Не знаев како да ја крстам темава а и не најдов таква. Мајки дали и од која возраст им дозволувате на децата таблети/мобилни за забава? Под поимот забава мислам на "игрици" или едукативни апликации за соодветна возраст на пример. Мојот има 4 ипол години и е презагреан за игри на мобилен (јас и татко му немаме на нашите мобилни игри) освен Јутуб кидс. Но проблемот настанува кога ќе излеземе надвор и гледа од други деца па потоа е драма како он немал а сака да игра игри како другите деца. И сега прашањето е да се биде строг доследен родител или да попуштам бидејќи живееме во такво време.
Мое мислење е дека се што е умерено е добро. Сепак на многу мало дете до 2г не гледам зошто би се давало за забава. Веќе кога ќе разбира друго е. Сепак во такво време растат и не би да биде да се осеќа како одделен или дека му е забрането нешто. Да се има одреден период временски колку би се користело тоа и толку.
Моето е 5 год.Ајдњ му дадовме игрици од едукативен карактер,незнам бројки,букви,форми.Ама децата се доста интелигентни па научи како сам да си симне од плејстор и почна да си симнува се.Еднаш симнал некоја игра каде што некој човек му ја исекол главата на некое куче.Се уби од плачење.Пресеков и реков игри нема.Кај нас најголемиот проблем беше што ќе договоривме на пр дозволено ти е половина час,и после тоа беа драми за уште.Сега му се скроз забранети и помирен си е со тоа.Ние му купивме Нинтендо па знае да си поигра супер Марио.Ама и тоа е со договор кога смее и колку смее.Јас сум за да не се дозволува игри на моб.Јас сум со две дома па неможев постојано да му вршам контрола што игра во моментот.
2 год и 9 месеци јас му давам да игра едукативни игри на телефон, си има негов тел сега се научи и сам си ги пушта, еднаш денот игра се на се пола саат и обично е навечер. Сам го остава, засега нема проблем. Ако му го земам не прај драми. И не сметам дека е страшно оти учи од нив
Многу сум против, не знам можеби моите најзаостанати ќе се. СиН ми е скоро 5 години и дури оваа година имаше дозвола на таблет по пола саат еднаш неделно да „штрака“ демек игра. Он не ни знае, му спуштив некои едукативни као, и толку. Не ни бара од што не му е секојдневие телефон/таблет. Помалото дете, 2 годнини, воопшто не игра ниту гледа на телефон. Цртани - песнички гледаат единствено на телевизор. Големиот знае да каже некогаш дека во градинка другарите разговарале за игрици кои ги играат, во моментот малку ќе покенка и му поминува. Мислам дека не е неопходно во овој период со оглед дека од тоа им нема бегање, па барем сега нека играат вистински детски игри. Искрено кога ќе видам и пред зграда деца излегле да играат, а они седнати на телефони не разговараат едни со други - не ми се допаѓа. Ама ај да не зборам многу, знам дека истото можеби ме чека со ваков начин на живеење и технологија.
Од 2.5 години и купивме на прицезата таблет. Го користи скоро секој ден максимум 1 час. Игра едукативни игри и гледа цртани на Youtube Kids.
Кои таблети се за деца? Ако може име слика линк? Ние дома имаме само нашите два телефони и телевизор кој седи исклучен цело време. Исто и на моево 4год едно другарче 5год му кажуваше дека играло игри на телефон кај татко му ама моето не разбра што му збори и тогаш малку се подзамислив ама сепак подобро без. Се мислев да купиме некој таблет за деца, играчка. Најмногу кај екраните ме плаши тоа што како хипнотизирани се децата, кога ќе видам надвор во количка или во автобус или во најтрагичното во парк за деца. Пред некое време моево позади зграда со другите дечиња и видов беа собрани во купче ама не знаев дека гледале нешто на телефон се додека не ми кажа кога дојде дома. Јас не пуштам дома екрани и го пуштив да си игра со децата за и таму на телефон да наиде… Мене ми е тешко да види брод на телевизија на пример пред да го види во книга или во живо и да ме праша што е тоа. Си замислував дека на 4 ќе гледаме заедно филмови за деца ама гледам дека се уште не е тоа тоа.
Мое мислење е дека не треба да им се дава на децата мобилни, таблети, особено на деца од 2 години, детето е премногу мало и е во развој. Прво од психолошки аспек, премногу влијае на психолошкиот развој на детето затоа се почесто ќе гледаме деца што ни развиваат аутизам. Учете ги вие децата да зборуваат, да размислуваат а не со таблети, мобилни. Од друга страна поради зрачењето. Ќе им го уништите видот на малите уште од најрана возраст. Дали знаете колку се штетни тие зраци за окото. Вие сте родители, сепак вие си знаете, но одложувајте колку што можете детето да не почнува уште во најрана возраст ги користи.
На тој начин што изложувањето на детето на екрани особено на деца под 3 годишна возраст доведува до промена во невроните и намалување на нервните трансмитери во мозокот што доведува до аберантно однесување кај детето, намалување на когнитивните способности и во развојот на говорот. Има доста студии со цел да се открие поврзаноста на користењето на овие уреди со развивање на аутизам кај децата при што се потврдува нивната поврзаност.
Братучед ми од многу мал го научија со телефон па дури таблет му купија, и видот му се расипа носи наочари. Јас не сум мајка, но за мое дете ќе гледам што покасно да го запознаам со тие работи. Единствено би можело тв од далеку.
Нели аутизмот е нешто вродено,и лек нема.Може да се работи на подобрување на состојбата,ама скроз да го снема не е возможно.Со прекумерна употреба на елек апарати може да дојде до одреден застој во развојот кај детето,меѓутоа со работа со детето тоа повторно може да ги стигне своите врсници,а кај детето со аутизам едноставно тоа не е возможно.Или можеби грешам?
Не се знае која е точната причина за појава на аутизам кај децата. Можно е да има улога и генетиката, но влијанието на надворешните фактори е клучно за појава на аутизам. Се смета дека влијание има и инфекција во текот на бременоста како што е рубеола, употреба на дроги и сл што дирекно делувале на развојот на мозокот. Има многу претпоставки, многу студии. Да не бидеме оф топик има соодветна тема за аутизам .
@Guns N` Roses Убаво си објаснила. Ама поправи се. Псевдо аутизам, виртуелен, предизвикан од надворешни фактори и влијанија. Скоро иста симптоматика, различен фактор. Аутизмот е иначе хромозомски проблем. Нема цврсти докази за аутизам и технологија. Генетски е.
Имам само некој бејсик познавања, може и не сум најкомпетентна како што имам учено немора да е стрикно генетски, може да се развие и како резултат на влјание на други фактори во текот на бременост за време на развој на нервниот систем на плодот. А поврзаноста со технологијата е врз основа на студии, се смета дека има поврзаност врз основа на тие студии, а се повеќе педијатри говорат за тоа. Секако нема цврсти докази затоа што е многу тешко да се докаже. Поправете ме ако грешам, тоа е мое скромно знаење во врска со оваа област.
Ама кога сум веќе тука, да се согласам со колешката од погоре И да ви го препорачам документарецот childhood 2.0. Колку е можно подоцна, колку е можно поретко. Во нашиот случај е малку фрустрирачки што и двајцата родители работиме на компјутери и од дома, па малку тешко е да се објасниме зошто може, зошто не може, ама бојуваме некако Телевизорот на поголема детска возраст и не мислам дека е толку опасен, ама се што е интерактивно и интернет базирано е дизајнирано да креира зависност...и разни други демони... уште ја студирам темава...