Мајчински муабети (не е за барање совети)

Мамички дај споделете некој лек за алергија, поленов излезе и ме нападна буквално одма кивам и отежнато дишам во природа. Лоратадин многу ме успива нешто друго и да ми олесни дишење

 

Навечер пиј го. Што знам, мене ни ноќе не ме успивал којзнае колку. Земи си и некое спрејче за нос, Синомарин е добар избор и за следна година да си знаеш уште во јануари да си идеш на лекар за ова зашто за хронични алергии некој месец унапред се почнува со терапија за да ја поминеш полесно.

 

Зиртек. Склона сум на многу алергии меѓу која и поленот, од се пробано (и на природна база) најдобар се покажал Зиртекот.

Едит: Нема седативно дејство.
Ако те чешаат и ушите - Белогент на беби стапче многу смирува.

 

Многу кивам, а ме чешат очи и лице баш ќе пробам
@Jana06 веруваш дека б6 ме успива иначе ја имам со години али некои години како оваа е поизразена, а некои не ни ја осеќам едино кивањето ме прати сите години.. Фала женски

 

Ми се јавија денес од работа. Мал стрес ме размрдаа и веднаш глава ме фати. Колку всушност сум опуштена дома, што ќе јадеме денес и какво ќе е времето за да можеме да шетаме ни е најголем проблем. Брзо се прилагодувам ама преминот од дома на работа баш ќе ми биде стресен. Ова породилното пауза од реалноста ми дојде.

 

Да си ја олеснам душата малце.
Сите што сте го преживеале 5от скок алал да ви е, ова е веќе неиздржливо јас сериозно сум на крај со нервите, а прилично имам живци тенеќија што би се рекло ама ова ме излуде, денеска поготово во цел ден само две дремки имаше и тоа по 15 минути, цел ден вришти и е страшно нервозен, ги утепа очите од триење ама инат бре не сака да заспие.

Среќа што сум кај мајка ми моментално па и она доста ми помогна, ако ништо што го држи и го занимава, не можам да замислам денеска да бев сама, ќе се збудалев сигурно. Со душа чекам да заврши, ама дефинитивно ќе го памтам цел живот, грлото си го раздразни од толку вриштење детето па и кашла дури.
Не знам што да правам, дајте ми некој совет, како да го смирам, што да си играме, со што да го занимавам, се му е интересно по 5 минути и после го фрла и не го сака.

 

Гледав интересно видео на инста не памтам на кој профил. Алуминиумска фолија ,залепена за подлога од сите страни убаво оптегната залепена со креп трака и бебе врз неа. Е сега мојава не ја играше многу ,ама сепак вреди да пробаш. Ја удираше со рацете и нели таа испушта звук ,и рефлектира светлина може ќе му е интересно...

 

Исти сме. Јас плус до 2 годишно дете.
Само вика,ништо не го интересира само во раце и плус заби вади
Денски 20мин спие се друго е дерење.
Непогоден
Уште 2 недели имаме од кои громчето е во последната.
Пааа да издржиме
Може ке се сменат
Ама и бебе мое е така плачлив од рајѓање така да не си давам многу надеж за да не се разочарам.
Сите скокови максимално ги испочитува.
Само да не се дере повејќе

 

@Snowflake97 Ајде мајка издржи уште малку, после скоковите не се многу страшни. Ќе добиеш еден мал слаткиш што почнува да разбира и брбља Само надвор е спасот. Станете, доручкувајте и дома прибирајте се само за јадење.

Ај да чкртнам малку кога веќе дојдов тука. Уште сме кај моите, веќе 9 дена и не ми се иде дома. Бевме само алишта плус да си земам, една тава ја мислев неизмиена што ја оставив, па и за неа се вратив, еднаш дојдовме со маж да се изсексаме на раат и пак се враќаме кај моите. Ептен ми е убаво, не мислам за ручек и останати домаќински работи. Помагам де ама кога сакам, не кога морам. По цел ден сме во дворче, уживанција. Сабајле сите искачаат од дома, сестра ми онлајн на школо, малиот во лулашка и јас до него кафе си пијам, си барам идеи за торта, украсување, кетеринг за роденденот. Лепота, се спремаме полека Сега и дрвцата кога ќе процветаат, па ич нема да ми се иде дома.

