Во пожар на свадбена веселба во северозападен Ирак загинаа најмалку 100 луѓе, а повеќе од 150 се повредени. Од пожарот се урнал целосно објектот каде се одржувала прославата. Пожарот избувнал во преполна голема сала во градот Ал-Хамданија во ирачката провинција Ниневија, како што јавија ирачките државни медиуми. Заменик-гувернерот на Ниневија, Хасан ал-Алак, соопштил дека според прелиминарниот биланс има 114 загинати и 150 повредени. Според телевизискиот канал Рудав, Ахмед Дубардани, заменик-шефот на регионалната здравствена управа, изјавил дека бројот на повредени е 500, а се тврди дека во салата имало до 1.000 луѓе. Фотографиите од катастрофата покажуваат урната и изгорена сала во градот Ал-Хамданија, а на видеа на социјалните мрежи се гледа како запалени делови паѓаат од таванот. Гостите на свадбата скокаат од масите и се обидуваат да се засолнат на безбедно. Преживеаните на ирачката телевизија изјавиле дека невестата и младоженецот ја преживеале катастрофата, иако на социјалните мрежи вртат видеа каде што се починати. Нема официјални информации за причината за пожарот, но првичните информации укажуваат дека пожарот избувнал откако за време на прославата бил организиран огномет. Ирачкиот премиер Мохамед ал-Судани им наредил на министерствата за внатрешни работи и за здравство да организираат секаква можна помош за погодените. Ирачките федерални власти и полуавтономниот регион Курдистан испратија амбулантни возила и медицински персонал на местото на катастрофата. Никогаш не се знае кога и каде ќе ни биде последното збогум со некој, затоа сакајте се малку повеќе, а помалку се карајте и поминувајте повеќе време со саканите.
Огномет бил причина за пожарот, така прочитав. Жално, сепак свадба може да се направи и без пиротехника и оружје. За некои народи и земји секоја свадба е потенцијална закана за нечиј живот, не е свадба ако не се припука.
Многу тажно, само што гледав видео како младоженецот плаче на погреб, се распаѓаше човекот. Најубавиот ден им станал најтажен.
Во изградбата на салата за банкет биле користени евтини градежни материјали многу запаливи и без почитување на безбедносните стандарди. Очигледно немало ниту задолжителен алармен систем за гаснење на пожар. Делови од салата се урнале за неколку минути. Жално за загинатите а денот на младенците кој требало да им биде најубавиот ден се претворил во кошмар трагедија. Многу запаливи материјали и огномет довело до катастрофа трагедија.
Гледав, една преживеана во пожарот и загинале 3 деца, мажот и мајка и. Случајов е далеку, но од се треба да се учи и тука не се води сметка за безбедност
Се наежив додека ги гледав видеата. Еве ова е резултат кога се трча по профит по секоја цена. Сопственикот на салата зема на душа толку животи, за чес да му служи!
По првото изгледано видео од трагедијава, не навлегував понатаму. Жално и тешко за гледање. Голема трагедија
Среќа што го немам гледано видеото. По коментарите ме потсети на модуларната болница во Тетово. Да не се повтори.
за жал сепак се изнагледав видеа бидејќи секаде кружи. Многу тажно. Гледав исто и слики од починатите. За жал и мали дечиња имало
