Кој предмет во училиште ви бил некорисен?

Кој предмет во училиште, кој сте го изучувале никогаш не ви се "нашол" во животот и ви бил тотално некорисен во развојот на вашата кариера или развојот на вас како индивидуа?

Кој е тој предмет кој сте го заборавиле дека сте го изучувале што подобро да сте го немале?

 

Мене ми беше Граѓанско образование во основно училиште.

Едноставно, не се сеќавам дека воопшто го имам изучувано и дека некогаш во животот ми бил од било каква корист, или пак ми донел некој бенифит за било каков кариерен развој.

 

Во гимназија се учеше логика, предмет во кој ништо не беше логично. Филозофија исто нема да ми се најде. Се трупавме со информации за филозофи, теорија што е заборавена и не ми користи за ништо. Дури се чудам зошто учевме латински јазик, ама ајде пак некако полесно било после да се совлада романска група јазици. Премногу време од животот изгубивме учејќи непотребни работи.

 

ОНО. И на факултет беше обавезен
Не знам колку корисен беше, во перспектива на денешниов свет, ама пак- јас пацифист, џабе нерви потрошени на бубање.

 

Леле исто.
Кај им текна само па и на пукање не носеа со воздушна
И на факултет во прва го имавме.
Поглуп предмет немало и нема да има од овој.
Омладина сигурно не ни знае за што пишуваме.

 

Физичко/спорт.
Не зашто не е потребен туку зашто ништо корисно немавме на тој час.

После години кога сама почнав да учам како се вежба, тогаш тек стекнав сила, кондиција и све.
На часови беше ај да дадеш кош, ај да истрчаш 100 метри за толку време, ај да скокнеш метроипол за 5ка. Само создаваше дополнителни причини за булинг меѓу ученици.

 

Uchenicite otkako kje se steknat so osnovite, treba da odbiraat predmeti soglasno svoite afiniteti namesto da im se nametnuva. No, nema nekorisen predmet, ne znaesh shto koga kje ti se najde vo zhivotot od nauchenoto. Ima beskorisni profesori koi dremat na katedra.

 

Се изучуваат многу непотребни предмети, но за некои можеби имаат сврха. Додека сме во основно образование, уште не сме се пронашле себеси и не можеме да знаеме што ќе не интересира во иднина и како ќе тече нашиот кариерен развој.
Студентка сум, така што уште е рано да го одговорам прашањево. Конкретно за мене, ,,непотребни" предмети во досегашната ,,кариера" биле иновации, граѓанско образование, творештво, социологија, филозофија, бизнис, ликовно, музичко. Барем на овие ми текнува моментално, со тоа што на ликовно и музичко мислам за во средно образование. Би рекла и дека физичко образование е до некаде непотребен на оној начин на кој се реализира, бидејќи наставниците не се замараат многу.
Во основно оправдувам секакви предмети, но во средно веќе сме развиени индивидуи и сметам дека треба системот да е повеќе насочен кон сопствен избор, односно да се учат неколку предмети што сами би си ги избрале.

 

Леле стварно.Ние со колегите сите препишувавме немавме време да учиме волку глуп предемет.
Вие препишувавте ли?

 

Јас го учев
Не ме биваше за препишување.

Во основно мислам имавме и уште еден предмет глупушав ”Домаќинство” знам торта правевме.

 

Ќути. Можев факултет да не завршам ради него. Поглупо нешто, амин, професорот лудница- се на се катастрофа.
Не сум препишувала @Ava.84 , не сум знаела како

Филозофија не, бизнис не, уметност не- добро, што остана да биде корисно?

 

Не мислам дека има предмети кои се непотребни, туку редовната настава е непотребна, букв џабе трошење време коа секако дома ја учиш лекцијата.

 

Oд ОНО само паметам за мини, како изгледаат, па да не нагазиме ако налетаме, ама па денес гледам има сосема поинакви мини, така што нема фајде од тоа знаење. За тие пушки што учевме, одамна се историја. По ОНО не однесоа во пожарна, машките сакаа да се спуштаат по онаа шипка како пожарникарот Сем, некои глатко поминаа, другите се помачија да се симнат од горе долу. Инаку, јас не сум учела домаќинство, постарите учеле, па еден постар другар објаснуваше како правел рецепт во смисла немам какао ај ќе ставам кафе, немам млеко дома, ај ќе ставам вода, немам шеќер во прав, ај ќе ставам обичен шеќер и добиваш нешто друго од рецептот во книгата.

И социологијата не ми се најде во животот. Ми се најдоа само странските јазици, ништо друго и таа писменост стекната од читање книги по македонски јазик, навика што ми остана до денес, инаку и тоа се заборава. И премногу математика се учеше, ама премногу. Ни хемија, ни физичка, ни дефиниции, абе ниту историја, ама скоро ништо не ми се најде во животот. Само се клукаме со информации кои нема никогаш да ги искористиме.

Ликовно се учеше многу опширно за секој правец, за секој уметник, па биографии, податоци...Музичко препознавање на дела од композитори, па учење биографии. Ууффф, само Бумбаров лет би препознала денес и Годишни времиња од Вивалди, а што ќе ми се?

Во Гимназија се читаа многу повеќе лектири за разлика од стручните школи, по две -три месечно.

 

Нема предмет кој мислам дека бил непотребен, има само некои работи кои никогаш не ми се најдоа во животот, а тоа се равенките по хемија.

