Знаеш дека си роден во осумдесетите ако...

Дискусија во 'Насмевка' започната од RedRose97, 28 декември 2010.

  1. RedRose97

    RedRose97 Истакнат член

    Се зачлени на:
    28 јули 2010
    Пораки:
    357
    Допаѓања:
    158
    Еве нова тема на која можеме да се насмееме. Нема лутки. :D
    Ова се однесува за сите оние кои го живееле своето детство во осумдесетите и деведесеттите:
    1. Секое утро ја чекавме новата епизода на „Тропска горештина“
    2. Мобилен телефон беше дозволен само на возрасните, а оној кој имаше пејџер беше фаца.
    3. Игравме „на тапка“ и „џамлии“.
    4. Девојчињата играа ластик, цигари, штркот бара боја, плочка.
    5. „Сакате ли војна“ беше доживљај.
    6. Собиравме албуми „Ав, ав“, „Space Jam“, „Барби“...
    7. Плачевме кога умре татко му на Симба.
    8. Мајките не викаа од пред врата за да се прибереме дома.
    9. Излегувавме во “МНТ“, „Мусандра“, „Булевар“, „Кабрио“, „Сабвеј“, „Уна“...
    10. Носевме „Phard“ и „Бенетон“.
    11. Сакавме да живееме како во „Беверли Хилс“ 90210.
    12. „Дајте музика“ и „Бушава азбука“ ни беа омилени емисии.
    13. Безгрижно си игравме по цели денови на улица, се каравме кој да биде во средина на „народна“
    14. Заспивавме со „Мечето Ушко“ во 19 и 15.
    15. Гледавме Cartoon Network по цел викенд.
    16. Собиравме жетони тасо.
    17. Авионите фрлаа летки, а ние се собиравме и викавме „Чичко пушти леткиии!“.
    18. На трага од авион “Прва моја среќа“.
    19. Лепевме постери од „М&М“, „Cioe“, „Bravo“.
    20. Излегувавме на кругче.
    21. Фризура со кремче беше хит.
    22. На зимски распуст сите следевме „Зимска рекреативна програма“ .
    23. Имаше опасно добра шема на лизгалиште.
    24. Одевме на зимување во Крушево во Шуламина и Илинден.
    25. Славевме Нова година во куќи и станови и не бркаа во 01.00 по полноќ затоа што правевме бељи, а и толку ни беше дозволено од дома.
    26. Носевме комбинезонки од МакЏинс и фармерки цевки.
    27. Читавме „Другарче“, „Развигор“ и „Наш свет“.
    28. Одевме во „Египет“ и „Малага“ на сладолед.
    29. Бевме безгрижни и среќни деца!
    Ако темава е дупла клуч. :)
    Преземено од црнобело
     
    На Arthur, LUCERKA, Cacy и 19 други им се допаѓа ова.
  2. savana

    savana Популарен член

    Се зачлени на:
    18 август 2010
    Пораки:
    1.770
    Допаѓања:
    9.560
    Пол:
    Женски
    Ми се допаѓа темава :lol:
    Само што мислам дека одговара и за деведесетите, :) на пр. 1990та, 1991ва год.
    Јас сум родена во 1991год, и редовно гледав: Зимско рекреативна програма, Мечето ушко и многу други :) Баш ме потсети на убавите моменти поминати во детството...
     
  3. najubava2010

    najubava2010 Популарен член

    Се зачлени на:
    19 април 2010
    Пораки:
    1.619
    Допаѓања:
    4.642
    Родена сум 91 не се осумдести ама рани деведесетти се, морам да кажам дека сакам пак да сум детенце кое безгрижно игра жмурка и се пали на дечките од Бек стрит бојс,кое си ги носи најсаканите портокалови комбинизонки од мак џинс и дерч зелените бициклистички...Ехх тоа беа времиња кои нема да се вратат мора да се признае дека имавме доста интересно и најубаво детство...
     
