Книга на плажа / одмор

Ме интересираат ваши ставови и практики на темава. Кај мене е малку поделено. Кога одам на летен одмор, обавезно земам некоја книга. Одлично ми поминува времето кога сум во соба поради невреме/изгореници/пред спиење и сл, па дури и додека патувам ми одговара. Но, нешто што и покрај милион обиди не успеав е да читам книга на плажа. Ми пречи водата, вревата во непосредна близина, сонцето, песокот, да не почнам со спортистине на плажа кога сум на штрек да не ме погоди некое фризби и сл.

Ваши искуства?

 

Обично си купувам од оние ромачињата што се од по 50-60 страни и ги читам во еден ден.
иначе не ми сметаат гужвите, водата, се внесувам во книгата и читам без проблем, повеќе можам да прочитам така отколку дома седната на тераса.

 

Книга на плажа, освен ако не е приватна плажа на која си сам, е невозможна мисија за мене и само правење фраерлук, демек види ме, образован сум. Истиот проблем го имам со Теси, премногу нешта кои одвлекуваат внимание, па не практикувам многу многу книга на плажа.

Иако, многу убаво чувство создава книга покрај вода, под чадор, со кафенце или пивце, зависи од желбата, само да нема разгракани деца. Возможно е надвор од сезоната, се случило, ама реткост е.
Најубавиот дел е кога ќе се фатиш како околината го засилува чувството од прочитаното, на пример го читаш Хемингвеј и слушаш бранови во позадина, едноставно го појачува доживувањето. Или пиеш пиво и читаш за некоја случка која Буковски ја сместил на пристаниште во Њу Орлеанс, а во позадина од барот оди некој летен лесен алтернатвен блуз и креваш за момент глава и го гледаш пристаништето на 100-200 метри од гратчето кај што си сместен.

 

Јас толку време немам отидено на одмор што заборавив што е плажа Нема веза, обично кога одев секогаш носев книга, две, едната за мене, другата ако мојот пратител изрази желба да чита.На плажа не читам, најмногу зошто ми смета светлината на сонцето и вревата, а и сакам онака ептен да си го исклучам мозокот.Си ја земам најчесто за попат, пред две лета со дечко ми на враќање имаве цело задно седиште за нас, испружени цел пат си читкавме и од време на време дискутиравме за книгите, тоа ми е еден од омилените спомени.Јас ја земам претежно за пред спиење или ако станам порано од него, што обично е така, па си седнувам со доручек и си кулирам.Немам нешто строго определено што ќе читам на одмор, туку што имам при рака, само да не е некоја ептен тешка, па да ја мислам цело време, нешто полајт.
Уф колку се радувам на одморот кој го планираме за летово, ептен ми надојдоа спомени па се застравив.

 

Јас не можам без книга на одмор.Најмногу читам на плажа, во соба попладне додека другите се одмараат.
Кога читам книга, не ми треба апсолутна тишина, комплетно се внесувам и заборавам на се околу мене. Затоа не ми е проблем да читам на плажа, и така ми е досадно само да лежам без да правам ништо.

 

Мене па воопшто не ми е проблем да се исклучам од околината и да читам, безразлика дали е книга или списание. Јас секогаш практикувам да одам на плажа рано наутро и попладне на зајдисонце, кога времето е многу пријатно за да се излежуваш на песок и да си читкаш Никогаш не сум го гледала читањето на плажа како перчење. Мене ми е само една занимација.
Единствено не читам кога дечко ми нема да понесе книга на плажа, па го дружам него. А кога сум со друштво, не ни помислувам да ставам книга во ташна. Тогаш само карти и коцки носам
Мене интересно ми е да си шетам по плажа и да собирам предлози за книги. Штета што годинава скоро сите читаа киндл, па не можев да видам кој што чита

 

Секогаш на одмор носам по некоја интересна книга.
Воопшто не ми пречи сонцето или галамата. Уште помалку ако книгата е интересна. Тогаш веќе сум во влезена длабоко во содржината.
Ако сум со друштво на плажа, нормално, не читам, ама ако сум со семејството, немам гајле.

