Да се држи диета или не?

Диета како привремено решение мислам дека е генерално лоша идеја, освен ако не се работи за некој итен здравствен проблем. Ако имаш 15 кг. вишок веројатно има нешто неизбалансирано во исхраната или недоволна физичка активност. Ама од друга страна, животот не е совршен, па нормално е и тежината да варира, не може да сме цело време совршени. Не знам, лично не се стремам кон совршенство, јас имам некои 5 вишок и не сум цврста како што сакам да бидам, ама моментално сум премногу зафатена за да се форсирам и физички. Гледам да задржам нормала и тоа е тоа.

На прашањето зошто диета, еве јас не држам класична диета, ама да речеме се фокусирам на тоа да изгледам подобро/бидам поздрава - понекогаш едноставно се чувствувам одлично внатре и сакам така да биде и надвор, секогаш не водела позитивна мотивација по тоа прашање, никогаш моментот “имам целулит и ќе гладувам”.

Што би сменило во животот? Ептен го тупиш Реин. Се зезам, мене ми влијае на либидо. Ако се чувствувам попривлечна некако либидото ми е појако, генерално имам повеќе полет некако.

Во секој случај слабеење со диета не е тоа тоа, плус само ќе виснеш, наместо да се зацврстиш. Според мене, патики+кеј=топ резултат.

 

За здравје. Ќе намалиш ризик за болести на срцето, мозочен удар, висок притисок, рак, плодност. Знаеш ли дека еден од главните причинители на рак е дебелината?
После откажување од пушење, одржувањето на идеална телесна тежина е најдоброто нешто што можеш да го направиш за твоето здравје.
Треба да се стремиме кон идеална тежина од 21 бми, што на девојка висока 164цм изнесува 56кг.
Во 99.9% од случаите дебелината е предизвикана од лоша исхрана и ништо друго.

 

Па порано држев диети исклучиво ради изглед.
Сега ако осетам потреба, првично ќе биде ради здравствени причини, во мое семејство скоро сите ми починаа од срцеви заболувања, многу дијабетичари, а најголем од нив со килограми вишок.
Но пак дел ќе биде и ради изглед исто, колку и да не сакам да е така.
Јас најмногу си се допаѓам кога имам одредена килажа, некои 60 кг.
Под и над тоа не ми се допаѓа, не се осеќам убаво во свое тело, а и ми сметаат килограмите, повеќе ме заморуваат.

 

На одредена килажа која не е голем вишок, побитно е дали тоа е вишок тежина (што уствари не мора да биде) или вишок масно ткиво.
Оти некој може да има нормална килажа ама пак многу масно ткиво и да изгледа ко да е слаб, ама дека слабо има мускул (skinny fat). И овој би можел со соодветна исхрана и активност да го смени тој состав.
Јас на 55кг сум изгледала полошо отколку на 60 ради истава причина.
А тоа се проценува по изглед отприлика.

 

Ова е клучното на односот спрема храна.. да не должам многу се сте изапишале ама диета е краторочна цел што најчесто пак не враќа на почетна стаза. Диета како режим на исхрана кој е дел од секојневие и не создава нервоза е тоа што треба. А килограмите се само бројка, изгледот на телото се созадава со вежбање а храната е задоволство кое мора да е избалансирано.

 

Дали да се држи диета или не? Според мене, не. Јас сум секогаш за менување на животниот стил од корен ако од нешто не сме задоволни.

Диети немам држано, но секојдневно вежбам + трчам по 20-30 минути, и јадам многу умерено (90% домашно приготвено).
Воедно, не пијам и не пушам.

Зошто? Првенствено бидејќи сакам да се чувствувам и изгледам свежо, а потоа секогаш да имам енергија и кондиција
Не знам, ете посреќна сум кога е така. Здравјето, вклучувајќи внатрешно и надворешно е исто така драстично подобро.

Второ, бидејќи сакам да сум најдобрата верзија од себе. Убаво ми е да се подобрувам, да имам здрава самодоверба и слично, бидејќи тоа ми влијае на останатите сфери.

Трето бидејќи сум голем фан модата и на секси долна облека, па сакам да сум задоволна од себе кога ќе застанам пред огледалото

Никој не ме тера и не јадам хумус, јадам пица, ама 1-2 парчиња макс. И волкот сит и сите овци ми се на број

 

