Дајен Чејмберлен (Diane Chamberlain)

Почнав да ја читам најновата книга на Дајен Чејмберлен која излезе деновиве и ми текна дека воопшто немаме тема на форумов за една од најдобрите авторки на (ајде да речам) драми во светски рамки.

Со нејзината биографија нема потреба да се оптеретуваме. Сè што треба да се знае за неа е тоа дека е американска авторка која зад себе има триесетина романи и несомнено успеа да ги освои срцата на милиони и милиони читатели низ светот.

Навистина, мислам дека нема некој кој некогаш не го слушнал имево или не се сретнал со некоја од нејзините книги. Не за џабе е една од најпродаваните авторки - според мене, Дајен е една од ретките која успеала и сè уште го оправдува значењето на бестселер и најпродаван автор.

Мене ми е една од најомилените авторки и навистина има нешто посебно во нејзините книги.

Ликови, приказна, пишување...некако не можам да издвојам што е тоа што ми ја прави комплетна, но знам дека секогаш со нетрпение ќе си чекам нејзини книги затоа што е вистинско уживање да се чита за темите кои ги обработува.

Не се труди нешто посебно да следи некои трендови во пишувањето и имам впечаток дека навистина си пишува тоа што ѝ лежи при срце, но истовремено не игнорира некои важни минати и тековни теми. Ако сте читале некоја од нејзините книги, веќе си знаете сè.

Се трудам да ми текне која книга ми била најомилена, ама некако не можам да издвојам. Следна за читање после најновата ми е Тhe Dream Daughter и се надевам дека ќе биде супер.

Ајде да зборуваме за Дајен, нејзиното пишување и нејзините книги. Пишете кои книги сте ги прочитале, каков впечаток ви оставиле и што точно ве натерало пак да посегнете по книга напишана од неа.

 

Најдобра од Дајен досега ми е дефинитивно The Dream daughter.
Преполна со емоции, се утепав од плачење.

Ја почнав и јас најновата, The last house on the street, ама некако повеќе ми е по шаблон напишана, а нема некоја вистинска емоција.
Сепак, ќе ја дочитам, па ќе споделам мислење.

 

Нема кој не ми ја пофали The dream daughter, @RainBow. И на толку фалби, потсвесно ја одложувам некое време за да не се разочарам , ама сè некако си мислам дека ќе ми се допадне и мене зашто ми се чини интересна темата. Ќе пишам впечатоци кога ќе ја завршам, можеби ќе падне некоја рецензија.

Засега новава онака...ма да, како и да испадне, што и да се случи, не верувам дека нешто ќе ми влијае за да не ја читам следната книга од неа. Ептен ми е возбудливо кога очекувам нова книга од омилен автор и си одбројувам денови до release date.

 

Баш ми се во твој стил книгите на Дајен, мислам дека ќе ти се допадне па ќе си кажеш импресии.

Заборавив да додадам дека засега најнеомилена книга од неа ми е Pretending to dance. Некако сè си беше јасно од почеток и немаше баш некое изненадување и којзнае каква пресвртница. Ликовите стандардно добри, ама толку ми одеа на нерви, што дури и ми немаше поента книгава на моменти. Одвај ја дочитав. Другите сите биле далеку поинтересни од оваа.

 

The last house on the street e новата, ја има веќе секаде за симнување.

 

Мене ми беше многу интересна оваа, ја читав и јас пред скоро. Ептен се навлеков уште на почетокот од книгата. Си имаше некои досадни моменти тука-таму, ама навистина ми беше убава.
Да ја прочиташ кога ќе имаш време, не ја оставај.

 

Ништо не ми оди во последно време за читање, ама си ветив ќе ја читам оваа книга зашто имам чувство дека и мене ќе ми се допадне. Само да ми пројде периодов.