Дали студентите на Медицински факултет го стекнуваат потребното знаење за да бидат успешни доктори?

Браво ,медицина учите од прашања,на предавања не одите , како ќе не лечите утре ?

Одделена дискусија од модератор, од темата: Медицински факултет

 

Зар има студенти што не отвараат прашања пред колоквиум,мора ли одма да судиш некому каков доктор ќе биде ако прашал дали се паѓаат и прашања.Не заборавајте ова се сеуште девојки и момчиња по 18години,не сме ние сеуште лекари.

 

Па пишале дека само од прашања учат. Не знам колку години се ама 18 и да се сепак се доволно зрели за да сфатат што факултет упишале и колки е одговорен.

 

Само од едно прашање ти ќе ја процениш нивната зрелост.Многу е лесно од страна да давате вакви коментари.

 

^^ Тоа со прашањата беше за предмет што се учи за колку да имаш познавања од општа култура од медицина
Аман не преувеличувајте, сигурно не учиме анатомија од прашања, не се секирајте

 

@eli25
Како бе си дозволувате и во тема што е за ОБРАЗОВАНИЕ, вие да цитирате и да почнувате да градите психолошки профил за личноста, па дури и да напаѓате?
Нашиот избор си е наша одговорност и ние си знаеме како и што учиме.
Штом не знаеш ништо за вовед во медицина, што се полага и како се полага - значи немаш допирна точка со медицински факултет и не знам што воопшто бараш во темата, така да не си вредна да се објаснувам.

 

Нашето образование е такво што имаме 14 предмети во 1 година од кои 3 или 4 немаат допирна точка со лечење и спасување на животи, за да можеме "да ве лечиме" се посветуваме на предмети кои утре ке ни бидат потребни и корисни з да бидеме доктори, учиме помалку битни предмеѕи од прашања и тоа самите професори го знаат и не ги менуваат прашањат бидејки јас, ти, професорите и Господ знае дека тој предмет не е потребен, те молам не суди, не оценувај и не се мешај во работи за кои немаш доволно информации. А и не се секирај мислам дека наскоро нема да има лекари кои ке ве лечат со овие услови во здравството наше

 

Пред да осудите некого треба да сте добро информирани и за личноста и за тоа што го судите.Според напишаното се гледа дека не си информирана.
Во однос на предавањата, ако воопшто си студентка ќе знаеш колку се корисни и сама можеш да процениш на кое можеш да научиш нешто. Вежбите се тие на кои најмногу учиме.
Пред да кажеш дека учиме од прашања, разгледај за кој предмет станува збор, за што се учи, како е полагањето и сето тоа. Би требало да си запознаена дека по секој предмет имаме и колоквиум и испит. И за да можеш мирно да спеш како ние ќе те лекуваме, ќе ти кажам дека само колоквиумот го поминавме со прашања, а за испит ни е целата книга, така што нема да помине ненаучена.

 

Колешки, ич не се замарајте да се објаснувате и правдате пред некој како @eli25. Поради такви коментари, самите услови и менталитет си одат голем број лекари, па и навистина ќе останат само тие што со прашања си поминале (зашто ги чека работното место на мама/тато).

Знаењето/ незнаењето еден ден ќе исплива на површина и самите си знаете и сте чисти пред себе за трудот што го вложувате во факултетот.
А за ваквите, како и за анти-ваксерите, можам само ова:

 

Па реално со вовед во медицина можеме само луѓе што патат од несоница да лечиме, ќе заспијат штом почнам да раскажувам.

 

Не би сакала да додавам бензин на огнот, ама читајќи ги погорните коментари, неколку работи ми фатија око и навистина не можам, а да не го дадам своето мислење. Не бранам, нити осудувам некого, давам свое мислење кое може, но не мора да го застапувате и другите. И пред да ме искоментирате и мене, имајте предвид дека и јас студирам на овој факултет, а и дооолго време сум во медицинава навлезена. Така што, многу ми е јасно како функционираат и студентите и факултетот и здравствово.

Прво, нема небитни предмети, а уште помалку па предмети кои, цитирам, “немаат допирна точка со медицината“ . Значи буквално секој предмет, има одредена важност во медицината. Точно дека некои се позахтевни за совладување, и поважни се хиерархиски, но верувајте и оние на врвот и оние на дното од пирамидата се подеднакво потребни за утре да се создаде добар, стручен медицински кадар.