Денеска и викам на мајка ми да се смениме малку таа да остане со малиот, а јас да ја сменам на работа. Одма без проблем се согласи. Леле луѓе колку ми фалело да работам. Мозокот на пасење, си ја завршив работата, времето ми летна. Препородена се осетив, на крај и едно кафенце за носење си земав и си го испив сама во природа. Си доаѓам дома малиот нахранет, пресоблечен, заигран, весел, се изнагушкавме и си викам што убаво вака да може мајка ми да го чува секој ден, а јас на работа без да го мислам. Во никој немам толку доверба

Нека е жив и здрав, поглед не смеам тргнам од него. Пргав, брз, преактивен, не седнува на газот ни една минута буквално. Цел живот зборам дека сакам активно бебе, а не некое што ќе седи и ќути и ете, си добив. Не сакам да се жалам ама би полудела сама. Нит ручек ќе направам, нит друго по дома ќе завршам.

Ми се приспа.

Убава вечер мајки

 

Хепи,абе не ти се погоди мирно второво? Не спие?
@thinkerbell тука сум и јас,ама само читам,не се жалам веќе
Некако порасна мали,почна да зборува, не чисто и разбирливо многу,ама јас и мм го разбираме.
Тантруми има и најчесто се кога му се спие . Ноќе се буди за цицање,иако си вечера солидно. Се буди минимум 3 пати. Кога ќе откаже љубов на цице и како,страв ми е да мислам .А голем е веќе,2г и 3 месеци.
Денски веќе не спие,зошто многу касно ми заспива навечер

Некако голем е веќе,а и јас сум уходана веќе,па немам толку потреба да барам совет и затоа и поретко пишувам. За тантруми и да прашувам,повеќе би било жалење зошто тука помош нема .
Инаку детево ми е супер .
Го обожавам. И не можам да си замислам да сум оделена барем секунда од него,а во друг момент паѓам во депресија зошто сум само со дете и не работам,се ми е сведено на мајчинството. И така во круг .
Морам да се менувам,морам.

 

Да те утешам ноќе спие. Но денски не.
Прво галама му е од батко а второ такво си е детето уште од новороденче е будно.
Но за разлика од брат му ноќ си е ноќ кај него

 

И кај нас плачки, ама малиов е релативно мирен а јас сум плачката
Се’ уште не можам да средам емоции, секој ден кон 5 попладне ме фаќа криза. Некогаш си плачам од што го гледам и не ми се верува дека ова чудо е мое... а некогаш со причина. Вчера на пример.
Ми се јавува другарка со која ретко контактираме, но порано многу убаво се дружевме. Пресреќна си правам муабет, ми честита за бебло зашто видела на ФБ. По 3 минути почна да ме убедува за осигурување за бебе, да ми одржи состанок на зум. Викам Абе ќе те ислушам амА стварно немам време. Ми вика ама само 40 минути
Јас сонувам за 40 слободни минути за да се искапам и јадам ко човек
Само 40 минути човече...
и завршивме со тоа дека ќе ме бара пак.

Не сум заинтересирана за тоа, џабе губи време со мене а не знам како да одбијам. Па плачки за другарство откако заврши мусбетот
Можда, т.е. Дефинитивно сум луда ама многу неубаво се осетив и уште ми стои грутка.

И мене ми се работи
Ми фалат пари ама и активност. Душево само во раце спие дење, и тоа е со борби, па коски оставив на фотелја. Го чекам минувањето на оваа фаза, да фатиме некој ред и да ослободам раце малку.
Се ближи втор скок, за 6 дена вика апликацијата. Да се плашам?
А нормални дневни дремки подолги од 15 мин кога?

 

