Занимации и игри за развој кај деца од 3 до 6 години

Темата е иста како "Занимации и игри за развој кај деца од 1 до 3 години", само за наредните 3 години.

Ќерка ми има 3 години и периодов се трудам да ја заинтересирам за цртање и "направи сам" изработки, со цел да вежба моторика, да развива креативност и да јача нерви и трпение.
Нормално, не очекувам претерано многу од неа, секој нејзин удел за мене е важен, битно да учи, да се забавува и да таквите активности и' се дел од секојдневието, а не непознати нешта.

Во неделата собравме листови и денес ги лепевме за да направиме лавче, вака испадна:



Ги нацртав контурите од главата, она го обои лицето со жолто, додадов детали на лицето, потоа прво јас ставав лепак на листовите, она ги лепеше, после проба и она ставаше лепак на некои, а јас ги лепев. На крај со портокалова темпера, со споени прстиња мацна и остави отпечаток во обид да изгледа како шепа. Додадов уши од хартија во боја. Цела активност траеше цееееели 20 минути.

Од температа се инспирира да бои, па извадив четка, чашка со вода и остаив да шлапа, обои 3 листа:



Ги зачував да се осушат, за утре планирам нешто вакво да пробаме да направиме:



Во духот (pun intend) на Халоувин, пред некој ден правевме од "страшните" со ролни од тоалетна:



Она сите ролни ги обои со фломастер, црн, портокалов и зелен, што траеше побајаги и беше заинтересирана да ги заврши, за тоа време јас ги направив крилјата и устата на лилјакот, тревката на тиквата и штрафовите на чудовиштето. Потоа јас ставав лепак на очите, а она ги местеше на ролните. На крај ги додадов деталите и потоа си игравме со нив некое време, ги ставаше низ дланката и нè "плашеше".


Не знам дали возраста на темава е премногу опширна, ако е, да смениме. Сепак сметам дека од 3 год. нагоре може да се очекува дека повеќе работи можат да направат и научат, а секако како што се ближат до почнување на училиште, веќе и знаат многу нешта.

Па ајде, давајте предлози како да се забавуваме дома и воедно, да ги подготвиме за на училиште.

 

Од денешните планови со шкрабаните листови, успеавме да направиме само 2 форми:



Или поточно, она само ги обои очите и устата на тиквата, и капата на вештерката.



Утре, повеќе среќа.

 

Дајте вие некои занимации за деца што се хиперактивни и се постојано во движење. Син ми шанса нема да седне било што од ова да прави. Ни пластелин, ни ножици, ни боење го занима.
Да скока и се пентери сегде прв е.

 

Исто и јас сакам да ве прашам за совет. Како да му вметнам боење, цртање...? Секогаш бара јас да цртамм да бојам. И во градинка не сакал да соработува за такви работи.

 

Пробај со различни видови на прибор, пример ќерка ми од секогаш не сака дрвени боици, не е ни голем љубител на мрсни, најмногу сака со фломастер и во последно време темпера, ваљда дека најлесни се за користење.

Не знам која возраст е, ама за помали најзгодни за користење се дебели фломастери и мрсни, со такви има најмногу интерес.

Исто имам забележано дека ако понудам боенки со поситни цртежи, не и' се враќа на боенката, па земам поголеми со групни форми, полесни се за боење.

И само блок и разни боици, мислам општо и' интересно да шлапа боја. Сега со темперите и со раце шљака.

И и' стојат сите работи на масичката на дофат, да ги гледа, па понекогаш се инспирира.

 

Не знаев каде да прашам. Лани ова време пред роденден и празниците истото прашање ме мачеше ама го предомислив маж ми. Дали да купуваме кола со акомулатор. 3 ќе полни, има возено и сака, ги гледа на телевизија некои коли и сака. Ама па 10000 да се фукнам и да ми се качи 3 пати, а и кај ќе вози си викам, како ќе ја изгурам до парк или сличен некој терен. Не знам. Што мислите?

 

Поголема глупост нема, ене ја во подрум 2 пати извозана, нити ние сакавме да и се купи ама ај. Прво се прават мрзливи второ бар нашата 8ч ја полниш за 1 саат вожња, немој.

 

Брат ми сакаше да и купи, категорично Не. Мислам дека е скапа играчка, нема ништо корисно во тоа освен забавата. А забавата ќе пројде сигурно после 5тиот пат возење максимум. И после само ќе ми зафаќа место.
Второ, кој ќе го полни бе тоа по 100 саати. - Evn likes this.
И плус шо и вака не сака да оди, сака да ја носиш, така па ич нема да сака ни чекор да направи си мислам
И крајно, кај ќе го вози? Освен ако немате двор де. Да ставаш во кола за да се вози во парк/игралиште нема поента мислам.. а низ Скопскиве улици јас не би

 

Ама ја сака она тоа ми е, мислам она сака и вистинско бебе нели, ама мене полесно ми е кола да и купам .
А има ли уште по Скопјево негде кај што се возат вакви на 10 15 мин?

