Сите ние знаеме понекогаш дури и без причина да се налутиме и да бидеме нервозни со часови. Некои од нас знаат да простат брзо и да заборават на тоа што се случило, но затоа други пак, долго време се сеќаваат и на секоја мала ситница која ги навредила, па ништо чудно и да најдат начин да ви вратат во првата можна прилика. Еве колку е тешко или лесно да ги извадите од кожа хороскопските знаци... Овен Овенот кога ќе се налути, нема шанси да не го забележите тоа. Овните лесно ја покажуваат лутината, а може да ги налути речиси сè. Тие се најголемите „лутковци“ во Зодијакот, па така кога ќе се налутат се однесуваат како бебиња и на цел глас ја манифестираат својата лутина. Бик Ако еден Бик ви се налути, очекувајте тоа да трае. Можеби нема на глас да каже и да покаже, но секако долго ќе ја манифестира својата лутина. За нив се вели дека побрзо планината ќе се помести, отколку тие што ќе попуштат во инаетот и лутината. Близнаци Близнаците се променлив воздух, а тоа значи дека и лутината им е променлива. Лутината ја манифестираат преку кавга, зборови и употреба на навреди, никогаш со тепање или кршење. Лесно може да се налутат, но и брзо и лесно може да им помине. Рак Раковите ако сте ги налутиле, значи сте ги повредиле нивните емоции. Како и другите водни знаци, и Раковите јасно ќе ви покажат дека се лути. Нема да ви остават никаков простор да се двоумите дали се лути или не. Лав Лавовите се слични на огнот, а тоа значи дека лутината им е долготрајна, и секојпат кога ќе имаат можност да ве пецнат и да ви вратат, ќе го направат тоа. Лутината нема да им помине ни брзо ни лесно, па затоа внимавајте. Девица Девиците се променливи, а тоа значи дека лесно и брзо им поминува лутината. Понекогаш дури може и да заборават за што се налутиле, а може и да не забележите дека се налутени. Вага Вагите ако се налутат ќе го покажат тоа со зборови, а често пати и со насмевка. Тие се најчудниот од сите зодијачки знаци кога се налутени, па затоа секогаш ќе се двоумите со што точно сте ги навредиле или налутиле. Скорпија Скорпиите никогаш нема да заборават дека сте ги навредиле или налутиле, и сосема јасно ќе се сеќаваат и на причината за тоа, бидејќи кај нив навредата најчесто е поврзана со нивните емоции. Можеби и нема да ви кажат дека сте ги налутиле, но бидете сигурни дека ќе ги чекаат своите 5 минути за да ви вратат. Стрелец Стрелците се променливи, а тоа значи дека ако се налутат ќе пламнат, но тоа нема да трае долго. Ако ги замуабетите околу нешто друго, ќе заборават и за причината и за навредата, па нема да мора дополнително да се објаснувате или извинувате. Јарец Јарците кога се лути – лути се, иако може да не ви кажат зошто се налутиле. За нив се вели дека имаат долга и добра меморија, затоа што со нив владее планетата Сатурн, која се поврзува со времето и вечноста. Водолија Водолиите често во разговорите делуваат како да се лути, иако не се, а ако навистина се налутат, тоа е нешто што трае. Нивните зборови ќе бидат стрели насочени против вас во текот на долг период. Риби Рибите се исто така променливи, а тоа значи дека може да ги повредите нивните емоции, но нема да ви се лутат долго. Знаат да „страдаат“ најмногу од сите знаци, но знаат и најлесно да простувааат. Напишаното за раковите е точно. Ако ме извадат од кожа знам да бидам многу лута.
