Хеј! Последно има многу дилеми околу полагањето државна матура, а сигурно и за сликање, како и за прослава. Нека оваа тема ни помогне да споделиме новости, искуства и се' поврзано со овогодишната матура и матуранти. Еве јас ќе го поставам првото прашање: Како ќе биде тоа со 2 екстерни - 2 интерни предмети? Дали третиот автоматски е интерен или ние ќе бираме дали вториот или третиот ќе биде интерен? Има некоја официјална информација?
Еве ги донесените одлуки: Дали сте задоволни? Јас од старт не бев против полагањето државно матура, но ова ми изгледа океј решение. Секако би ни олеснало многу. Државна матура бира оној кој сака да се запише на факултет, бира предмети што му требаат за на факултет. Факултет бира во однос на она што го сака и му е интересно. Значи заклучок и избраните предмети на ученикот му се потребни за на факултет, и бидејќи ги сака лесно ќе научи (повтори). Значи дечки доколку некој не сака да се запише на факултет зошто се пријавил за полагање државна матура?!
Наставата. До некаде и вирусот. Сеа цела година седев дома, кога треба матура да полагам ќе се пикам со 50 души во една просторија.
Вака ќе се вмешам кај што не ми е местото но мешање не е проблемот, сигурно ќе оди по протоколи растојание средства за дезинфекција, повеќе простории. Инаку ги гледам средношколците цело време се групираат и се дружат. Проблемот е што некако многу разгалени генерации не сакаат да учат. Пред матура се планира како да се препишува. Жално. Англиски учат од прво сите по курсеви на матура основна граматика не знаат. Спијат на телефоните кога имаат онлајн часови, не сакаат ни да слушаат а не да седнат да учат. Најголем дел , не сите. Сепак не сте криви вие деца, некој допуштил до толку да отиде ситуацијата во неповрат. Професорите ги молат да кажат нешто едвај им извлекуваат некакво си знаење а на крај тепачка за оцени преку тетки стрини Штабови и сл.
Јас лани бев матурантка и бев против матурата. Ова што го напиша ти е точно. Ама ние лани цела година одевме во школо со исклучок на тие 3 месеци, плус учевме цела година. И сите бевме испаничени дека скоро беше појавена короната. Овие сакаат да лежат цела година и ништо да не праат. Матурата е 0 во спротива со тоа што е на факултет. И сакам да кажам во врска со тоа што ќе биде физички. Сите полагања на факултет ни беа физички по 20 души во амфитеатар и еве сум здрава жива. Ги гледам матурантиве се убија од искачање во кафичи, исто е.
Штом можат нас да не организираат да полагаме физички, и тоа усно (да напоменам, минимум 300 души сме заедно со презапишувачи), и како што гледам, никаков кластер не излезе од полагањата, ич не е проблем организацијата на матурата. Не плашете се во однос на тоа, сигурно ќе е со соодветен протокол. Еве бар до сега, ништо страшно не се случило. Секоја чест на исклучоци, ама голем дел од матурантите се постојано по кафичи, и за гушкање и бакнување со другарки не им е страв, ама за полагање некако многу се плашат.
Повели мила:https://vlada.mk/node/24279 Има услови за полагање со физичкп присуство. Ако во школите има училници за четири генерации, вака само матурантите може да се поделат по 10 ученици во училница. Сите на растојание, со заштитна маска. Обавезно пред влез дезинфекција. Дури тоа ќе биде во јуни. Ќе има услови и за проветрување.
Секако, еве ќе кажам за писмените полагања кај нас. Задолжително со маски, на некои полагања и ракавици ни бараа. Пред влезот имаше и дезинфекција за чевли, а и на сите не прскаа со дезинфициенс и на рацете. По 20тина студенти полагаме во огромен амфитеатар. До сега немало проблеми колку што знам.
За жал тоа е нормално во нашето општество... Материјалот од матура многу ќе ни помогне за на факултет.
Мене лично ми беше потешко македонски и англиски од биологија. Можно е и да ви се за нијанса да се потешки овие екстерните. Ви посакувам среќа. Нема бегање, тоа е реалноста. Препишуваат и на факс. Посебно овие што се прва година. Реалноста е дека ќе се вратиме во живо. Во амфи препис, малку потешко. Може подобро ќе беше место англиски и математика да одбирате хемија, биологија, англиски или математика. Пошто за медицина пример ви треба повеќе хемија/биологија од што англиски. А, македонски да не се знае е срамота. Инаку проектна матура ќе имате? Вие се борите за правата, Вие си знаете. Од некој што поминал матура-сами си давате автогол.
Јас дека не полагав искрено не ни осеќам некоја "дупка" сега на факултет. Ама може зависи од тоа кај ќе се запишеш што знам..
Ова е страшна хипокризија. Лани изнапиша 300 постови зошто не сакаш да полагаш матура и тврдеше дека е заради изгубени часови, а годинава викаш дека матурантите не сакале да полагаат бидејќи лежеле по цел ден. Да се разбереме, јас сè уште сметам дека треба да има матура бидејќи без тоа паѓа стандардот кој и онака ни е низок. Ама мнооогу повеќе емпатија имам кон годинешниве матуранти отколку кон нашава генерација што лани го имаа цел материјал поминато и пак не сакаа да полагаат. Матурантите годинава имаат далеку посилна основа да бараат да не полагаат отколку ние лани. И повеќе часови изгубија, и далеку поголем број ковид случаи има. И според мене не е тоа оправдување, ама кога веќе правиме споредби, да не заборавиме што сме збореле лани, какви изговори сме си измислувале и дали се пооправдани од годинешниве.
Лани јас бев матурантка и сметав дека не треба да се полага, не од причина што го немавме поминато цел материјал туку од причина што сето тоа беше шок и ново за секој од нас и за целиот образовен систем особено во нашава држава. Едноставно немаше време да се спроведе и да се направи сето тоа на соодветен начин. А за оваа година сепак мислам дека до некаде треба да се полага прво од причина што имаа една година да размисламт како да се одвива сето тоа. Да учат. Иако сите знаеме дека онлајн наставата не е таа и иста како во училиште ама па и во училиште не е на некое повисоко ниво наставата да бидеме искрени. А тоа дека има поголем број ковид случаи мислам дека не може да е некое оправдување прво од причина што на некои факултети се одвиваат полагања во живо со многу повеќе студенти, а второ што многу средношколци факт е дека се групираат и без маски и без почитување мерки.
Јас мислам во групи да ве организираат најдобро ќе биде и да почнете средина на мај зошто јуни многу касно се фаќа. Нормално и тестови со различни прашања да ви дадат, но кои ги знае на крај ќе испадне беља работа.
Нема потреба од групи. Различни прашања би било малку неферски, бидејќи некој ќе рече "од другата група сите ги знаев, овие не" итн. Чим имаме ист критериум за оценување, треба исти прашања да се. Плус во едно школо не сите матуранти полагаат државна матура, сигурно има барем еден со училишна. Еве пример во моето училиште има услови и по двајца во училница да сме (малку матуранти сме).