Искуства со коронавирусот – симптоми, лекување, совети од прва рака

Мислам дека е време да се отвори тема со лични искуства на наши членови од форумов со справувањето со овој вирус со цел да се разменат искуства и да си помогнеме едни на други.
Кој ден од почеток на симптомите бевте тестирани?
Како бевте лечени?
Каква беше комуникацијата со матичните и инфектолозите/инф.одд.
Како одеше закрепнувањето?

 

Минатиот месец скоро и да не познавав некој лично што се заразил со корона.
Сега имам може 20 блиски заразени, прв беше мм, па цела страна од најблиската фамилија на мајка ми (во друг град се) , дел од роднините по мм, најблиските пријатели на свекрва ми две фамилии, блиски комшии до нас цела фамилија, роднини по татко ми, две колешки (од кои едната сите дома од двете страни над 10 души).
Од искуството на мажот ми како најблизок ќе кажам дека помина полесно, 2 дена со висока температура, омалаксаност и изгубен мирис и вкус му беа единствените симптоми првите недели од вирусот. Е сега последниве денови има некое боцкање, стегање во градите, па ќе прави испитувања дополнителни. Инаку се тестираше на 12ти ден од симптоми, после неколку дена од позитивен тест го исконтактираа и добивме решенија за изолација, а дома седевме изолирани сами од 19 октомври до вчера. Најбитно е што никој друг не се зарази од него.
Искуство од друг близок хоспитализиран од најблиската фамилија, релативно млад без никакви заболувања, по неколку дена со благи симптоми се појави отежнато дишење, оксиметарот 86 покажуваше дома, па веднаш го хоспитализираа и е подобро сега.
Вујна ми е со полоши симптоми од тие што ги знам, со огромни болки во телото, нозете особено, главоболки страшни и неколку пати инфузии прима, не е хоспитализирана ама ја следат постојано.
Сите имаат слични симптоми, почнува со тт и омалаксаност, некој развива кашлица, мирис и вкус губат, ама мене најмногу ме плаши брзата промена на состојбата и моменталниот хаос во здравството. Пример на колегата на мм по 20 дена му ја открија пневмонијата, немаше кашлица само минимално покачена температура и по лошата крвна слика го закажаа за рендген. А тоа во нормални услови ќе се фатеше навреме.
Од матичните сум најмногу разочарана и револтирана, а и во инфективното одделение кај нас е хаос , чекаат ред луѓето со часови, чекаат за инфузија на скали, преполно е нема ни место, ни термини на државно за тестирање повеќе. Тоа ме плаши најмногу..

 

ве молам да ми појасни некој што е тоа оксигенација како да знам кога треба да мерам каде треба да мерам... Знам дека сите ќе ја прележиме порано или подоцна ама јас би да се "припремам" за секој случај

 

Сатурација на кислород во крвата, "количина" на кислород во крвта.

Постојат оксиметари, се купуваат, но не би ти препорачала.

За да падне сатурацијата има други претходни симптоми што би те алармирале да одиш на лекар, како мнооогу отежнато дишење, не можеш да земеш воздух, кога дишеш белите дробови не се мрдаат, него стомакот, при поголем пад модреат усните и под ноктите.

Нема потреба дома да се мери, доколку има посериозни симптоми се оди во болница каде што се дава кислород, во домашни услови не можеш да си помогнеш реално.

Пад на сатурација има кај ептен тешките случаеви, не кај секој, не е честа појава. Нај-најголем дел од заболените ќе поминат без воопшто да има пад.

 

Да, имаше симптом отежнато дишење роднината, баш како борба за воздух, и поради тоа купија оксиметар, ама точно покажа и во инфективното одделение беше околу 80 и веднаш на кислород го ставија. Инаку ние не купивме, немаше ни кашлица мм, ни такви симптоми со дишењето.
Сега има некое пецкање, јас се си мислам дека е од Сумамедот, тој дел го стега таму кај желудникот. Ќе видиме од понеделник крвната слика и рендген ако го закажат.

 

Јас би препорачала купување оксиметар.
Кај мои блиски и тоа млад човек,точно покажа со оксиметарот на инфективна,и беше клучно следењето на сатурацијата.
Бидејќи коронава знае брзо да доведе до влошување и пад на сатурација под 70 околу 6-7 ден,добро би било да се следи состојбата.

 

Јас и после 20 ден, имам како пецкање во гради и тоа се случува забележувам ако сум повеќе активна во денот. Не кашлам, преку ноќ се е во ред,немам проблеми и болки со дишењето. Вчера дури и 2 часа пешачевме со синко немав гајле, ама дома си почна пецкањето.
Се плашам да не има некоја последица, бидејќи кашлав 4-5 дена, но пиев само сируп за искашлување, без атб.
Утре ќе и звонам на матичната да видам што ќе каже.