 

Eте,оваа недела најверојатно заминувам на одмор,па не би биле на одмет 2/3 романчиња кои топлите попладниња и вечерите ќе ми ги напраат поинтересни.
Но,во никој случај не би зела книга на плажа,нема да се сконцентрирам никако.Повеќе би да слушам музика дури си се излежавам на песок.

 

До сега не сум носела кога одам на одмор. Повеќе сакам да се сончам слушајќи музика отколку читајќи книга. Ама пријатно ќе ми дојде и некое романче на плажа, па наредна година планирам да земам со мене.

 

До сега не сум носела со мене книга на плажа, но во последно време почнав да читам повеќе.Речеси секоја недела ќе прочитам по некоја книга или 2, најчесто пред спиење.Па затоа сега ќе си земам со мене една или 2 книги, не толку за на плажа колку за пред спиење

 

Па си земам и читам, галамата воопшто не ми пречи си земам една поголема книги или во најмала рака списание ама многуу ретко

 

За книга секогаш има простор во моите куфери,не ми пречи галамата кога тонам во страните,всушност го сакам тој контраст, бучава околу мене и тишинатга на моите страни,дефинитивно умеам да постојам во два света.

 

Јас обавезно носам книга на плажа. Ама не некои тешки литератури, туку од оние за опуштање, оние што брзо се читаат. Дури некогаш и една книга ми е малку
Обично читам на плажа, звуци не ми сметаат, дури и попријатно ми е кога ги слушам брановите и некоја музика во позадина. Едноставно, се внесувам во приказната и она околу мене воопшто не ми пречи. Во соба не можам да читам од проста причина што немам време. Доаѓаме, се тушираме, се спремаме и шетаме цела вечер. За по пат, доколку ми остане некоја страничка ја дочитувам и тоа е тоа
Дечко ми секогаш ми се смее кога ќе ја ставам книгата во ташна, не му се верува дека ќе читам, ама кога си тргнуваме ми вели - кога ја прочита

 

Пошто оваа година ми дојде менструацијата кога бев на одмор си земав една голема книга и убаво се изначитав.Беше прекрасно.И следниот пат кога ќе одам на одмор би си зела книга.

 

Со истото се соочувам и јас. Е тоа е вториот фактор поради кој јас не можам да читам на плажа, покрај оној надворешниот што го споменав погоре. Значи секое одење на море сум целата како море да не сум видела со очи во живот. Не можам значи ни да му се изнагледам, ни да се изнапливам во него. Од мала ова. Особено откако научив да пливам.

 

Со мало дете на плажа не можеш фискална на раат да прочиташ не па книга. Треба да се исклучиш од се' за да уживаш во читањето, а кога одам со семејството на плажа други светови не ми требаат, сакам да уживам во моментите. Дури и само да се излежаваме, сакам да сум тука со нив.
Книги читав и читам само кога сум сама а тоа во последните неколку години е ретко па затоа на прсти можам да кажам колку книги сум прочитала во последните 7-8 години. Ќе ги оставам за некои подосадни времиња.

 

Редовен читач сум на плажите. Ако се погодила добра книгата така лесно можам од се да се исклучам па да не ми смета ни вриштење, ни музика, ни ништо. Кога се прави нешто друштвено нормално дека не заглавувам со читање, ама кога сите дремат или се загледани по телефони одлична занимација ми е.
По една книга читам сигурно секој одмор и тоа само на плажа што читам, а секогаш си носам по две, во случај да е тапа едната.
За оваа година ги имам „Вкусот на гревот„ - Зорана Шулц и „Тајниот јазик на цвеќињата„ - Ванеса Дифенбо, и двете ми се подарок и чекаа време за на плажа.

 

Секогаш си носам барем една книга на одмор. Кога се пакувам некако неизбежно ми е да си понесам и книги.
Уживам да читам, и на плажа и во соба, навечер...

 

Книга за на одмор за мене е нешто задолжително, како костим за капење или млеко за сончање.
Внимателно ги бирам, гледам да е нешто порелаксирачки, онака да одговара на атмосферата.
Читам и на плажа, а најсмешни ми се коментарите од типот-Абе што си се расчитала, одмарај!
За мене читањето и одмарањето одат едно со друго.