Почитувани членови на форумот, Како што се приближуваме до државната матура во 2023 година во Македонија, вреди да се разговара за моменталната ситуација околу испитите и испитните програми и како тоа ќе се одрази на учениците. Пандемијата донесе многу промени и тешкотии, вклучително и преминот кон онлајн учење и појавата на лажни закани со бомби во училиштата. Овие случувања имаа значително влијание врз образовниот систем и оставија многу студенти да се чувствуваат преоптоварени и несигурни за иднината. Би сакал да отвориме дискусија на форумот за да ги слушнеме вашите мислења за реализацијата на државната матура во период на економкса криза. - Што мислите, како ќе се одрази сегашната ситуација врз учениците и кои чекори треба да се преземат за да се обезбеди нивната безбедност и успех за време на испитите? - Дали годинава треба да се одложи државната матура или верувате дека испитите треба да се одржуваат и покрај сите случувања? - Дали паметен чекор беше тоа што направија пакети со стручни предмети? - Дали стручните и гимназиските училишта треба да го полагаат истиот материјал по мајчин јазик? - Дали оваа генерација која можеби само 2 години беше присутна со физичко присуство на самите предавања заслужува полагање на државна матура? - Кои се вашите размислувања за неодамнешните лажни закани за бомби во училиштата и како тие влијаеле врз учениците? Би сакал да ги слушнеме вашите размислувања и мислења на оваа тема и се надевам дека оваа дискусија ќе обезбеди вредни сознанија и перспективи за сите вклучени.
Државната матура треба да се забрани! Каква е таа државна матура каде што секој кој добил шанса препишувал? Јас колку што знам, лани ептем се препишуваше низ цела Македонија (имало групи над 6 илјади членови). Плус имам читано на кајгана дека и тие најдобрите во цела Македонија препишувале. Еднаш засекогаш треба да се воспостават приемни испити! Во никој случај да се случи како 2020! Замислете има дојава за бомба при тестирањето!
Ќе полагам матура и јас годинава. Не ми се допаѓа како се спроведува, препишувањето што го има и начинот на тестирање и оценување. Добра е идејата. Ако нема матура, ќе има приемни. Од двете зла треба помалото да се одбере. Матура ни е влез за студирање во цел свет, мора да се полага.
Воглавно, мислам дека матура не треба да постои. Прво, како и се останато во нашава држава, така и ова е неправедно. Се зависи каков “тестатор” ќе ти се падне и дали ќе препишеш. Наместо тоа, треба за секој факултет да се полага влезен тест. Во однос на бомбите/онлајн учење, некако мислам дека образованието ни е толку лошо, што ич не прави разлика во поглед знаење дали воопшто физички се во школо, и “спијат со отворени очи” додека им предава нестручен, немотивирн кадар, или спијат со уклучен Тимс до нив.
Подобро приемен за на факултет отколку матура. Што ќар видов од полагање историја ако сега на факултет немам никаква поврзаност со тој предмет? Треба да се насочат учениците кон она што им е важно и да го измерат знаењето во таа област, а не скроз друго. Како и да е, со среќа на сите матуранти!
Исто. Матурата е најбезвезното нешто што постои, но посакувам своевремено да полагавме приемен. Не е секој за на факултет, поготово не за мојата струка. Ви посакувам среќа на сите матуранти годинава.
Еве еден пример од мене дека сите не се за факс. Додека бев на средно медицинско, со мене учеше една која рече дека венската крв е сина... Е таа личност пред некој ден дипломирала за медицинска сестра .....
Оф топик, ама моја соученичка во средно медицинско, во 4та година, рече дека жените имаат еден јајник. За две години ќе дипломира и ќе биде доктор.
Како е полагањето? има 2 екстерни и 2 интерни испити така? И до кога се предвидува да се завршат испитите знае некој? За интерните веројатно зависи од професорите во училиштата или има распоред и за нив?