 

Чичко ми, брат на татко ми е матичен лекар за жал заболи тој и цела негова фамилија и покрај сите протоколи и строги мерки. Беше можеби единствениот матичен во мојот град (Битола) кој ги примаше неговите пациенти за инфузија и инексии кога беа враќани скоро и бркани од болницата и брзата помош. И така си го доби и тој. Тестиран беше 2 дена после пријавување на симптомите, со врски бидејќи во ЦЈЗ Битола имаше познаници. Инаку се чека и по недела дена.Кај него симптомите беа многу изразени: температура, омалаксаност, болка во целото тело, кашлица и на крај доби и воспаление на белите дробови утврдено на снимка после 12 дена отприлика. Од терапија земаше сумамед, блокмакс, витамин ц, витамин д3, цинк, и пробиотик.Многу ама многу овошје,зеленчук, чај,супи и јогурт. Значи заедно со водата околу 3л течности на ден. Супи варени најчесто пилешки но со варени зеленчуци природни со пилешко месо. Стрина ми помина малку полесно со истите симптоми но без воспаление на белите дробови ама неколку пати се онесвестуваше и губеше свест. Беше однесена одма во болница после првиот пад ама беше вратена назад секако со приватно возило оти брза помош не идеше а во болницата немаше место не и направија ниту преглед инаку и двата со позитивен тест. Така стрико ми си ја зеде назад и ја лекуваше во неговата ординација. Да напоменам дека двата се хронично болни со дијабет а стрико ми има и стент на срце.И кај двата закрепнувањето не одеше лесно можеби дека се повозрасни или самиот факт дека се хронични, сеуште се борат ама се многу подобри, температурата веќе е спадната, болките намалени, омалаксаноста видно намалена, вкусот и мирисот сеуште ги немаат.Луѓе многу е важно психички да сте јаки значи сами да си давате сила, ќе помине колку и да е тешко, стрико ми и покрај сите потешкотии има огромна волја за живот, дури и во таква состојба работи од дома и телефонски закажува за вакцинација од грип, пишува и праќа рецепти и секојдневно се слуша на телефон со неговите пациенти кои се заболени...и да многу да одморате и да спиете, колку може повеќе. Само позитивна мисла и се ќе биде во ред. Ќе победиме

 

Тие што ќе одите да се тестирате половина час пред тестирање немојте да јадете, пиете, пушите цигари и џвакате мастики.Еден час пред тестирање немојте да миете заби.Ова се најнови совети што ги слушнав, а многумина не ги знаат.
Ова е со цел да не биде погрешен резултатот од тестирање.

 

А, шо има врска ова со грешен резултат?
Под ПЦР пастата може да даде позитивен резултат или?

 

@Tajnaotrovna
Favipiravir го купуваат од Косово.

 

Фала многу.

 

Спротивно од тоа.Кажаа дека може да излезат лажни негативни тестови.

 

Има логика пастата може моментално да го неутрализриа вирусот во усната празнина само што никаде нема нагласено што треба и не треба да се прави пред тест, инфото од каде ти е?

 

На вестите на Канал 5 слушнав.

 

Јас не сум тестирана ама се водев како позитивна поради тоа што изгубив вкус и мирис.

Секој ден пијам Вит Ц, вит Д3,Цинк од 15мг,Б комплекс.
Инхакации, гаргара со сол во жешка вода,лимонади со ѓумбир и мед.

 

Јас сега го прележувам вирусов,на крај сум.Првично имав како главоболка/омалаксаност/тресење,тоа се во едно,како настинка,потоа почна да ми се лоши/гади и на крај ми се затна носот.Е сега веке немам ништо,тт мерам но немам веке се помина фактички,на крај кога снемав и станав еве да немам мирис. Пијам витаминска терапија,овошја,цедени,чаеви,сокови,почна апетит да си имам.Но сега како изминува,мислам дека ја немам веке таа сила што сум ја имала,незнам како ке се вратам во нормала,а што немам мирис е многу језиво.
Поздрав!

 

Да се дополнам,здравјето фала богу не ми се влоши,но психата е мн лоша,да не си заразил друг..да не се влоши состојбата..јас се пазев,кафе пиење надвор не постои за мене,не па гледање по гости или што ти знам.. маската беше нон стоп на мене и секако со гел и екосал кожата ја секнав.но неможам да се соѓзевам,цела сум нафрлена на лицето од стрес
Со лесно на сите

 

Дали тие што сте биле позитивни или сте дали чувствувавте луто кисело солено кога јадевте или воопто ништо и дали наеднаш изгубивте вкус и мирис и дали сите имавте температура...