Катастрофа на приемен тест во Орце Николов - Колку петките на учениците се навистина заслужени?

Пропаст.

 

Ужас. Ама не ме чуди. Се понеписмени и понеписмени генерации. Комплексите за “скроз одличен” искачаат на виделина.
Браво за тие 11 ученици, треба да се наградат.
Овие со двојки и единици, да се дознае од кои основни доаѓаат, и фино лепо да си се истестира кадарот, и тие што им ставиле 5ки да се казнат соодветно. Дете со сите 5ки, да добие единица на материјал што го учел е недопустливо. Ај 4ка, па и 3ка нека биде, ама ЕДИНИЦА???!!!
Ме интересира како ќе постапи гимназијата, ваљда нема да ги прими сите…

 

Иако да, намален е стандардот за 5ки, треба да се има предвид дека како што знам, го тестираат знаењето од сите 4 години и жал ми е да кажам, не е лесно да се сетиш. Ова не е матура, па да очекуваш да се спремаш. Учениците и самите имале впечаток дека тестот по математика бил тежок и логично е да го направат таков, а логично е и да не решиле добро.

Мене во основно, 5ки ми донесе редовно учење и верувам дека многу од тие деца исто се имаат утепано од учење сите 4ри години, ама апсурдно е наеднаш да ми биде тестирано цело тоа знаење, ни јас не би се снашла.

 

Како што сфатив, тестот бил само од 8мо и 9то, само по македонски и математика.
Како и да било, дете со сите 5ки- единица да добие не може и не смее. Па дури и за 5 години да го тестираат, основни познавања треба да се останати.

Не викам дека тестот бил лесен. Знам дека сте оштетени. Ама ако можеле 50 ученици да останат доследни на оценките и извадиле 4 и 5ки значи дека можело.
Толку и треба да изнесува вистинска процентуалност на 5.00 просек, 3,7%. Тоа е реалноста. Сосема доволно.
Не ве окривувам вас како ученици, туку образовниот систем и родителите. Не смее и не треба сите да сте 5.00.

 

Всушност затоа е и елиминаторен тест, ваљда целта им е да влезат најдобрите од најдобрите.

 

A кој гарантира па дека тие 11 го немале тестот ?? Со оглед на тоа како функционираат работите во државава .

 

Не верувам, да беше поголема бројката ќе имаше простор за сомнеж, само 11 души е жива катастрофа

 

Не би била толку сигурна во тоа, искрено.

 

Која е онда поентата да учиш само за оцена и да ти избледи ништо да не запамтиш?

 

Е сега не претерувајте, па има деца кои се капацитет и навистина учат и тие се тие 11 сигурно.

Баш катастрофа. Ама криви се наставниците, па неможе бе сите да се скроз одлични (ако не сите, 80% се)... ама и родителите, борба, закани, преполагања за поправање оцена (со врски нормално полага тест) и оп од 3,4ка, 5ка на крај. И после ваква катастрофа...

Се согласувам со @Directioner005 Треба сега да се види од каде доаѓаат овие со најслаб резултат и да се превземат соодветни мерки.

 

Не знам што се овде криви учениците. Криви се само што не учеле. Двапати повеќе криви се учителите што им дале 5-ки. И сум за да се казнат таквите учители.
Нема образование веќе. Образованието во оваа држава што не може ни држава да се нарече го прогласувам за умрено. А пак, кога студентите немаат учебници, онлајн полагаат, знајте дека нема фајде ни од факултетите во Македонија.

 

Децата не се воопшто криви.
1.Кадарот.
2.Системот на оценување
3.Програмата.

 

Се навраќам горе и неможам да најдам , никој не кажа дека се тие криви...

 

Ете тоа сакав да го кажам.
Не може да очекуваат многу од ученици кои што им фалат учебници, учат од кембрич програма и на наставниците им се врзани рацете да ги понављаат учениците кои што си немаат поим од животот, а камоли од тоа што се учи. Вината барајте ја во денешниот МОН, а не во "денешните генерации“.

 

Бараа покачување на плати.

 

Резултат на родителите што си ги прават денеска децата снегулки. Фаќаат врски да им се со 5ки, на факултет да им се со 10ки, па еве ни го резултатот. Професори и наставници имаат притисок и ургенции од "високи места" за да се ставаат вакви оценки.

Најнеписмена држава, полна со магистри. Не ги кривам децата туку родителите што си ги лечат комплексите да им се децата најдобри, да учеле во елитни школи, не смеат 4ка да имаат.
Пропаст држава. Пакувајте куферите другари, нека си останат овие со врски. Секако со ваков кадар во иднина далеку нема да стигнеме. На факултети е и полошо, кој се е со 9 и 10 поради врските на мајка, татко, чичко. Пропаст.
4ките и 6ките на децата без врски вредат повеќе од на овие со напумпани просеци. Е, тие ќе си одат од оваа држава, Германија ги чека.

 

Катастрофа. Излегоа на виделина напумпаните оценки на мамини и татини галеничиња. Кривицата е кај сите, и кај децата кои не учат бидејќи знаат дека нивните родители на крај ќе им ги поправат оценките, и кај наставниците кои пишуваат гратис оценки, а за програмата пак да не стане збор. Ужас.

 

Тешко тие ученици што се стварно капацитет и што стварно научиле нешто во тие 8 години.
Во свидетелство сите 5ки имаат иста тежина и оние заслужените и оние незаслужените, а ич не е фер спрема децата што навистина учат и се трудат.

Доста голема демотивација е ова, а за жал го има и во средно и на факултет.
Ама јас секогаш се тешев дека знаењето си останува за мене и дека моето знаење еден ден ќе се исплати.

 

А може некои од овие послабите се одлични за природни науки на пример или англиски ама ајде само математика е битна.
Целиот систем кој е показател за "успех" е проблем.
И историја сум имала 5ка а немам појма сега. Ама затоа одлично си ја владеам струката за која завршив факултет и никој не ме праша за Втора Светска уз студирање.

 

Точно дека може, но како може да имале петки, а на приемен единици?