КСЗД одлучи дека е извршена дискриминација со предвидените училишни правила врз учениците

Комисијата за заштита од дискриминација одлучила дека три средни училишта во Штип, Струмица и Прилеп извршиле индиректна дискриминација врз учениците со предвидените училишни правила кои содржат кодекс на облекување. На тој начин го прекршиле законот за основно и средно образование.

Во законот за основно и средно образование стои дека образованието на децата е задолжително, под еднакви услови и без дискриминација. Со забраната за пристап на „несоодветните“ ученици, се крши и член 44 од Уставот.

Менаџментите на овие три училишта одлучиле дека несоодветно е доколку учениците доаѓаат со искинати фармерки, тренерки, кратки сукњи, шорцеви, долги нокти, обетки, пирсови, доколку девојките се со неуредна коса, а момчињата со долга коса, репчиња или со брада. Пред училиштата беа поставени табли со правила, а доколку учениците не ги почитуваа овие правила, немаше да бидат примени на настава. Дел од учениците пријавиле во погоре споменатата институција дека се дискриминирани.

Училиштата сега треба во рок од 30 дена, да ги тргнат спорните табли (куќниот ред), а доколку не го направат тоа против овие училишта ќе биде покрената и судска постапка.

Дали сметате дека со овие правила одредени училишта вршат дискриминација врз учениците и дека менаџментот се меша во личниот израз и печат на една индивидуа или пак не се согласувате со одлуката на КСЗД и сметате дека доколку учениците не се придржуваат според правилата на училиштето, треба да бидат отстранети од настава?

Не знам дали постои истава тема околу новите училишни правила кои станаа актуелни пред неколку месеци во неколку македонски училишта.

 

Зошто редот и дисциплината мора да започнат со забраната за носење тренерки и сукња? Дел од професорките доаѓаат со големи, лакирани нокти и јака шминка, тапирани коси (во глава ја имам мојата професорка по историја). Што правиме со кадарот, нестручните психолози, педагози, професори, директори кои се назначуваат од партија? Што правиме со непотизмот, начинот на оценување? Јас ова со кодексов го доживувам популистички, како она со химните по школи.

Зошто е спорна девојка со зелена коса, пирс и сукња или момче со долга коса и брада? Значи момче ќе мора да се шиша пошто некаков си менаџмент составен од партиски кадри одличил дека долгата коса во репче кај машки е надвор од правилата кој менаџментот ги смислил. И зошто е спорно момче со коса во репче, а не е спорна девојка со кратка коса?

Јас во средно бев фарбан, а со мене учеше дечко кој имаше долга коса, беше фанатик по рок и метал бендови, дечкото свиреше и гитара, тоа му беше како личен печат, начин да се изрази. Денес, некаков си струмички, училишен менаџмент би го избркал од настава пошто не е по нивни вкус.

 

И јас имам поделено мислење околу униформи. Баш денес разговарав со другарка, она е со став дека треба да се воведат униформи во училиштата, тоа би им било олеснителна околност на родителите. Сите би биле физички исти. Но, не постои таква униформа која ќе ги покрие класните разлики. Да земеме еден пример, две ученички со исти униформи, доволно е една од нив да извади ајфон од џеб од 90 000, живееме во мало општество каде секој знае кој на кого е. Поентата е учениците да се научат дека класната разлика не е битна, со или без униформа. За тоа е потребен стручен кадар.

 

Мора да постои кодекс на облекување во воспитно-образовна институција, а тоа се (барем беа) училиштата. Да важи и за учениците и за персоналот. Во слободно време нека прават што сакаат, ама во училиште, сметам дека не треба да има толкава слобода. Исто како и во секоја јавна и приватна институција. Слободата на изразување нека си ја чуваат за слободното време, во училиште и на работа мора да има кодекс. Точка.
Наречете ме старомодна, ама сметам дека мора да има норми и правила кои треба да се почитуваат. Доста е со тоа дека имало дискриминација. Ако сакаме здраво општество, мора да се постават граници, сите сме дел од тоа општество, сакаме права, ама имаме и обврски.

 

За другото е претерано, но за облеката е во ред.
Во образовна институција, облеката мора да биде пристојна.

 

Во мое време во 4та средно во Орце ни воведоа униформи и е најдоброто нешто што го направија.
И ја како Анат наречете ме старомодна, ама училиште не е модна писта ниту е прифатливо да се оди со искинати фармерки, допичњаци, голи стомаци, шминки како за на свадба, штикли како за у град.
Никој не го оспорува стилот на индивидуата, ама за се има место е време.
Истите овие кодекси ги имаме и на работа, не верувам дека некој иде у тренерка или хеланки ( иако сум среќавале и такви исклучоци).
Од увек сум била за она да се воведат униформи уште од најмали нозе за децата/учениците а модата да остане за слободно време.

 

А како долгата коса и брадата на машките или фарбаната коса кај девојчињата ќе ги спречи да имаат добро образование? Институција која се фокусира на надворешниот изглед на учениците наместо на реформи во образованието не е добра институција. Само дава порака дека немаат моќ и ресурси да сменат нешто суштинско, па ајде ќе удрат по она што е најлесно и небитно за адресирање за да дадат слика дека нешто работат.