    На LUCERKA му/ѝ се допаѓа ова.
  4. Phyramide

    Phyramide Популарен член

    Се зачлени на:
    12 јули 2010
    Пораки:
    3.009
    Допаѓања:
    14.773
    Колку одлична тема :clap: Јас како редовен носталгичар за „стара, добра времена“ не можам да не изреагирам. Едноставно не ме држи место :$

    Излегувавме и во Метропол и не пуштаа само на парови. Дечките беа наредени уште далеку пред влезот во диското за да не прашаат дали можат да влезат со нас. А внатре се губеа веднаш по влегувањето ;)
    Летна шема ни беше Кока Кола клуб кабрио. Игравме Збирам фото или Нека бие. Собиравме салфетки, разгледници, кутии од цигари...и што ли уште не. На сирените за другар Тито излегувавме точно во 3 попладне за да можеме да му оддадеме почит на денот кога починал.
    Сеуште јадеме сладолед во Малага. Ама Египет за жал веќе не постои....шмрк :(
    Ах, би можела да продолжам но има толку многу да се зборува на темата....ајде феминки родени во 80те, обединете се! И додадете нешто на овој список :)
     
    На nesa му/ѝ се допаѓа ова.
  5. starfish

    starfish Популарен член

    Се зачлени на:
    31 јануари 2010
    Пораки:
    4.652
    Допаѓања:
    9.682
    Пол:
    Женски
    Знаеш дека си роден во 90-тите, ако си ги правел истите работи што ги правеле оние кои се родени во 80-тите....


    Буквално, истите работи важат и за мојата генерација.
    Ќе додадам уште нешто:
    - гледањето Штрумфови
    - играње на Нинтендо и обиди за спас на принцезата на Супер Марио
    - очекување на следната епизода од “Дали се плашите од темнината“
    - ја знаеме Макарена на памет!
     
    На LUCERKA му/ѝ се допаѓа ова.
  6. najubava2010

    najubava2010 Популарен член

    Се зачлени на:
    19 април 2010
    Пораки:
    1.619
    Допаѓања:
    4.642
    П.С.Учевме да возиме точак возејќи го понито на дедо кое си го купил кога сакал да ја шармира баба :D
     
  7. Night.Star

    Night.Star Истакнат член

    Се зачлени на:
    18 октомври 2010
    Пораки:
    278
    Допаѓања:
    115
    Многу ми е криво што веќе ги нема емисиите како Дајте музика, Здраво генијалци, Бушава азбука, Мечето Ушко, Калимеро и сл. А да ги има, пак не сум сигурна дали децата би ги гледале или повеќе би сакале да се на ФБ... :?:
     
  8. 2468

    2468 Популарен член

    Се зачлени на:
    23 декември 2009
    Пораки:
    4.497
    Допаѓања:
    2.819
    Пол:
    Женски
    Лелеее колку жетони тасо имав :lol:
    Лелеее што ме потсетивте беее :(

    Па и колку сум трчела по летките од авинот :D
    Се сеќавам еднаш неколку летки паднаа кај мене на улица, ама мислам дека бликав од среќа :rofl:

    И морам да кажам дека кога одев кај баба ми на гости, секогаш си играв Зимско рекреативна програма, и бев водителка :D

    :clap: за темата
     
    На LUCERKA му/ѝ се допаѓа ова.
  9. od-samrak-do-zori

    od-samrak-do-zori Истакнат член

    Се зачлени на:
    30 ноември 2010
    Пораки:
    183
    Допаѓања:
    58
    Ej da be zdravo genijalci ili dajte muzika mi bese omilena potoa pulsiranje neli. A Kasandra? nie nase maalo ne se siminavme od lastikot. born88
    [mod-kirilica:z6rna3e5][/mod-kirilica:z6rna3e5]
     
  10. poison.ivy

    poison.ivy Истакнат член

    Се зачлени на:
    8 декември 2009
    Пораки:
    406
    Допаѓања:
    198
    Леле дома не се прибиравме стално у маало бевме и игравме сите нека бие, нека бие, дај ми царе војску, ластик, криенка, во зима се тркавме со санките па и на најлони се лизгавме хахахаха кога ќе ми текне. Преубави времиња. А после пак кога бевме тинејџерки се палевме на Дилан и Брендон од Беверли Хилс :lol: И „Се плашите ли од темнината?“ редовно ја следевме.
    Јас сум родена во 87-ма, поздрав генерацијо :)
     