Долго ме немало овде. Свратив да си олеснам душа.
Моите палавковци направија година ипол. Човечиња станаа што разбираат се. Изминатиот период интензивно се гледавме со моите бидејќи дојде време да се вратам на работа. На почетокот, тешко ја прифаќаа мајка ми, ретко кога и дозволуваа да ги нахрани или да им смени пелени. Постојано пикнати во мене и од страна гледаат во очите на другите. Многу се секирав како ќе биде се, растени само со мене и татко им, ниту на еден час не оставани на друго лице... Едноставно, мозокот ми вриеше од размислување. Особено навечер, пред спиење. Нели навечер се е многу пострашно.... Наутро ќе ми олесни.. и се така во круг неколку месеци.
Недела дена пред да почнам со работа, мајка ми по цели денови беше со мене и близнаците за да се навикнат и тие на неа и таа на нив. Да ни го научи редот и навиките, желбите и потребите. Се се одвиваше релативно добро ама кога идеше време за за денска дремка беше жално и страшно. Толку многу плачеа... Ах колку само плачеа...
Се помирив дека така ќе биде. ќе заспиваат уморни од плачки.
Минатиот вторник ми беше прв ден на работа. Снагата ми беше толку растреперена. Безброј пати се јавив на маж ми и на мајка ми. И.... на секое јавување-тишина. Тивко, тивко... се слушаше во позадина некое кикотење или брблање. Јас очекував да неможам да се разберам со нив на телефон од гужва во позадина.
Мајки, јас не можев да верувам што се случува.Толку лесно пројде се.
На работа сме со пола работно време, во 13:30 јас бев дома. Тие веќе беа заспани. Имав време да се измијам, средам, да ручам додека тие нанат.
Тешкото почнуваше кога се будеа. Беа лути на мене. Буквално ме игнорираа. Им требаше минимум два часа за да им помине инаетот.Пред спиење веќе не знаеа што да направат од радости. Едниот за едната нога, другиот за другата нога. Тегнење, бакнување, гушкање до недоглед...
Наредниот ден исто. Денот со мајка ми им поминал мирно. Убаво јаделе, шеткале во двор, лесно заспале. Кога си дојдов од работа пак имаше лутки. Наредните денови побрзо им минуваше лутината. Се прашувам колку време би им траело ова?
Од средата бев приморана да ја извадам предната страна на креветчето за да може да се лепиме еден до друг. Другиот секако пие со мене на спална веќе подоло време. Се будеа по неколку пати (а се деца што одамна преспиваат цели ноќи).
Сепак, можам да кажам дека брзо ја „соџвакаа“ оваа нагла промена. Еве, неколку денови по ред пак си ја преспиваат ноќта. Можеби затоа што беше викенд, јас не сум на работа и затоа не протестираат?
Како и да е, не поминуваме така тешко како што јас замислував.
Имам време за себе, наутро станувам рано, се средувам, изгледам убаво, дотерана, мирисам убаво... Од кога ќе се средам, се будат тие. Ги облекувам и им давам млекце. Во 08:15 излегувам од дома.
На мајка ми, буквално на тацна и оставам се за нив. Готов доручек. Припремано за ручек. Само треба да го стави во рерна. Во 13:30 сум дома. Тие се веќе заспани, Се будат во 15:00.
Од кога ќе станат, додека да легнат (во 21:30) правам се за да им ги надокнадам тие неколку саати мое отсуство.
Признавам дека на моменти сум љубоморна што брзо се адаптираа, си велам, да не се заситија децава од мене? Од друга страна сумп ресреќна што додека ме нема, тие се спокојни и убаво си го минуваат денот. Кога се враќам дома не се тажни, а тоа ми е најважно. Не се плачливи. Знам дека олеснителна околност е што се двајца, па заедно си се „тешат“ и заедно си го преживуваат денот.
И така сфатив дека всушност мене разделбата ми паѓа многу потешко отколку на нив. Ние возрасните повеќе комплицираме отколку децата. Ние возрасните создаваме проблем и таму каде што го нема.
Штом палавковци мои на година ипол лесно ја навикнаа ваквата голема промена, ве охрабрувам сите мајки кои треба да се вратат на своите работни места, со поладни глави да гледате на цела ситуација.
Ете така, пишувајќи го рефератов, олади моето кафе.
Се читаме мајки

 

Да си закажеш на пулмоалерголог. Јас оваа година почнав со имунотерапија за алергии. До сега сум супер. Со тоа што јас сум и на дрва и на трева. Обично од февруар бев кошмар стално. Годинава сум како друг човек, а не пијам ништо, нити прскам спрееви

 

Здраво мајки

Не сум пишала бог зна од кога, не дека ништо не се десило, а не и дека се десило нешто
Некако воопшто немам инспирација за склопување постови, а реално и време немам..