 

Абе облеката океј, облека се облекува/соблекува, ама брада и коса? Рили?
Дај барем ко у Северна Кореја нека дадат список на дозволени фризури.

 

Демек ако облеката е пристојна полесно ќе учат англиски, француски, физика, биологија...

 

Не мешај нешто што нема врска.
Мора да се покажува почит кон образовната институција!
Облеката е едниот начин.
Не може на училиште да шетаат исто како во паркови и клубови. Освен ова, некои од нив ќе имаат професии кои налагаат да се носи униформа. А, и кај што нема униформа, мора да се носи пристојна облека. Ако за време на школувањето не научат да почитуваат кодекси, нема да ги бива како возрасни на работните места.
Колку и да нејќат луѓето, некои правила мора да се почитуваат!

 

Тоа што не биле пуштени на настава е единствениот начин како им се нарушува образованието.

Овие правила им одговараат само на безобразни професори кои сакаат да биде по нивно и вената им се испакнува на челото затоа што девојче се дотерало за школо. Нема смисла.

Мојот став е да се пуштат тинејџерите да изгледаат како што сакаат. Не сум за кратка и непристојна облека, но девојчиња што баш невкусна облека носат во школо се мнооогу малку.

Ем што самиот образовен систем интелектуално ги форсира децата во шаблони за кој не е секој направен, сега бараме и да изгледаат исто.

Инаку тренерки според мене сe најокеј облека за на училиште и ништо не може да ми го смени ставот.

 

Момчињата со долга коса им сметат? Рили? Ова само им покажува на децата дека МОРА да се исти со останатото стадо овци или ќе бидат outcast на општеството.
А за облеката..... во моето училиште се знаеше, долги панталони, блуза на куси или долги ракави, патики или балетанки.
Зарем постојат во Мк училишта каде децата одат во сукњи или кратки панталони?? Кои се тие?

 

Секогаш кога ќе се спомне средно, ги читам истите флоскули, модна писта, штикли, допичњаци, певаљки, човек да помисли дека ходниците и дворовите се полни со девојки кои имаат само ѕвезди на брадавиците и шетаат само на халтери. Во 2000-тите кога јас бев средно, помнам дека модата беше таква, низок струк на фармерки, гол стомак, штикли, па ниедна девојка во школо не доаѓаше како Кристина Агилера да речеме. Денес се баш кул кога станува збор за облекување, Били Ајлиш фазон, широки дуксери, маици, тренерки со интересни принтови, јас стварно не знам кои се тие кои одат на школо на штикли и миничи. 7 часа на штикли, браво за тие девојки, ако постојат.

 

Наставник/Професор/Вработен во школо е синоним за партиски полтрон. Неретко и синоним за многу други негативни квалитети.

Кога тоа ќе го исправиме, може да ја оправаме модата на учениците.

Мода, која btw мене лично не ми смета бидејќи речиси 99% одат нормално облечени на училиште.

А тој 1% ако сака да се дотерува повеќе, па да носи розева коса или пирс на веѓата, не знам како тоа ќе му влијае на тестот по математика.

Воедно, јас лично би им дала на учениците слобода за изразување, со цел поубаво и посреќно да се чувствуваат кога одат на школо.

Би работела на тоа како да ги привлече и да се заинтересираат за учење, а и actually да научат.

Баш имав таков професор по математика со таков мајндсет и беше единствениот кај кој сите сакаа да одат на час, учеа и научија

 

Нема да навлегувам во тоа дали е дискриминација или не, ама правилава се дебилни и тотално заостанати, впрочем кога видов кој ги предложи и кој ги воведе, се' ми стана јасно. Но, кога ги воведоа мнозинството ги поддржа безрезервно, уште не знам зошто.

 

А кој ги предложи и воведе, немам инфо? Некое свештено лице да не е?

 

Скроз сум за воведен ред и кодекс во училиштата. Со исклучок на тоа да се мешаат во поглед на личниот изглед на пр. Машките да не смеат да носат долга коса а девојките да имаат само прибрана,без нокти и слично,затоа што тоа е лично искажување и доживување на самата особа.
Но од неколку причини треба да има и тоа како кодекс за облекување. Всушност добро би било и кога државата одвои од буџет и со закон да биде изгласано - носење на училишни униформи барем во основно училиште а добро би било и во средно.
Училиштето да има забрана за користење на мобилни за време на часовите.
-Јадење на храна за време на часовите.
-Лошото однесување спрема наставникот/професорот.
-За булинг да има најстроги казни.


А од ред и кодекс да не бидат изоставени и просветителните работници.Како и за облека така и за однесување.
Сметам дека учителот/професорот во основно и средно училиште треба пред се да биде пример за неговите ученици. И да може преку било кој предмет исто така да ги учи на учениците и за вредностите на животот. Да стопира булинг, да знае да разговара на правилен начин со секој ученик и да не се корумпирани.
Ете ваков ред и кодекс подржувам.