. Тешко е тоа денес

 

Најголема желба ми е да работам во некоја модна куќа, еве за почеток би почнала во Елена Лука, а потоа би завршила со нешто свое.
Би работела и во некое модно списание или би си отворила свое.
Всушност секогаш кога размислувам за иднина замислувам нешто свое.
Во последно време се повеќе се интересирам за туристички агенции, па би сакала да работам во некоја или здравје да имам своја.
Но, би работела и во банка (затоа ми се и ми поделени мислењата за постдипломски), би работела во некоја телевизија.
А, да би сакала да работам и во библиотека. Мислам дека можеби не е многу платено, но е одлична работа.

 

Сакам да работам во моја фирма.
Зошто?
Затоа што сакам сама да бидам одговорна за мојот успех или неуспех.
Затоа што сама сакам да бирам со кого ќе соработувам, кога ќе одам на работа и кога ќе се враќам. И кога и колку ќе одам на одмор, а најсреќна би била кога би можела цело лето да не бидам во Скопје

И немам амбиции тоа да биде голема фирма, не сакам вртоглав раст и богзнае колку пари - само плата која би ми завршила работа и да немам многу пречки на патот. Растот влече други проблеми, паѓаш во очи и пречиш некому.

До пред некоја година сакав да работам во некои од „популарните“ фирми и организаци како УСАИД, Тутунска банка, Т-мобиле... толку. Мислам дека овие се издвојуваат по стабилноста, платите и односите помеѓу луѓето, иако никаде не можеш да бидеш сигурен каква ќе ти биде среќата, т.е. какви луѓе ќе ти се погодат околу тебе. Ама главно луѓето што ги познавам од таму се позадоволни од другите во истите дејности.
Како и да е ова беше порано, сега веќе немам желба да работам во ниту една од овие, сакам да бидам „сам свој газда“.

Во државна администрација никогаш не сум сакала да работам. Чудно, отсекогаш сум чувствувала одвратност кон државна администрација.

 

Можда си летам во облаци, ама дефинитивно не се замислувам со работно место тука.
Ако постои фирма во која сакам да работам, далеку е од Македонија.

Единствено нешто кое што би го работела ако останам тука, е или да отворам адвокатска канцеларија, што соодвестува со мојот факултет, или да направам нешто креативно, како линии на накит, гардероба и слично.

 

Јас и ти, еден ден, не би било лошо да бидеме колешки .
Можеби тешко до вакви позиции, ДБК, МВР, ама зошто и да не.
И јас си велам, сон е, ама искрено се надевам дека еден ден ќе се најдам овде.
Дури се и замислувам, а знаејќи се себе си, она што го сакам и го остварувам, така да можеби и ќе се читаме еден ден од канцелариите на МВР, со кафе во раце, заедно со Најубавата .
Голем оптимист сум, или повеќе би рекла сонувач!

 

Не е баш фирма, ама во Југотон, шала на страна. Потоа сакам да си отворам и сопствена музичка продавница. Исто така и огромна желба ми е да работам во библиотека.

 

Уметноста е онаа што ме влече мене но не се живее од уметност во оваа држава.Од секогаш сум се гледала во продукција за снимање спотови но не некои како "Томато", "Симплисити"...Туку и продукциите во Македонија не се виновни бидејки тешко некој да понуди добар буџет, најчесто се нуди нај минималната сума колку да се изведе некој минимален видео запис а сите сме свесни дека не вреди за ништо...Но ете од секогаш сум била филмаџијка со куп идеи плус од мала се занимавам со танцување и правење кореографии па и успешно ми оди...Но тоа е тоа искрено немам никаква надеж за тоа, одамна се одкажав од овој убав сон
Сега имам друг, поскромен...Страв ми е да напишам бе луѓе, подобро за сега да молчам бидејки гарант ќе ми се урне и овој обично така оди таа работа кај мене штом уста отворам

 

Фирма не е, ама не би било лошо да останам на факултет тука.
Магистерска оп-цуп убава платичка

 

Во Ford Motors,поточно сакам да бидам дизајнер на Ford Mustang.

 

Kaj нас ,пробав во Алкалоид.Ме одбија после два месеци.
Би работела и во автомобилската индустрија.Многу сакам коли.Многу би сакала да работам во некој салон за коли,и иако немам допирна точка,би сакала да работам на маркетинг Пример во некој салон кај нас за Опел,Тојота,Форд....
И најмногу од се,сакам да работам во БИЛО КОЈА државна институција!