Имам лабрадор има 4 месеци и сакам се да знам што е поврзано со него што треба/нетреба да јаде дали сака/не сака да шета, дали сака/несака вода и.т.н и би сакала да знам по кои карактеристики би можела да знам дека е лабрадор дали по неговиот изглед или нешто друго.. Важно ви благодарам
Извини што каснам сега ја видов темава Сепак, еве видеа кои мене многу ми помагаат за да ги распознаам расите(т.е од таму ги научив скоро сите) http://www.youtube.com/watch?v=0cj81wHmfXc -Dogs 101 http://www.youtube.com/watch?v=10Icl2OQyPk -Doglopedia
Од мое досегашно знаење. Раса која потекнува од Канада, куче кое било создадено за да ги вади рибарските мрежи од морето, каде температурата достигнува до -20/-30 степени. Има 3 бои, црна од која има најголем број примероци, по неа следи жолтата и на крајот чоколадната. Силно куче, со развиено сетило за мирис. Во светот се користат како кучиња за лов, кучиња за откривање дрога и експлозив, водичи за слепи или хендикепирани лица, или како домашни миленици. Од 1990-тите го симнаа германскиот овчар од листите за светски најпознати раси, и сеуште важат за светски најпопуларна и најчувана раса. Во Dogs 101 има добри информации за лабрадорот, иако примероците во видеото не се баш најдобри. Лабрадорите би ги опишала како дружељубиви, одлични со деца, стабилни, без никаков знак на агресија, храбри, вечни деца. Прекрасни кучиња.
и јас добив лабрадор поклон,сеуште незнам што и како ќе биде ,но незнам како да го научам кога му се мочка да знам некој сигнал да го изнесам надвор да не ми мочка на тепих душиче е ама ме нервира двапати ми се измочка
Стави му весници некаде, ќе ги најде кога му притребаат. Ако имате плочки на под директно стави весници, или крпа па весници ако е тепих. Поместувај ги весниците кон излезна врата постепено, низ која би го пуштала надвор. Дај му малце време, ако е мало кутре рано му е и ќе мочка некојпат по грешка дека не треба, ама трпение само. После некој ден, до недела, сама ќе го гледаш, ако потрча накај весниците ете ти знак дека му се врши нужда и само викни го по име, не на висок тон, туку само да му обрнеш внимание, и трчај отварај вратата. Кутрето ќе си изврши работа надвор, погали го, кажи му колку е добро куче па дај му и бисквитче. Ќе се научи така полека дека надвор е за нужда. Само ќе почне да доаѓа до вратата, да квичи или лае кога сака да излезе. Изнесувај го надвор по секое јадење и чекај да си заврши работа пред да го внесеш дома. Секогаш кога направи нешто добро давај му многу галење и нежно зборење. Лабрадорите се многу интелегентни кутриња и брзо учат. А за јадење ќе се продадат Веќе почни да го учиш да седи и да дава шепа за здраво, да не зема бисквит додека не му одобриш да го земе макар на една педа до него на под ставено. Мали парченца кашкавал се добри за тренирање, ама не му давај повеќе од пет шест коцки на сантим сечени на ден, да не му се поремети стомачето. Секој ден повтарај нов трик додека не се научи да го прави без награда поголема од галење по глава и браво кути. За крај, изморен лабрадор е среќен лабрадор. Недоволно шетан и изморен ќе размисли што белја да направи низ дома, и ќе ја направи за внимание макар добил кавга.