    На LUCERKA му/ѝ се допаѓа ова.
  11. savana

    savana Популарен член

    Се зачлени на:
    18 август 2010
    Пораки:
    1.770
    Допаѓања:
    9.560
    Пол:
    Женски
    Колку ми недостасуваат тие денови, за жал никогаш нема да се вратат :(
    Емисијата „Во светот на бајките‘‘ не ја пропуштав, исто и македонски народни приказни секогаш гледав, времето ни поминуваше играјќи ластик, криенки. Се сеќавате на цртанот Похахонтас? :) Јас многу го сакав, знам дека имав и албум со сликички
    [​IMG]
    [​IMG]
    Штрумфови, Балтазар, Калимеро....
    Многу убаво детство :) , а денешниве деца што да речат, само пред компјутери знаат да седат, искрено многу ми е жал :x
     
    На LUCERKA му/ѝ се допаѓа ова.
  12. RedRose97

    RedRose97 Истакнат член

    Се зачлени на:
    28 јули 2010
    Пораки:
    357
    Допаѓања:
    158
    Јас сум родена во 90-те но сепак ми недостигаат овие работи. Денешниве деца се паркирани пред компјутери и слушаат работи што не се за нивна возраст. Јас си го обожавав детството. :)
    И плус Пхахонтас, Мегара (од Херкулес така понова е) и малечката сирена ми се омилените ликови од цртаните кога бев помала. Уште ги гледам на јутуб кога треба да занимавам некое мало дете. :D
     
  13. macence85

    macence85 Популарен член

    Се зачлени на:
    30 август 2010
    Пораки:
    1.217
    Допаѓања:
    817
    Зимска рекреативна кога почнаа да дават народни приказни секој ден мислам дека немаше посреќно дете од мене. :lol: Ние собиравме и турбо сликички од мастики. Немаше многу машки женски разлика...Прекрасни времиња беа...ехеее а колку кавги имаше во маало која да биде Бренда а која Кели, до коси кубање идеше.. :D Овој Ник Слотер пак и сега го гледав, нели МТВ ни е многу напредна де..ама за спомени евоцирање е одлична мора да признаете...Ете гледам сега најнов хит им е Микроби...Дај боже да го пуштат и Бојан....го обожавав!!! :inlove:
     
    На Bozica1980 му/ѝ се допаѓа ова.
  14. FBI

    FBI Популарен член

    Се зачлени на:
    1 јули 2010
    Пораки:
    1.513
    Допаѓања:
    5.295
    Нинтендото (сеуште не можам да го преболам), хит пеачка ми беше Ена Веко, се радував на Зимско рекреативна програма, Пулсирања, Микроби, Грашковци и Чевличките ааааааа :inlove: Се собиравме чопоративно во маало и игравме вис. Колку сакам пак назад во тоа детство :$ !

    Омилената епизода од Грашковци :)
    http://www.youtube.com/watch?v=kfXgWCNZfO0

    Дали ви текнува на изведбава ???
    http://www.youtube.com/watch?v=7sbOdYP9NoA

    Многу ја сакав серијава, но морам да признаам музиката многу ме плашеше хахаха
    http://www.youtube.com/watch?v=c7bkK2jervs

    Какви убави времиња :inlove:
     