 

Изборните, имаше еден "Класична култура на европските цивилизации", реално интересен предмет беше, не да не ама тотално бескорисен.
Плус па и повеќето лекции све за Античка Грција беа ко шо памтам, а Грција омразена од секогаш била.
И имаше заебанции за нас шо го избрале тој предмет, дека не сме патриоти и сл.

Глупости, учевме таму за грчки богови, за грчки столбови, архитектура, не знам шо го избрав ама шо знаеш у 5 одд.

Друг изборен не знам точно како се викаше нешто ко "Вештини на живеење ко да беше ама ни в од вештини не научивме.
Професорот малце и одлепен си беше, тоа на час дефинитивно не личеше, греота како го зезаа чоекот, постар беше у години, ич сериозно не го сфаќаа, ко он ученик, а учениците наставници да беа, му наредуваа, па и го исмеваа, ужас.

Па знам имаше нешо демек "готвење" у училница, добро шо не ја запалија училницата.
Другпат па имаше тема во врска со тоа како да реагираме за време на опасни ризични ситуации, и го прашува он "Еве има земјотрес, како ќе искочите од училницава", одговорија нешто као по скали и вика "Неее, ќе ја искористите завесата, ќе ја врзете и преку прозор ќе скокате". А училницата најгоре, на 2 спрат, истото и у зграда да се напраело.

Ете тоа научив битно.

Идејата може за предметот ок била ама реализација 0 и ништо не ми користеше у животот.

И Етика исто предметот, лесен и тој ама демек научивме што е добро, лошо, што е морал, како не. Филозофирања напразно само нишо друго.

Од математика оние мономи, биноми, полиноми и геометрија со све формули за мене е непотребно, па и тие равенките по хемија ко шо рече @Bitter-Sweet.

Зашто? Дека за политика се учеше, такви ствари, за право на гласање, за општество, држава и не знам ти што имаше. Мене прелесен ми беше боза буквално, најлесен мислам беше од сите предмети, па и интересен малце, не дека не.

Точно од а до ш.
У основно додека беше наставникот се вежбаше да речам, баш имаше вежби со разни справи од оние нели што ги има во училишна сала, е после коа се смени наставничка да биде, буквално само некои безвезе вежби за загревање демек и ајде топки ќе рече зимајте и толку, она си дремеше на клупа.

Кој игра игра, повеќето меѓу кои и јас тогаш, си дремевме исто на клупа и времето едвај поминуваше.
У средно иста песна и таму, баш истата.

Ја од секогаш викам блазе си им да професорите/наставниците што предаваат физичко, најлесна работа имаат.

А за ова шо викаш за булингот бар кај мене, булинг поише на другите часови лично ја доживував, на физичко дека си играа со топка, другите дремеа на телефон па зафатени беа, немаа време за навредувања.

Баш интересно делува ова.

@Tanjamm домаќинство се викало порано?
Ја имав изборен нешо сличен ама ко шо пишав горе глупости живи беше.
Си имаше тогаш еден куп такви изборни да бираш, и се кој од кој беше.

 

Мислам дека не сме се сфатиле. Напоменав дека е индивидуална работа. За мене доста корисни се математиката и природните науки. За уметностите (ликовно и музичко) во ред е да ги има во основно, но не гледам поента да се задолжителни и во средно. Сепак, не секој е надарен за тоа. Често професорот оценува колку е добар цртежот, а не колку си се потрудил. Значи мене лично набројаните предмети не ми беа корисни до сега, за во иднина не знам. Тоа не значи дека за сите дека не се корисни, туку зависи од самата личност и интересите на истата. Во средно образование повеќето од нас веќе сме свесни за нашите интереси и дарби, затоа сметам дека секој средношколец треба да има право на избор што ќе учи и кои предмети ќе ги слуша.

 

Беше корисен физичко како не беше, нас пауза за кафе ни беше.

Инаку според мене нема некорисни предмети. Не треба да се цели да се учи толку изолирано, ко демек ако ова не ми треба за факултет нема потреба ни да го учам... убаво е да се биде сестран, колку може со некоја основа.

 

@Mrs. right да, предметот се викал Домаќинство. Јас тоа не го учев, тие што беа некои 7 години постари од мене учеле и ми раскажуваа. За пукањето се викаше ОНО. Јас пукав во школски подрум со една искривена пушка. Професорот доаѓа, на секој му дава 10 дијаболи и мета. Треба да се погоди во центар или што поблиску до центар. Кога почнавме со кривите пушки, дијаболите завршуваа во туѓи мети. Значи од 10 дијаболи, имаш 5 дупки во мета. И професорот отиде во ве-це, па еден школски со прсти ја туркаше дијаболата да направи дупки во центар, да има добра оценка. И камо среќа да имавме германски јазик, значи освен англиски и француски, да учевме и германски. Јазиците се потребни. Колку и да се заборава, ќе се потсетиш, ќе освежиш знаење и ќе комуницираш. За музичко имав пеено по хорови, на француска шансона итн. Со хорот еднаш на републичко бевме во првите 3. Тоа е добро за хоби, инаку ништо повеќе.

 

Мислам дека има премногу непотребни предмети, кои намерно се ставени за професорите да си го исполнат фондот на часови.
Во основно:
1. Животни вештини или вештини за живеење, глупости беше предметот. Учевме плетење, готвење и други глупости. Многу подобро би било ако учевме справување со стресни ситуации, меѓусебно почитување, поттикнување на емпатија, намалување на булингот, штедење, како да се располага со финансиите.
Во средно имавме предмет иновации и претприемништво, за кој немаше оцени, но мораше да се иде на часови. Воглавно беше тотално бескорисен предмет.