Имам починат родител и ми беше кажано дека треба да се оди на гробишта по традиција и да се покани пред да ги каниме гостите. Не знам што како се прави и ако некој знае да ме советува ја имате мојата благодарност.
поканување на починат не сум сигурна, не сум чула ништо такво, затоа неможам да ти тврдам ни вака ни така. едно што знам е дека недела дена пред свадба се оди нагробишта се посетуваат блиските, зошто после 40 дена не се оди по свадбата (така знам), е може тоа е тој адет. Нека ти пише некоја тазе невеста,што е сигурно сигурно си е некој со искуство да ти каже.
поканување на починат Колку што се сеќавам пред да правиме и ние свадба, свеки моја со свекор ми беа на гробишта поточно на гробот кај татко и` да го покани и него на свадбата, нормално нели фигуративно. Што и како носела не знам само знам дека зборела нешто како -татко ќе го жениме синот па сакаме да ти кажеме да знаеш и да дојдеш на веселба....така нешто, значи свои зборови се употребувале. И јас знам дека една година после свадбата не се оди на гробишта, ни на задушници ниту на помени. Семејството е во радост и затоа не се оди по гробишта. Непосредно пред нашата свадба ми починаа двете баби, моите не беа на гробишта да ги поканат (изгледа не го практува мојата страна тој адет ) и цела година не им беа на гроб ни на едната ни на другата баба, само на погребувањата беа.
поканување на починат И јас имам починат родител..т.е мајка ...и јас ке правам свадба есенва, и ниеден обичај на светов нема да ми влијае да не одам на нејзиниот гроб. Секако дека ке одам и ке ја поканам... и ке одам и после свадбата на секој празник и задушници и се.
поканување на починат Умрените се канат на свадба со парастас (или света заупокоена литургија со парастос). Најдобро е во саботата, една недела пред свадбата, да се отслужи еден заеднички (со имињата на покојните и од машката и од женската страна) парастос во парохиската црква, како радоста на живите би се поделила со покојните. За таа намена потребно е поскура, варена пченица, вино и свеќи за секој од присутните. По парастасот, може да се направи и мала задушница. Потоа може да се појде и на гробовите од покојните, да им се запалат свеќи и секој посебно да се покани. Тоа дека оние кои се бремени, младенците итн, не треба да одат на погреби, помени и задушници е чиста глупост. Кога почина дедо ми дојде една комшивка која беше, ем бремена ем свршена, па фала Му на Бога ништо не и` е. Има среќен брак и две здрави и прави машки дечиња.
поканување на починат Сум слушала и јас за ова. А што и како се канат сум слушала различни традиции. Имено секој град си има своја традиција ако не и секое семејство. Така да... Не сум мажена, ама ке кажам за моја блиска личност која што се омажи а свекор и и свекрва и се починати. пред да прават свадба најблиските на момчето отидоја да гробишта да му кажат дека нивниот син ке се жени. (На мајката не, закопани се во различни градови). не носеа ништо , никакви парастаси, само им кажале во себе „брате, син ти таа и таа ден ке се жени, дојдовме да те поканеме( во себе). И како што ми кажуваше невестата ден пред свадба таткото на момчето го сонувала на сон. Дошол да ја види. Седел на местото каде што седел најчесто во домот каде што живеел, седел и ја чекал да се врати да ја виде идната невеста на синот, таа не била дома, била испадната. Кога се вратила, ништо не и презборел, само се ракувале. Станал и си заминал. Велат ако не презборе починатата/иот тогаш не е ѓаволот, ако презборе, тогаш е ѓаволот.
поканување на починат Ќе одам офф топик во врска со сонување на починати. Пред некој месец јас ги сонував моите мртви баби, беа кај мене на гости и ме прашаа до кај сум со бременоста, дури и со кафе ги послужив и си правевме муабет. Утредента се сетив на сонот, искрено се вознемирив и кога дојде мм од работа одма отидовме во црква и им запалив свеќи. Потоа разговарав со мајка ми и таа ми рече дека ако сум ги сонувала умрени, тоа не било убаво, а тоа што сум ги сонувала како да се живи е добро, изгледа само сакале да посетат. Нека почиваат во мир и двете.
Благодарам на сите за одговорите во врска со темата. Мислам дека не само на мене туку и на други во слична ситуација ќе им се најдат.
И јас сум слушнала за ова дека починатиот треба да се покани на свадба, матура и слично. Ете јас пред и после матурата на брат ми ги сонував дедо ми и баба ми кои се починати, а тоа значело дека требало да ги викниме на матурата на брат ми, ама ние дома не знаевме отпосле разбравме дека тоа значело!
За свадба имам слушнато дека требало а за матура и др прв пат слушам и во дилемам ме ставивте,ама сепак мислам дека тоа е само за на свадба да имаше нешто такво баба ми ќе ми кажеше
колку што јас сум запознаена вцака оди канењето на мртвите за свадба се оди на гробот се пали свека и се носи нешти на гробот за раздавање обично нешто што починатиот повеке сакал да го јаде и се кане со зборовите НИЕ КЕ ПРАВИМЕ СВАДБА ЗА ПЕТКО ВО НЕДЕЛА ТЕ КАНИМЕ И ТЕБЕ АМА ДА СИ СТОИШ НАСТАНА
Јас за овај обичај не знам, сега за прв пат прочитав овде но сигурно дека пред да се омажам ќе одам на гробот на моите родители, :'( ќе им запалам свеќа и ќе им кажам дека се мажам и дека би сакала и тие да се овде.ЌЕ ми биди претешко без нив тој ден знам,но сепак тие ќе се таму со мене како што е и секогаш.
Дали канењето на починатите, мора да биде директно на самиот гроб на починатиот, или може да се отиде во црква да се запали свеќа долу за починатите и да си кажеш што има?
Канењето треба да биде директно на гробот на починатиот. Не го применив овој адет, бидејќи дознав за него пред некое време, а свадбата ми беше пред 2 години.
Не само за свадба, туку и пред било кој убав настан дома (матура, веридба, дипломирање) се оди, за да им се кажи, да се запали свеќа. Ама баш дека се канат, не знам... Јас знам само дека се оди да им се кажи...
Tреба. Mајка ми канеше за сите убави себапи во куќата, со зборовите :јас те канам ама ти да не ми дојдеш. Bсушност мртвите се канат на секој настан каде би ги поканил доколку биле живи.
и јас за ова имам слушнато ама јас не го применив. татко ми го поканивме со мм на нашата свадба. после свадбата бев пак на гробишта, а мм беше кога се породив ,, да му кажи,, и после тоа не се одело ама јас пак отидов. на кој како му носи душата, јас отидов и воопшто не се каам.
