Не знам дали е за тука темава, претпоставувам да. Дали некоја од вас има искуства со дуолинго? Јас имам 40-на дена streak и сега ми е мака да ги изгубам. Ме интересира дали вреди да продолжувам или само си трошам време. Некоја успеала да научи јазик од тука?
Ако се решиш да тераш до крај ќе успееш. Јас учев германски и почнав да разбирам ама се откажав и сега три чисти немам. Учам италијански и сега више е одма поинаку, добро не можам да разберам седница на италијанскиот парламент, ама нешто банално на тик ток разбирам. Се уште ми е рано, во првата фаза сум, а мислам 4 или 5 се.
Кога имав повеќе слободно време учев турски и шпански ама морав да прекинам поради обврски.Од есен сакам пак да почнам.Вреди да се проба само треба да си трпелив и да се има желба за учење.
Се појавува во нови теми ко ќе добие +1 мислење после првото со која се отвора темата. Демек нови "активни" теми. Инаку сум користела и 2 години стрик сум имала. Мислам дека научив многу, ама не мислам дека можи да е примарно место за учење. Добро е како нахнадна вежба. Мора комуникација, мора читање и гледање работи на јазикот шо го учиш и идеално курс. Кога сум учела јас, почнав со читање сликовници, па детски книги па онака некоја кратка вест на портал. Исто Дропс апликација користев. За учење (само) вокабулар е феноменално осмислена зошто те тера да запамтиш низ повторување.
Немам искуство со Дуолинго, туку со Розета стоун софтверот. За некоја почетна основа е одлично и вежбање изговор (потребен е микрофон и некоја ефтина звучна картичка во комјутерот). Е сега за некое понапредно ниво сепак е потребна интеракција со професор а најпожелно потопување на себе си во соодветната јазична средина - иделано во форма на барем неколкумесечен престој во соодветната држава каде дотичниот јазик е доминантен. @Beast-_-woman а кој јазикго учиш преку Дуолинго?
Сум учела. Прво почнав со германски пред неколку години, ама се откажав по некое време и сега веќе ми е заборавено. Потоа почнав со руски пред 3 години и успеав за скоро 2 години цел курс да го истерам. Дуолинго е супер, но само за некое најпочетно ниво, и ако си посветен. Супер е за да си го зголемиш фондот на зборови и да научиш некое сосема почетно ниво на граматика, вокабулар, но не објаснува доволно. Мене ми беше само отскочна даска за рускиот, потоа продолжив со лекции со учител. Ако сакаш сериозно да научиш јазик, само Дуолинго нема да ти помогни.
Тоа сакав да го кажав, и јас шпански пробав се тие неколку збори во усна форма или да ги напишеш. Тоа е. Се откажав
Зависи кој јазик сакаш да го научиш. Колку сакаш да го научиш? И каков е јазикот според тежина. Ама пример ако сакаш германски за Б2/Ц1 не објаснува многу убаво граматика. Има многу ситници кои уствари се битни и на дуолинго ги нема. Јас таа споредба ја направив дури отпосле откако ми беше јазикот поминат со професор. Почнав руски да учам и ми беше полесно пошо е слично, па и не ни приметив дали убаво објаснува бидејќи азбуката е таа со некои измени. Ама ако си некој што не знае кирилица тешко дека руски ќе научиш само од дуолинго. Трет јазик што го почнав и малку дури голем залак е индиски. Ја имаш азбуката, знаците. И можеш да го вежбаш со маус пишувањето на знаците. Е сега тука пошо станува збор за јазик поразличен од тоа што ние сме научени, нема апсолутно никаква шанса да се научи само со дуолинго. Затоа што прво и основно не ти ја кажува структурата на реченицата, дека или е машки или женски род. И дека глаголот се менува според родот. И оди на крај. Ама никаде не го пишува ова. И правиш грешки и ти намалува срценца и очекува сам да знаеш. Уште еден пример, кога учев руски немав проблем пошо ги разбирам и лицата. Јас, ти, тој.... Може да се направи некоја паралела и оди полесно. Иако и тогаш немаше објаснување за кои се лицата, како да очекуваш да се смени глаголот. Исто и сега за индискиот, не ми ги кажува ниту лицата ниту ништо. И имаш само по звучност да поврзеш збпрови. А веќе според дуолинго сум завршила А1 некое основно ниво. Што благе везе си нема. Самата апликација е наменета повеќе како за вежбање отколку за самостојно учење. Се зависи колку сакаш да научиш и кој јазик. Пример за руски нема да осетиш тежина ама за некој друг јазик да.
Ме мотивиравте да почнам со руски и италијански, шпанскиов џабе си го учам, појма немам. Постои, има Хинди.
Пошто од целото објаснување се фати за збор, во ред е, хинди. Стандардизиран хинди, официјален јазик или како уште не се вика. Не сум учела филолошки за да ја владеам терминологијата, поентата е друго. Жаргонски верувам сите го знаат како индиски
