Каква улога треба да има градинката за децата кои престојуваат во неа?

Инспирација за оваа тема ми е коментарот на една баба на дете кое оди во градинка со мојата поголема ќерка. Воспитувачката им даде песнички кои треба да ги научат за приредбата која следува и јас го прашувам детето дали ја научил, а бабата на тоа одговара со: Пу, тоа ли е градинка, знае се што е градинка, да ги чуват, да ги заиграт, а не само обврски да им дават и на децата и на родителите. А детето оди само 2 месеци во градинка. Баш непријатно се изненадив од коментарот. Јас сум задоволна од сите активности кои ги прават децата во градинка, мојата има научено многу работи таму.
Што мислите вие дали во градинката треба децата треба само да се дружат и згрижат и дали е потребен тој воспитно образовен карактер кој треба да ги припреми за понатамошно образование?

*ако сметате дека нема да има дискусии нека се избрише темата

 

Темава повеќе ми дојде како какви очекувања имаме ние од градинката?!

Очекувам да е згрижено меѓутоа и да има поента времето кое го поминува таму.На таа возраст највеќе на што треба да се посвети внимание мислам дека е осамостојување на детето.Дома се трудиме многу,меѓутоа таму постои она што го нема дома,деца на слична возраст кои се натпреваруваат кој побрзо ќе изеде кој подобро ќе нацрта.Учат на различности.Еве кај поголемиот во група имаме аутистично дете,па учат дека постојат поинакви деца,да се солидаризираат,помагаат на учителките околу него.Сами да се бришат после тоалет,да се облекуваат соблекуваат сами.Да си соберат играчки.Да делат.Учат и многу други нешта,овошја,зеленчук, сообраќај,корона,песни еден куп.Се спремаат и за завршна приредба,играат на две песни.Учат и ора.Надвор се често,машките играат фудбал,девојките ластик.
Син ми брои до 100 и повеќе,ги знае буквите,сам ги научи,воопшто не е форсиран,ама што ми вреди ако догодина појде на училиште и незнае носот да си го избрише,облече соблече јакна.А многу учителки кажуваат дека баш тоа децата не го знаат на училиште.Врвки незнаат да си врзат.
Мислам дека повеќе доаѓа до израз тој воспитно образовен карактер на училиште него во градинка.
Според мене треба од се по малку во градинка.

 

Бидејќи немам деца, ќе си кажам за мене од онаа малку што се сеќавам на градинката. Ако немаше никакви активности ќе беше само караници за играчки, јадење, спиење и крадење кикици. Не знам како е сега, но во мое време се учеа песнички за годишно време, празници се на се дали во тек на една година 10 ќе имавме. Во тие години децата од тв шо слушаат песни ги паметат, така да умерени образовни активности се супер за развој на дечињата.

 

Јас мислам дека ако не им даваат активности децата никогаш не би ја засакале. Ке ја замислуваат како казна. Доаѓаат па ајде да јадете (има деца што мислам казна им е да јадат) , ајде на нокшир (исто додека се во фаза на одвикнување им доаѓа како казна) ајде еве ви играчки и карај те се кое е од кого , ајде сега спијајте ( казна трауматична) и кога ке станат ајде јадење....
Зошто да не учат што е тешко? Секако се во фаза каде што мозокот им е сунгер ако не ја научат песничката сигурно ке научат некој наш муабет т.е од бабата со другарката.
Јас сум за повејќе активности. Не мислам математика и логика. Но песнички,боење,учење за годишни времиња,фискултура и се она што е прилагодливо за нивна возраст апослутно

 

Се сложувам дека треба да имаат активности кои влијаат врз физичкиот и психичкиот развој, се социјализираат, ги тераат да мислат и имаат логички игри. Сепак градинката ги подготвува за во училиште нели ама давање на децата задачи за дома, па и не сум баш за.
Времето поминато дома со родителите треба да биде релаксирано и со по-опуштени активности, разговор, читање приказни, цртање, готвење и слично.
Учењето песнички го оставам за во градинка.
И мајка и дете се уморни на крај од денот и наместо да уживаат заедно, тие два часа ќе поминат во учење песничка.
Да ги оставиме децата да си го живеат детството, а песнички се учат кога се сите заедно и сконцентрирани на тоа. Плус како што кажа @simona_baby се натпреваруваат меѓу себе, и полесно ќе запамтат.

 

Ние па сите сме среќни кога има песничка за учење. Си ја повторуваме, си аплаудираме, таа се радува дека научила. Што има лошо во тоа песничка да спремаат и дома да се повтори. Поарно песничка ќе учиме, отколку таблетот в раце и терај!
Кај ќерка ми во градинка учат за планетите, за растенијата, за човечкото тело итн, на едноставен начин за нивната возраст. Па одговараат, ги снима учителката, ни ги праќа... после дома заедно гледаме заедно, па се гордееме, се радуваме. Сега кога шетаме вика, види мамо дрвото има корен, стебло и лист, па бараме растенија ги покажуваме деловите. Ништо форсирано, се со љубов, со кејф.
Мене многу ми е драго што учат во градинка отколку само да денгубат колку да се згрижени, и да збеснуваат 8 саати.