 

Ама мојава и трицикал сакаше од другите да вози па ене го во соба, не бил убав
Ќе се распрашам по другарки за другово

 

Јас се противев за кола на ак, цело време не велев, нема шанса за тоа пари да давам, а многу сакаше синко, мајка ми на старо му купија лани на 4 и пол години, пак скапа беше 9000 ја зедоја мерцедес од Чико купен бил, со лиценца, значи цело време ја вози, ја сака, не секој ден ама еве од лани летото ја има и уште си ја сака, малово па исто пресреќно е, од кај 7 месеци го ставивме рипаше од радост
Да знаев дека толку ќе се користи порано ќе му купев.

 

Дали некој го носи детето во едукидо работилница со лего коцки, како сте задоволни, не знам дали да го носам оти оди во градинка и цел ден таму и после ова да не му дојди многу време надвор од дома?

 

На мојава и ја купија за прв роденден сестра ми и ја дупна пд возење. Н апочеток ние ја возевме , пред да наполни две години почна сама да ја вози, 4 ќе прави сега уште ја вози. Сега нешто се расипа треба да видиме што и е. Мислам дека ја искористивме максимално и уште не и е поминат меракот, со колата лево десно научи. Врти кругови низ зградиве, ама низ парк не сме ја земале. Ќе ти се потроши батерија ќе треба во рака да ја влечкаш, а не е воопшто лесна. Треба да размислиш каде ќе ја возите прво па после.

 

И ние од мерак на маж му купивме количе и си го сака малиот. Прво затоа што беше многу мал дома си играше,си седеше во него, а сега и надвор го возиме.
Има едни помали и поголеми колички. Помаливе мислам ги собира во гепек и можеш и во парк и кај сакаш да го пренесеш, ама тие поголемите мислам не ги собира во кола. Исто така и далечинско не знам дали имаат сите, тоа обавезно треба да има мислам.
Гледај вакви работи споредни да не згрешиш ако веќе земаш.
Инаку за возење со плаќање сум видела во Ѓорче во паркчето.

 

Да не купувате.
Свекрва ми и ја купи, 3 пати ја возеше, пола година во кујна ми стоеше јер 50кв стан, сега ја исппрачав кај моите фаќа прашина.
Прегломазно нешто, а меракот одма пројде.

 

Се зависи до детето. Ние имаме од прв роденден, лани уживаше јас си го управував сега веќе знае сам и цело лето го изнавози

 

Колку поделени мислења ми дадовте и пак се замислив Во секој случај или ќе барам да вози некаде на време или на старо ако најдеме, па да видиме дали ќе и помине меракот. Теренот во маало ни е за нигде, мин 2 улици треба да поминам за некоја поголема ширинка

Ај да не сум многу офф. Не знам дали имате детски списанија, кога ги доби, јас се прерадував. Претходно јас и печатев, цртав, боев и сл. Ги имаме Росица и Месечко. Во месечко има сечи и лепи со составување, јас сечам она стиска лепак и ги составува.

За куќичката повеќе и помагав, а и лепакот не ни чинеше.

И многу сака да поврзува во овој период, што со што е исто, а такви вежби има многу и во двете изданија. Ова е од росица.

Се мислев и копии од некои страни да направам пред да ги ишкрта, за да може и друг пат да ги поврзува. А сложувалките можат и на подебел картон да се залепат и да си ги составува и понатака или да се залепат со магнети па и во кола да си игра некогаш по пат.
Инаку за нецел месец ќе полни 3, сепак изданијава се мислам и за поголеми.

 

Вчера праевме елка, требаше мозаик да биде, ама на крај изналепивме еден куп парченца самолеплива хартија, ако, битно лепеше. Омилено нешто и' да сече со ножици. Да и' дадам било што да сече, ќе сече саат време. Тоа од страна треба да се конфети. Малце сечење, малце лепење самолеплива, малце "декорирање" со боици.



Пред некој ден направивме цвеќенца со стапчиња и дебела "хартија" за рачни изработки (не знам како се вика), а "тревата" е кутија од јајца. Тука се занимаваше со боење на тревата со темпера и лепење на цвеќенцата на стапчињата.



А кога ме мрзи или неам време, овие со вода боенкиве вршат работа, таа со боите ја најдов во Базаро, доаѓа и со четкичка.

 

За ножичките ако ти е страв обични да и дадеш, во просветно дело има пластични и супер сечат, само да не е мн. дебел картон, јас со тие ја оставам мојата и исто се заборава . Боенкава со бои има повеќе страни, на секоја страна има бои или како? Ги гледав на temu ама не нарачав, ако има овде да си купам.

 

Има неколку страни за боење и на секоја има сетче боја од страна, само нема кој знае колку боја, ама доволно за да се избои страната. Пред 2-3 недели ја земав од Базаро Бит пазар, не е лоша. Имаат и убав избор на прибор за цртање, се изненадив.