Дали се потребни нови јасни правила на форумов и проширување на модераторскиот тим?

Веќе подолго време, повеќе членови забележуваат ненавремено реагирање или нереагирање од страна на модераторите а правилата на форумски однесување и санкционирање се нетранспарентни или во крајна линија субјективни.
Дали сметате дека се потребни промени и ако да, какви.

 

Модераторите изгледа не се навикнати на критики, па се што знаат е клуч, како што направија со дотичната тема. Па само дојдов да си искажам мислење.

Иначе да, му треба освежување.

Едно време, Фемина пред 100 год функционираше супер. Ама тоа остана многу во минатото.

 

Треба и нови модератори и нови правила и нови подкатегории и нови емоџи и она смешното ограничување на слики и гифови и треба мобилна апликација. И уште многу треба, ама ова е нешто главно што постојано се зборува.

 

Јас се шокирав кога дознав дека само тројца модератори биле. Срамота! Само еден подфорум треба да има толку...

 

Модератори цело време исчезнуваат, нови не никнуваат. Админи се ваљда тројца, модератори ќе да ги има повеќе, ама сепак, далеку од доволно.
За правилата @Cosmi барем 16 пати има наведено предлог идеи, ако не ја мрзи да везе, може да ги наведе овде.

 

Тројца? Повеќе се.

 

Потребни се.
И тоа платени модератори.
На кои ќе им е должност да се по 8 часа дневно на форумот.

 

Ако секогаш изговорот е дека не можат да постигнат модераторите, тогаш дефинитивно треба да стават уште нови.
А најголем дел од сите кавги може да се спречат ако навремено се реагира.

Треба јасни правила за членовите и за модераторите кои ќе бидат транспарентни и ќе важат за сите подеднакво.
Треба да се дава објаснување зошто се бришат мислења. На крај краева, ако не ми кажат што е погрешно како да избегнувам тоа да не го повторувам во иднина?
Не треба да се игнорираат прашањата на членките, туку да има повеќе комуникација.

ЕДИТ: Сега видов, другата тема затворена. Толку од добредојдените критики.

 

Да.
Зошто одма и новата тема за образложение појде под клуч? Изгледа не одговараа коментарите.

 

Потребни се нови модератори.
Членовите се незадоволни.Се надевам дека еден ден администраторите ќе го сфатат тоа.
Модераторите да си ја вршеа работата,немаше да се жалиме.
И нови емоџи би ни се нашле.Во многу ситуации ќе ни се најдеше она попче какво што го има на Кајгана.
Администраторите треба да се вклучат во дискусиите за да видиме дека има контролори на форумот.Реинбоу не може сè сама.Секако дека секој има обврски надвор од форумов,ама кога администраторите на другите форуми можат да одвојат по неколку часа за форумите,би требало да можат и овдешните.Бар по 2-3 саата дневно.
Правилата треба да бидат напишани појасно и да важат за сите.

 

Па има листа или инфо некаде?

 

Кога ќе ги отвориш подкатегориите горе пишува кој е. Ако нема значи Реин е таму.

 

Фала богу Билјарке.
Конечно некој да поттикне продуктивна дискусија.

ДА за нови модератори, ДА за повеќе модератори, ДА за поактивни администратори.
Апсолутно неприкосновен факт е дека долго време се случуваат расправии, најмногу поради непостоењето на акција во примената на правилата поставени од самата администрација уште при основањето на форумов.
Затоа можеби идејата на @Cosmi не е лоша, бидејќи така ќе бидат уште поконкретни и покоректни во причините за нечие избришано мислење, предупредување и банирање на ден, три или повеќе.

Најсериозно, сите тука имаме жолти минути и знаеме да претераме.
Милион пати сум кажала дека и самата јас сум имала мислења на кои не сум најгорда.
Сум велела слободно да ме пријави секој кој смета дека некаде сум погрешила и избрзала.
Јас исто така сум пријавувала мислења кога биле нешто што по некој мој критериум минува црвена линија.
Меѓутоа мислам дека многу повеќе не пријавуваат, а модераторите не секогаш реагираат навремено.
Резултатот е иритираност и лутина од двете страни.

Исто така сметам дека пред се треба малку повеќе почит и слух за членовите.
Зошто иако не секогаш било пријавувано, сепак било посочувано во Прашање за форумот.
А како доказ дека ни се слуша гласот, за почеток би било да не ставите клуч на темава и да примените од тукашните критики за да се подобри престојот за сите нас.

 

По 17 пат ке копирам претходни мислења.
Секако дека е потребно менување и дополнување на модераторскиот тим.


Картони со казнени поени.
Пр.
Тролање -30
Оф топик-10
Навреда-100,бан од 3 дена
Расно,говор на омраза итд.-500 -бан на 1 месец
1000 бода - траен бан.
Пример кога ќе собере членот 100 бода за тролање оди на ладење 3 дена.
Покрај спорниот пост да стои црвен картон кога ќе кликнеш на него да ги има поените и причината ,како и известување колку поени има .
Секој ке се чува така од бан,ќе знае ако трола уште една тема ,ќе биде баниран,и ќе внимава.

Во текот на ноќта ви се случи сериозен инцидент со откривање лични податоци и пораки.
Постот си стоеше затоа што модератори немаат овластување да го бришат.
А имаше присутен онлајн во моментот.
Да имаа,ќе беше избришан веднаш,и немаше пола форум да ја знае содржината.
Дајте им овластување и зголемете број на луѓе кои ќе го уредуваат форумов,еден човек е малку.

 

А ќе има награда за тој што ќе собери најмногу бодови?

 

Потребни се повеќе модератори од што има и да бидат активни.
А и апсолутно потребна е и промена на некои од постоечките. Не знае секој правилно да си ја врши работата

 

Треба да, секој да си води рачун.
На секој подфорум 2 3 модератори.
Секој пат кога ќе има бришење, да има и образложение зошто.
За секој да важат истите правила.

 

А и треба да се обрне многу внимание на национализам, верска нетрпеливост, шовинизам, хомофобија, body shaming...
Треба да има граници до кои некој може да го изразува мислењето, без да навреди некого.
Исто како и во face to face конверзација.

 

Во врска со тролање или недолично пишување во доцни саати кога модераторите се најчесто отсутни или не можат да реагираат веднаш, имав предложено идеја (стои некаде) да нечие мислење кое го сметаме за спам или недолично, со стискање на копче пријави - привремено да го снема и да оди на проверка од модератор кој ако смета дека е несоодветно да го избрише или ако смета дека е во ред да го врати во темата.

 

Е ова е еден од поголемите проблеми. Слобода на говор наспроти говор на омраза и нетрпеливост. Оставено е слободно да се толкува по потреба.

Многу одвратни работи и суптилни навреди се протнуваат како слобода на говор.

Не се оградувам и негирам. И јас имам такви постови со суптилни навреди како реплики. Иронијата е што тие ми стојат, а тие кај што нема ништо навредливо се избришани.