 

Кога имаат приредба малце е потешко да ги учат песничките таму, оти секое дете различна песничка треба да науче, па затоа си ги учат дома. Имаат и една заедничка, ама таа ја учат сите заедно таму. Во овие 2 години дали 3,4 песнички за дома им дале да научат, секако прво таму им ја читат па дома е полесно оти веќе скоро ѝ да ја знаат. Мене ми е глупаво мислењето дека градинката е само за да се чуват децата и да си играт. За детето од примерот погоре, негувателката ѝ рекла на мајката да го учат дома сам да се пресоблекува, а мајката ми кажува Па зошто била таа таму, требала негувателката да го науче. Никако не чини

 

И пак бабата кажува што и како мисли.
Мене искрено малце ми фали тој период на приредби, односно ние не ни дочекавме приредба. Со коронава кај нас се е забрането. Учат песнички, ама онака општо и дома не ни дале никогаш.
Баш зборевме со учителката дека многу им е криво што нема можност за претстави како што правеле порано.
Ама малава се што прават таму сака, а и таму полесно учи.
Убавината е во тоа што таму се е низ игра и на соодветен начин според возраста.
Да, сакам кога учат ново и не ми пречи.
Времето и е исполнето, па после ни останува време дома за се друго.
Кога е дома и е досадно, збеснува, плаче, не знае што со себе, бара друштво за игра.

 

Kaj нас ќе ја снимаат со телефон приредбата и ќе ја стават на страната на градинката. Родителите нема да присуствуваат

 

Кај нас завршната приредба ќе се одвива надвор во дворчето,барем таков е планот сега за сега.

 

По коментариве многу од градинките не си ги вршат обврските и функцијата. Покрај згрижувачки карактер градинката има и образовна функција. Има програма од министерството за образование која учителките се должни да ја спроведат. Колку што памтам првиот учебник го имаа на 3 години, со цртање, линии, учење за годишни времиња и слично. На 4 години веќе има 3 книги, меѓу кои и математика. Значи тоа не е класично учење како во школо, учителката да предава и овие мирни да седат и слушаат, туку запознавање преку активности и образовни методи преку разни игри.

Греота е да ги оставиш на таа возраст без никакво образование, и фактот дека дури ни родителите не се запознаени со тоа, кажува многу за тоа во кој правец се движиме како општество.

 

Градинката има воспитно-образовна функција. Значи не е само за згрижување на децата. Тука е да ги подготви за живот, да ги научи на одредени работи и да ги подготви за школо. Најбитно е да им развие моторика, критичко мислење и слично. Сите истражувања укажуваат дека децата што оделе во градинка имаат подобри резултати подоцна на ПИСА (на тестирање за логичко мислење на 15 годишни деца). Според податоците и во нашата земја е така.
Јас лично сум презадоволна од градинката. Навистина многу научи таму. Си ја следеа програмата за Ран Детски развој имаа и плус програма за емоционален развој. Супер беше.
Во школо појде подготвен донекаде зашто е различен сетинг. Знаеше дека ќе треба да седи сам таму, ека ќе треба да учи, рачето му беше подготвено за пишување, мозочето да слуша наредби од учителка, ама не очекуваше дека толку многу структура ќе има во школо. Од градинка каде што имаат еден час дневно (структуриран) премина на 5 часа активности без можност да прилегне, да се одмори, да се растрча кога сака. Ама затоа првото одделение е подготвително и нема огромни очекувања се оди постапно.
Е сега има дискрепанца помеѓу градинки и школи. Од тоалети со прилагодени шољи за деца влегуваат во простор што е огромен и има чучавци во голем дел од школите. Не знам кој и каде може да подготви дете за такво нешто. И не знам како би се подготвило. Имавме среќа во школо кај син ми да имаат шољи па не му е проблем.

Инаку врвки сеуште не знае да врзува. Добивме задача од учителката да научат ама некогаш му успева некогаш не. И не е ни битно. Ќе научи во теков на годинава. До тогаш ќе носи патики и кондури со лепенки. Не знаев ни јас до 3 одделение. Едноставно не ми одеше. Ништо не ми фали како возрасна.

 

Мислам дека јасно пишав како се спроведува програмата, не е класична настава нормално, туку докажани методи за развој на деца на таа возраст преку игри и активности. Сепак учителките треба да ги водат, а не само да им ги остават боичките на маса.
Играта е важна, да ама во нивен интерес е да преку истата развијат креативност и моторика и особено е важно за понатамошниот развој да им биде посветено внимание.
Програмата е воведена без разлика што ние мислиме, а колку се спроведува на терен е знак прашање. Ете општо мислење да ти било дека градинката е бебиситер служба, ништо повеќе.

А за ставот "никакви книгички и глупости на таа возраст" немам зборови

 

Препорачливо е да бојат со секакви боички, фломастери уште од 2 години. Затоа експертите вовеле држење на истите уште во градинка.

 

Е па еве книги имаат од 3 години, не не прашале што мислиме за тоа

 

Ова е интересно за задолжителна посета. Еве пример во Унгарија породилното трае 2г..после 2г задолжително е детето да оди во градинка. За другиве земји низ ЕУ не знам како е нека споделат членките.
Кај нас не е задолжително и така нема место се со врски се фаќа...

На темата треба да имаат образовни активности цел ден се таму. Ние пример, доаѓаме во 17ч дома. Додека се средиш фатило 18ч и времето е многу кратко да му посветам внимание или да го учам работи. Ја додуша и не знам што да го учам, затоа има таму воспитувачи што треба да кажат да се обрне внимание пример на зборење, цртање, држење предмет итн... па дома да вежбаш и усовршуваш.