Договор беше мм да го носи бебе во градинка, а јас да го зимам, ќе го носам само кога ќе имам повеќе работа.
Епа тоа уште не се десило, го носам јас и само јас
Де порано ќе иде, де по пат има работа, де не можел, де не знам ти што, битно јас идам и се враќам, па идам и се враќам
И не ми е баш блиску, а богами и не ми е забавно толку да возам, а и колава не иде на вода
Може претерувам, човекот стварно има многу работа, ама барем некој ден може да го остави..
Детево во чеиз не го донесов, ама додуша и он не го направи ама добиено во брак е

Му кажа еднаш дека кога ќе било многу топло ќе го носел со мотор и секое сабајле тоа прашува
Ама дури се деси тоа се мислам ќе престане да иде

Језиво ми е веќе од колите со сирени, Брза помош, нема шанси да не ги сретнам
Колку па лошо се вози, колку па се се брзало, аууууу идиотизам на ниво
Пред некој ден еден косовар ми се бутка, али без жмигавец, а јас принципиелна, па ми вика ќе те удрам, слободно му викам ионака браникот ми е чукнат ќе ми го поправиш. Ми преврте очи

Циганите на семафор ме вознемируваат, абееее еден стап ама така поголем и не за нив, за државичево
Мислам на секој семафор терор прават, па лупаат по прозор, па пцујат, колнат, мачкаат коли со тоа крпите..
Ама што сум должна да се замарам секојдневно со нив, а немам како да ги избегнам, на секој божји семафор се населиле

Една пак со новороденче и онака иде од кола до кола и повеќето и даваат парички. Ми дојде смешно, ова како на повојница што го гледаат бебето ќе му дојде

Нит давам, нит зборам, може по некое "бегај" само да кажам или "тргни се". Среќа многу оддамна колата е со клима, па ни прозор не ми е отворен никогаш, инаку па тоа би било убиствено бе

Не сакаат да работат, подобро им е да зимаат социјално и да вршат терор и сите тоа го знаат, абееее абееееее цицачи

А од друга страна дедо ми го одбиле за нега на болен, па и за месеци каде требало да има исплата не го исплатиле и никому ништо пишале во решението
Мислам што на 80+ да не се опорави, па бараат пак да поднесеш и слики да пратиш..
Јако беше со другиот дедо кога зимаше и го одбија, а он со едната нога инвалид, а другата исечена и буквално ни се идеше да пишеме и да ги прашаме да не му порасне случајно
Безпотребно малтретирање..

Нов бисер на баба ми.
Ми вика да сум го сликала дедо ми да го имала пошто ќе умрел за брзо
Чекај викам ајде и тебе да те сликам, пошто ти пред него ќе умреш

Сликите како вампири да сум сликала, ама најискрено, стварно се бре грди. Бледи, слаби, пропаднати, она баш баш висната, збрчкана кожа
Ич не сакам да бидам таква по старост, ама од ген не се бега

Мајка официјално стана цвеќарка
Отвори бизнисот и богами и цвета веќе една недела
Ред ја зезаме, ред подршка, малку помош и оди некако, тек почна, али се уклопува некако

Бара име на страницата и понудивме да биде "цвеќе во време Корона"
А она имаше идеја да биде "евтино цвеќе"

По цел ден само сади, пресадува, средува, пакува, праќа, допишува..
Баш и е интересно
За некои и татко ми е доставувач и го плаќа
Сакаше и мене да ми плати да носам у Драчево, еј у Драчево 30км од дома и тоа за 100денари
Па ми вика ок ќе ти дадам уште 100, а жената сака цвеќе за цели 100денари. Па и викам дај ми го ти мене цвеќето и завршена работа, никој никаде не треба да носи

А татко ми уште прави детска
Секако дека уште не е готова, па тоа ќе одекнеше и на форумов да беше
Моментално е до овде, оградичка за креветот, уште не е ни дозакована, ни фарбана..