Никогаш во моето досегашно образование не сум учела САМО од прашања некој предмет. Секогаш сум учела од соодветните помагала, и на крај, чисто да видам каков е концептот и воедно да си повторам, сум разгледувала прашања од претходни тестови. Но не секогаш, преретко. И сум релативно, задоволна и среќна со тоа какви резултати ќе сум добиела.
Од друга страна, познавам студенти кои многу предмети (дури и оние како анатомија, физиологија, значи основите на медицината) ги положиле со учење прашања и/или препишување. Па ај што положиле, ама и повисока оценка кога ќе добијат од некој што се мачел од книги/скрипти да учи и што нависитна знае, ми доаѓа да експлодирам... Ете доказ дека оценката не е мерило за нечие знаење, и реално, ваквите студенти самите себе си се саботираат. Ретки се, но сепак ги има, и ја нарушуваат репутацијата на сите останати кога се прави генерализација. Ама утре кога ќе постанат доктори, веднаш ќе се види кој со знаење станал, а кој со превари, и самите пациенти дури си проценуваат кој е образован, кој не. Кој го бива во работата, кој не.

Е сега, има одредени предмети, каде професорите не се замараат доволно (да не речам, не се замараат воопшто) и предавањата ги држат колку ради реда, а исто прават и со испитите, исти тестови се вртат со години наназад.. Секој студент, кога ќе види дека полесно може да помине некој “поневажен“ предмет, ќе се осврне на тој метод (учење од прашања) , и така ќе има повеќе време за да го совлада материјалот од друг “поважен“ предмет. До некаде го оправдувам ова, бидејќи технички грешката е во професорите што не се трудат да направат нови тестови; но сепак кривица има и во студентите кои себеси си се оштетуваат учејќи само од прашања. И јас сум можела одредени предмети така со прашања да ги поминам, но ете сум одбрала себеси да се надоградам учејќи од учебник. Значи чим можам јас, може и некој друг. Не сум семоќна јас. И знаењето што ќе го стекнам, утре никој нема да може да ми го земе.

И за крај, особено до тие што тек сега почнувате да ја осознавате медицината и да навлегувате во тие води... студенти, медицината е една прекрасна наука која секојдневно расте и се развива. Фасцинантно е како функционира човековото тело, неверојатно е какви се микроорганизми постојат и на што се се способни, прекрасно е да дознаете како всушност треба да функционира еден здравствен систем со сите тие правила, методи, постапки (во пософистицирани земји, така и изгледа здравството) ... Да не навлегувам во предметиве посебно, мислам ја доловувам поентата. Буквално секој можен предмет што ќе го изучувате, во себе крие неверојатни работи, само треба да бидете поотворени во пристапот, да го тргнете скептицизмот и одбивноста што ви ја создаваат други (постари или исто-генерациски) студенти.
Знам дека е напорно, постојана борба со времето/губење нерви и се тоа, но чим сте го избрале овој пат, да знаете дека само со љубов и упорност ќе успеете. Ништо нема да изгубите ако една вечер не излезете со пријатели на кафе, туку одлучите да прочитате нешто повеќе за Хипократовата Заклетва, за генетски инженеринг и што уште не. Медицината ви нуди огромен спектар на можности, само треба да имате љубов и желба да и се препуштите.

 

И јас се чудам што се правдаат.
Дај боже само за предметите што немаат допирна точка со медицина (а баш ме интересира кој е тој предмет)... учат од прашања и не одат на настава.

 

Ако толку те интересира повели и запиши се на медицина, тогаш ке разговараме а до тогаш мислам дека немаш право да формираш мислење за нешто за кое немаш доволно информации

 

Знам многу добро како е на медицина Џабе се објаснувате.

 

Ти не си свесна колку не знаеш за оваа тема.Но,не ме чуди твоето однесување,на нас во генетскиот код ни е врежено да судиме за нешто што немаме никакво искуство.Ве замолувам девојки,не си ги трошете зборовите залудно на некој кој знае само да дава деструктивни критики и е полн со фрустрации,може твоја неостварена желба е да бидеш на наше место.

 

Treba da si priznaes deka sekakvi pocnaa da zavrsuvaat medicina. Opsti Iekari vrska nemaat od postavuvanje dijagnoza. Sum go iskusila toa. I nemoj da negiras deka ne e taka.

 

Општи лекари кои врска немаат од поставување на дијагноза може да завршат во Тетово или со дебели врски,а доколку го имаш искусено тоа со Медицински факултет сигурно и би знаела колку те малтретираат и ти бараат знаење за да ти пишат една 6ка и не се поминува толку лесно како што вие кажувате

 

Напротив,свесна сум комплетно. Пишав дека знам што значи медицина, затоа ви се чудам на паметот.
И ,кое ваше место? Дај не бидете деца.

 

Pa so debeli vrski de, zavrseno vo Skopje. Ne mi mesaj Tetovo. Znam takvi licno. Dedo im doktor, tatko im doktor, tie doktori, a pritoa vrska nemaat.

 

Тоа важи за тие со дебели врски, за нас обичните смртници е друга приказна. Ама за жал тие со врските овде остануваат, а другите патот под нозе.