Мојата варира ептен, така да не можам баш да ја опишам. Сакам кога откривам нови обработки на песни (пред короната ги открив кружен тек и ми се феноменални). И еден од омилените NF, многу ми е уникатен. Си тера и не се замара со другите. Често споредуван со Еминем.
Вкусот ми варира во зависност од расположение. Ова е нешто што никогаш ми нема здосадено и на кое често му се враќам. Nouvelle Vague е француски кавер бенд. Ме опушта нивната музика. Можда дека ги имам слушано во еден период кој ми беше така безгрижен, со некои блиски луѓе кои денес се на различни страни од светот. Кога зборувам за варијации на вкусот, пазете сега! Растев со bubblegum поп музиката на Бритни и Кристина, па Пинк и Лили Ален ми беа топ, Ејми Вајнхаус со албумот Back to Black, едно десет песни од Мараја Кери ми се во плејлиста, од латино Карол Џи, Шакира, Нати Наташа ги пукам, на Инна романкана ѝ ја знам пола дискографија (хаус тралалајки со по 5 збора), од македонско имам неколку омилени од Фолтин, Дупер, Фанк Шуи, Ареа, Тамара, на Каролина ѝ ја знам цела дискографија. Знам да слушам од најретро (Шер, Шаде, Мадона, Витни, Доли Партон, Тина Тарнер) па се до Мајли, Хари Стајлс, Аријана, а знам и Карди Би да ја рокнам. Имам нешто фејв и од рок музика, мада генерално си слушам поп, R&B, латино.
Били Ајлиш вчера го најави третиот албум ,,Hit Me Hard and Soft", кој излегува на мај 17-ти. 2024-та е година на албуми. Месециве излегоа неколку. Бијонсе - Cowboy Carter Кање Вест & Ty Dolla Sign - Vultures 1 Аријана Гранде - Eternal Sunshine Шакира - Las Mujeres Ya No Lloran Џенифер Лопез - This Is Me... Now (овој ептен флопна, сирота Џеј Ло, не е релевантна повеќе од 10 години во музичката индустрија) Џастин Тимберлајк - Everything I Thought It Was Следни излегуваат: Тејлор Свифт - The Tortured Poets Department (April 19, 2024) Дуа Липа - Radical Optimism (3 May 2024) Сиа - Reasonable Woman (3 May 2024) Бон Џови - Forever (7 June 2024) Уште за многу други се шпекулира дека ќе издадат албум годинава. Греми наградите во 2025-та ќе бидат доста интересни.
Новиот албум на Џастин Тимберлејк ме разочара, има 2-3 океј песни, се' останато досадно и безвезе. А ретко пушта албум, човек ќе помисли го прави со смисла и вложува во квалитетот. Мех...
И претходниот ,,Man of the Woods" не му беше нешто wow. Последно нешто добро од него ми беше ,,Mirrors" која излезе пред 10 години.
Имаш преслушано нешто друго годинава? Што ти оставило впечаток? Од новиве албуми? Мене Бијонсе ми легна. Lemonade и Renaissance ги прескокнав, овој (Cowboy Carter) е во кантри стил и иако не сум по кантри, некако топ ми се 4-5 песни од 27. Да, 27.
Ништо немам преслушано, во принцип не се овие по мој вкус, Џастин само си го сакам од младоста, језда ко што викаш, пола кариера му е безвезе. Ми фали златната ера од пред 20 години со Тимберленд, Џастин, Нели Фуртадо, Фарел... многу бољи поп и рнб имаше порано.
Леле па дали ми фали. Нели Фуртадо колку добар албум извади тогаш, од фрижидер излегуваше. Каде е и што прави? Ферги излезе од Black Eyed Peas, изгрми со еден албум, Гвен Стефани исто со оние азијатките у спотови. Тимберленд исто, немаше нешто што немаше продуцирано. И јас растев во 2000-тите, со MTV.
Tease-аа летоска: https://www.instagram.com/p/Cu2Zuk9xUcz/?utm_source=ig_web_copy_link&igsh=MzRlODBiNWFlZA== https://www.instagram.com/tv/Cu0fQ1xM-Le/?utm_source=ig_web_copy_link&igsh=MzRlODBiNWFlZA== Ама ништо не бидна, некако многу време помина. Ќе видиме годинава, може ќе изненадат.
Shady's back! Како ви се свиѓа новата песна на Еминем? Не ми е кој знае што, ама подобро од многу работи што ги има пуштено у последнава декада. Искрено, многу се надевам дека остатокот од албумот ќе му биде ко да е праен у периодот од '99та-'03та.
Спотчето е предобро, ме врати во 2000-тите. Албумот му излегува летово и ќе се вика The Death of Slim Shady. Не сум му голем фан, ама битно следам се што вади.
Како ви се свиѓа новиот албум на Еминем? Мене ми е топ, ме потсеќа на Slim Shady/Marshall Mathers. Има прејаки битови, стилот му е ко од пред 20+ години, се гледа дека се фокусирал да биде во тој фазон. "Evil" ми е омилена, со денови ми е на repeat.
Освен Houdini, ништо друго немам слушнато. Знам само дека конечно некој ја симна Тејлор од Billboard 200, 12 недели беше на прво место според продажба. The Death of Slim Shady му се вика албумот, претпоставував дека ќе го фура тој стил од 2000-тите.
Вчера ме мавна носталгија за музиката што ја слушав пред 10-15 години, и сфатив дека тоа беше златната ера на hardcore/metalcore-от. A Day To Remember, Parkway Drive, The Ghost Inside, Stick To Your Guns, August Burns Red, We Came As Romans, I Killed The Prom Queen, The Devil Wears Prada, Miss May I, Have Heart, Of Mice And Men, Architects, Memphis May Fire, As I Lay Dying, Atreyu, Counterparts, итн. Па после се навлеков на Touché Amoré, La Dispute, Defeater, Citizen, Tigers Jaw, More Than Life, Joyce Manor, Bane, па Knuckle Puck, The Story So Far, Real Friends, The Wonder Years, Four Year Strong, Set Your Goals, Paramore. Ау како ми фали тоа време, сè што сакав е полн ipod и добри слушалки.