Спојлер: Ограда

Ќе биде, што не било и кога ќе бидеееее

Денес нарачав тепихче
Едно имав на ум, не беше детски, го немаа на лагер, ама може да се порача. Кога му кажав на мм лом ме стори оти да не е детски, требал шарен да е и не го порачав.
Денес по нет ми искочи Меринос дека имаат - 25% и ми текна на тепихчето на @eli25 едно со рипки.
Јас мислев само мали димензии има, тоа имало и голем, баш теписон. Па се јавив и го порачав, ќе ми го достават неделава

Со постелнини, подлоги се испонервирав
Првин нарачав од една страна, ме извисија, ај од друга, па и тие бе
А јас специфична ради избор на дезен, ама па многу некоректи, примаат нарачки, викаат за 10дена ќе се готови, едните ги нема, другите епа го немаат дезенот, сакаш ли друг, епа не сакам
Другачката од форумов што шие најкоректна, многу убава соши и брзо

Најдов по нет една готова што ми одговара, па ќе ја купам таа, мајка подлога ќе ми сошие од долниот чаршав бидејќи е без ластик
Ама па претеруваат, да се случеше обратно одма на ѕид на срамот ќе идев

Пролетна генералка уште не сум направила, сакам да кречам прво, ама некако уште не сум почнала
Ама па и ладно е, кај ќе се распарталувам, па ќе настинеме и ќе се чудиме да не е Ковид после

Сакам да накитам празнично, ама кај на несреденово..
Па пилето и се митари..
Битно бебе го дотерав
Битно и јас се дотерав
Мм има нови тренерки неколку пара, повеќе не му треба, нема за каде

Сакам сребрени патики, ама ќе купам ако најдам број
Видов на нет во Вест дека има, ама не знам дали 41цот ќе ми е точна
Женски маки со шлапатарка е тоа
Од Пеко на Ара да проверам дали има сребрени, жимити нивните патики ми се добри, ама и 42ка се

Бебе спие, затоа везам овде, досадно ме фати, поднастина од времево, па ваљда му стана нешто тешко. Е сега кога ќе стане како нов и тоа што ќе збеснува до ниедно време е друго. Ама не барал да спие не се сеќавам од кога, па ваљда стварно му се приспа..

Да испијам кафето, па ќе одам да бирам слики за печатење за во детската

Убава сабота.
Гушкајте малишанки

 

Здраво мајки, отварам темава и што да ви кажам, прво се шокирав дека ја нема темава, дека од времето кога бев редовна тука секогаш беше меѓу првите три, но добро ја пронајдов на втора страна и шокот помина .
Друго гледам поголем дел се нови мајки кои во "мое" време ги немаше, ама тоа ме израдува нека се шири темава, нека расте нека дава Господ на сите, секој да види што е и радост и мака!

Мојата госпоѓица веќе има 4 ипол години, како старица е се муабетите, тоа мозочето едно вртење, па и дека повисока е од страна сите прваче ја прават.... Ама не сакам да ми ја прават поголема, не сакам брзо да ми порасне, ама лета времето.
Инаетче си е сеуште, сега и поголемо, своето ќе го истера па што сака нека е.
Коронава не уби, не може да не се прескокне, маж цело време е на работа, јас имам периоди кога учам интензивно и така тепаме време. Се сетив на времето кога бев тука активна, ако правевме генералка дома прво тука се фалев.
Еве да и вчера се пиц пец направив, непланирано ама баш ми е гајле, сија се, и прозори, и дома и купатила и алишта и перални и вц и купатило. Фали ме усто или ќе те раскинам излезе работава хахахах. Морав да се пофалам некаде, па и велигденската декорација ја извадив и реков годинава ништо не купавам од страна декорации па ќе видиме.
Дома се спремаме да реновираме дел од куќата па ќе видиме што ќе излезе. А баш се радувам, маж под контрола е хаха и се спремаме за второ дете ама никако не сака па да ја насочиме енергијата на друга страна хахха.
Друго што да ви кажам толку мн јадам се и сешто што се мислам на некој режим да се ставам дека вака не ја бива, а сакам тесничко да облечам ама од сите страни спојлери излегуваат не бива вака, па се прикрива, се маскирам и добро е.
Туку ај доста измешав пост време е да ставам точка.
Добра ноќ мајки!!!

 

Мајки на бебиња 8+ размислувате ли за второ дете? Кога би сакале? Мојот сопруг сака по брзо, да не се голема разлика но јас не. Имав тежок пораѓај + беба до 4 мес ич не спиеше, па заби.. Дури сега почнав по малку да спијам (се буди 1,2 пати за млеко). Мечтаан за тоа да ја преспијам цела ноќ ко човек. Пак да минувам низ тоа не можам немам сили. Евентуално за 4-5 години ама и тогаш не знам.. Маж ми се лути сака син

 

Да бидам искрена ме вознемири постов, извини.

 

А ако се погоди ќерка?