    На Nine25, senza.parole, macence85 и 2 други им се допаѓа ова.
  15. Annath

    Annath Форумски идол

    Се зачлени на:
    9 јануари 2010
    Пораки:
    15.991
    Допаѓања:
    134.879
    Пол:
    Женски
    Леј, кај ме потсетивте кога сум родена :lol: :lol: :lol:
    Ех, тоа беа времиња... само што јас не јадев сладолед од Малага и Египет, јас јадев од Корзо и кај Горичан. Собирав салфетки, марки, миризливи ливчиња и се разменував со другарчињата. Исто и албумите на Панини - секој можен што ќе ми дојдеше под рака го собирав.
    Јадевме чоколади само од Краш (уште ја паметам црвената хартија на чоколадата со цели лешници), од Европа со кикирики (зошто веќе не ја прават? :( ), и едни Фризби што се викаа, во зелена и виолетова хартија, нешто слично на Агроблокот, само со лешници, бадеми и суво грозје (не знам кој ги правеше) - се гледа кој е зависник од чоколади уште од мали нозе :$ :lol: ама го паметам и Меренда - грчкиот еурокрем кој го јадевме секогаш на одмор во Грција :)
    Си ги сакав Зимската рекреативна програма, Пулсирања, Пулси квиз - па сме испраќале огромни постер писма од школо :D да бидат што пошарени, поубави и поголеми, да добиеме награди. Ги пратев музичките топ листи и ги обожавав New Kids On The Block, а после и Тake That :lol:
    Комбинезонките ми беа омилени... имав еден пар што посебно си ги сакав и нонстоп ги носев.
    Ехеј... има уште многу, многу....
     
    На Phyramide и nenuska им се допаѓа ова.
  16. Phyramide

    Phyramide Популарен член

    Се зачлени на:
    12 јули 2010
    Пораки:
    3.009
    Допаѓања:
    14.773
    Да не почнуваме со тоа колку и кои цртани сме ги гледале, нема крај да најдеме на темава ;) Ама прекрасни беа цртаните!
    Одевме на одмор во Претор во Мите Богоевски.
    Јадевме сладолед од автомат. Двобоен! Ф’стак и јагода, мојот омилен :inlove:
    Њу Кидс многумина ги обожаваа и носеа маици со слики од членовите на групата, јас повеќе ги слушав Тејк Дет, и секако рапував на CNC Music Factory и на Snap. MC Hammer и Vanilla Ice ми беа идоли во играње.
    Во времето на гранџот носевме црни маици и врзани металски кошули околу половина :tmi:
    Игравме Тетрис! Го расипав од играње.
    Игравме Партизани и Германци, јас секогаш сакав да бидам медицинската сестра :wasntme:
    Секоја сабота чопоративно одевме во парк и останувавме таму со часови чекајќи да не шмекне симпатијата. Секоја населба си имаше свои „банди“ испоседнати на тревниците и си довикувавме. Карпош! Аеродром! Чаир! Мислиш на фудбал не пратил некој таму.
    Јадев супер, супер со суво грозје со лешник и со ооориз! Рум штанглите од Европа ми се сеуште омилени.
    Се чекавме на Југодрво или на Рекорд.
    Јадевме индијанки и тулумби во Шехерезада, а кога бев малецка татко ми ме носеше обавезно на колачиња со ораси и сок од боровница во една слаткарница во Чаршија која сега ја нема веќе :(
    Кога бевме мали правевме - а татко ти бил ли во војска?
    И да, реченицата - сакаш да се фатиш со мене? за која пред неодамна пишував беше одлика на тие времиња!

    Ах бесконечна листа на глупости останати во моето сеќавање. Ама си ги сакам глупостиве :)
     
    На Annath му/ѝ се допаѓа ова.
  17. Mygirl

    Mygirl Популарен член

    Се зачлени на:
    8 ноември 2010
    Пораки:
    577
    Допаѓања:
    846
    Ахх се ранзнежнив...Најубавото време :inlove:
    Ние јадевме сладолед и слатки во Палма.
    Палма беше неибежна кога некое дете чекаше роденден- по две слатки и лимонада и ај по дома :D
    Покрај горе споменативе игри, игравме чие што е ова(по нашки чии шо е воа)
    Најмногу сакавме да јадеме кришки леб намачкани со еурокрем, паштета, ајвар, маргарин... зошто нив можевме да ги јадеме и на улица :D
    Во лето крадевме овошки од дворовите, кајсии, праски, цреши, сливи...
    Одевме на летување во Михајлово и Претор...
     