Зависи што дефинираш дека е диета. Промена на режим, апсолутно да. Спиеш на тоа уво (сите ние) дека си здрава, вежбаш и не ти смета, ама за ХУ години од сега, ќе почне да ти смета, прво на црниот дроб, па на срцето, на зглобовите, на сѐ. Штом се 15, а не 3-4-5-6 килограми во прашање, веднаш преземи мерки и почни да менуваш исхрана, со нутриционист или сама, онака интуитивно, што најмногу ти пречи, и почни да намалуваш шеќер, бело брашно, повеќе салати, овошје и слично. Повеќе движење, особено пешачење. Ако имаш некоја друга мака, попаметно е можеби совет со специјалистот кој те следи или со нутриционист. На тема изглед, тоа е премногу индивидуално. Некои луѓе и кога имаат вишок, изгледаат пропорционално и убаво, не мора да бидеш со точно одредена килажа во бројка и тоа да биде гаранција дека ќе изгледаш добро и ќе се осеќаш добро. Јас се земам за пример, бивш пливач сум и секогаш сум изгледала супер. Со годините (имам 45) и ковидот, накачив 6-7 килограми, никој не ни забележа дека сум се поправила (висока сум и одржувам мускулна маса, така што облечена не се забележува), но забележа мојот црн дроб прв. Јас не се осеќав убаво, тромо, бавно, поспано, надуено. И веднаш почнав режим. Тие 6-7 можат многу брзо да станат 9-10, па 10-15 и кога ќе тргне да се тркала удолу каменот, многу е потешко да се вратиш во нормала. А здравјето, кога тогаш, ќе почне да трпи. Нема потреба да чекаш или да се измачуваш со диети, ама промени секако.

 

Ама ти јади си благо, само постепено намалувај, плус имаш мал милион брзи рецепти за поздрави блага, со помалку шеќер или дури и без. Не се преждерувај кога си под стрес, уоброчи се (не грицкај стално, тоа мене ми беше проблем), сокови и слично ограничи, и ете брашното замени го за интегрално, тоа е сосема доволно за почеток. Ќе видиш, за три-четири месеци од сега ќе се чудиш што си чекала досега.

 

Повеќе сум за здрава избалансирана исхрана,отколку за диета.
Зборот диета,ме асоцира на глад.
Здравата исхрана најмногу делува и на расположението,па фит линијата си доаѓа сама по себе

 

Најбитно е да немаш токсично размислување за килограмите, ако имаш, дали ќе биде диета, или режим на исхрана, секако ќе ти влијае на менталното здравје.

 

Ич не ги сакам зборовите диета и режим.

 

Многу песимистички ми зазвуче воведот.
Што е крајната цел? Здравјето е прво и се подразбира, само што за здравје не е потребно да сме на граница на неухранетост. Второ - да изгледаме како подобра верзија од себе си.

Не држам посебни диети зашто мислам дека имам одредени здрави навики(ако не рачунаме благо и паста ).
Ама самиот збор диета не треба да значи зло бидејќи може да се организира на многу различни начини, а и тоа е релативно.
Некој што секој ден се храни со брза храна, диета ќе му биде и само ако почне да готви манџи(и тогаш веќе диетата е потреба, а не опција). Негативната конотација доаѓа од оние брзи кратки диети.

Моментално имам бми 22-23 и иако е нормално, сепак во мојата глава до идеален физички изглед имам уште -5кг, како кога почна ковид и немав што друго да правам освен да се посветам на исхрана па природно паднав уште малку на скалата. Бидејќи и спремањето си бара време и факт е дека со брз начин на живот тоа доаѓа на второ место, за жал.

Мене баш тоа подоготвување ми носи задоволство, ми влијае позитивно, баш ми е моја "совршена" физичка диета и ментална терапија.

А гладувања од типот кисело млеко за доручек и јаболко за ручек никогаш не сум пробала и најверојатно ќе се онесвестам првиот ден.

Не е само килажата како ќе се чувствуваме и дали ќе сме здрави туку целокупната исхрана и физичката активност.
Личен пример, до пред некоја година пак бев во нормала, ама поради тоа што ниту вежбав ниту пазев што јадам, се чувствував многу поужасно и изгледав бајаги подебело а имав само некои 4-5 кг повеќе од сега.

И бми 18 да имаш, ако не јадеш ништо ќе немаш сила ни скали да искачиш. Спротивно, можеш да имаш бми од 25-6 ама да си сериозен вежбач и мускулест/а, што те прави поздрав/а од човек со бми 21 кој не практикува ништо од тоа.

Не треба толку ограничено да се земаат бројкиве зашто не се апсолутни.

 

Момент...
Ај дајте пример за една диета да знаеме за што збориме.
Оти технички секоја воспоставена рутина на оброци е некаква диета.

 

Ти може не ги сакаш, ама науката препознава хигиенско-диететски режим. Без барем малку дисциплина во животот, не се стигнува таму каде што сакаме да бидеме.

Прво рутина на оброци, тоа им фали на луѓето кои имаат проблеми со килажа. Оброк и ништо надвор од него, тоа би бил според мене прв чекор. Наредните би биле според потребите, зависи од целта.

 

Ун искрено ја неќам и ми нема смисла зашто не личи долгоодржлива.
Прашувам зашто на пример секој од нас си има некое правило за јадење во секојдневие.
Пример јас ако доручекот ми е протеински, ручекот ми е јх и обратно. Ужина ми е обично овошје или јатки. За вечера дојадувам од ручек или обично е супа и секогаш вечерата ми е количински малку. И сега пошто си имам вака неколку правила и некој ќе рече аа на диета си. А вака ми е нормалното секојдневие.
А кажувам "еј држам диета" ако морам некој поспецифична рутина да терам што ми е надвор од тие горенаведени правила. Како моментално што сум уште ради здравствен проблем кај што минимално отстапувам и ограничено време ќе јадам така пример неколку месеци.