  18. Wild.Child

    Wild.Child Популарен член

    Се зачлени на:
    12 јануари 2010
    Пораки:
    5.573
    Допаѓања:
    6.682
    Јас не сум од осумдесетите, ама 20 од овие сум ги правела! :D
    Собирав детска почта, салфетки, жетони... Гледав Покемон, Дигемон, Дајте музика, Драгонбал. Секое зимско снежно утро се санкавме по маалската удолница, а мама излегуваше од врата да ме прибира дома. Редовно со братучед ми се каравме за кој да брани, а кој да игра во напад фудбал. Окапувавме до еден по полноќ играјќи газенка, жмурка и слепа кокошка. Се каравме кога ќе не плукнат, изгоре лончето, преетече млекото! :D Родендени славевме во Египет и Шехерезада на сладолед и лимонада. Дремевме во најблиското паркче лизгајќи се на тобоганот. Секое лето имав најмалку пет дупки на коленото, кога сум трчала да плукнам на жмурка (еднаш и со тротинет ме „однесоа“ :rofl: ). Секогаш ни бегаа џамлиите позади кревет кога игравме во соба. Го терав тато цел ѕид да ми го лепи со постери од „ОК“, „Браво“ и „Наш Свет“. Шетавме по куќи за да се менуваме со Барби, Покемон и Животинско царство сликички.
    На секое славење Нова Година мораше да се истурат минимум 3 чаши сок. :rofl:
    Мачкавме кал во топчиња на стапчиња и мававме по комшиите (како во филмот со Зулу :rofl: ).
    Едвај чекав наутро за да гледам „Во светот на бајките“, а во забавиште на голем одмор редовно игравме Сакате ли војска.

    Чипичанот ми плачеше секоја ноќ, бидејќи не сум го наранила. :D Редовно се грижев за принцезата на Супер Марио, играјќи нинтендо.

    П.С. само редактирам, се` нешто ново ми текнува. :rofl:
     
    На gluvarche му/ѝ се допаѓа ова.
  19. Annath

    Annath Форумски идол

    Се зачлени на:
    9 јануари 2010
    Пораки:
    15.991
    Допаѓања:
    134.879
    Пол:
    Женски
    А ви текнува дека ги гледавме „Гуниси“, „Мајмунчето Алис“ и „Рокенрол клинци“?
    Ај да ви ставам по некоја сликичка, ако најдам, да ви текне :lol:

    The goonies
    [​IMG]
    Многу го сакав филмчево и сабајле го начекав на ТВ1000 - ме потсети зошто ми беше интересен и го обожавав :D

    Chimpmates
    [​IMG]

    Оваа последнава, „Рокенрол клинци“ не можам да ја најдам ни на Youtube, ниту сликиче. Ама не паметам како беше оригиналниот наслов, ниту пак некој од глумците... ама оние што ја гледале, сигурно ќе се сетат ;)
     
  20. anima

    anima Истакнат член

    Се зачлени на:
    14 декември 2009
    Пораки:
    559
    Допаѓања:
    269
    Ејј се потсетив на најубавите времиња.Анатх погоре го спомна Фризби,лелее моето омилено чоколадо,а го имав заборавено веќе.Имаше и едни Малага се викаа,и тие многу ги сакав.Јадевме снежец сладолед :) и едни сладоледи во црвени паковања нешто слично како фудбалска топка :)
    Секоја сабота едвај чекав да гледам Пулсирања,редовно праќав писма за наградната игра кај шо се добиваа награди Харибо бонбони :D
    На зимскиот распуст не испуштавме зимска рекреативна програма,а имав еден омилен филм со деца секоја зима го даваа,кои беа во болница,така нешто беше но ниту се сеќавам на насловот ниту на нешто друго од филмот.
    Кога бев многу мала дневникот на Мтв почнуваше во 19 и 30 а пред тоа даваа цртан филм,па кога ќе дадеа два наеднаш ехеееј среќичка :D
     
    На Annath му/ѝ се допаѓа ова.