Дали разбравте за овој изум? Јас мислам дека е доста практичен ама некако ме збунува. Упатството на користење, верувам дека е едноставен начинот на користење ама вака кога го читам и не го разбирам многу. Самата помисла дека се ослободуваш од влошките, тампоните е неверојатна. Економична, чини 1500 денари од прилика а кога би пресметала давам многу повеќе пари за влошки. Може да се користи цели десет години и да се носи 12 часа без проблем. Зависи од обилноста на менструацијата. И не е штетна за здравјето плус е еколошка. Па ваше мислење би ја купиле ли? Спојлер: Пример П.с. Не правам реклама. http://spiboshop.com.mk/ss-organicup Линк за дополнителни информации.
Јас не би ја купила. Можам да издржам со влошка 3 дена а вакво нешто не би употребила. Природниот начин е подобар и побезбеден за мене, отколку некоја чашка која треба да се дезинфецира, не смееш ни да ја фаќаш со раце според мене треба да е скроз чиста. Никој не може да знае со сигурност дали е штетна или не за здравјето, сепак е страно тело. Како што некој реагира на тампоните и не може да ги користи, така некој ќе реагира и на чашава.
Која е практичноста кога повторно ќе треба да купувам влошки? Имам обилен циклус и доколку ја извадам додека сум некаде надвор, не можам да ја измијам, а логично и не можам да ја дезифицирам, па повторно ќе морам да ставам влошка. За обилен циклус е објаснето дека треба да се вади после 3 часа, јас на исто толку време менувам влошка/тампон. Заклучок - оваа чашка е една голема глупост.
Мене ми е језиво да помислам дека во мене имам некој предмет, кај што не треба. Немам користено ни тампони токму од таа причина. Улошки најубаво.
Не ми е јасен начинот на употреба, но ми се допаѓа идејата. Околу начинот на одржување, не е ништо страшно, само е потребно време за стекнување хигиенски навики, и замена на влошките со влажни марамчиња. Не знам колку е практична за стално, но за одмор покрај вода сигурно е попрактична од влошка или тампон. @Mrs.Brain Како се нарачува чашкава?
Читав коментари на редит за ова и сите кои пробале се воодушевени. Во иднина би пробала, сега сум бремена
Менструалната чашка и не е некоја новина ама дури сега стигнува во Македонија. Во земја каде што имаме з̶а̶о̶с̶т̶а̶н̶а̶т̶и лекари кои сеуште преобрнуваат со очи кога ќе се спомене контрацептивна таблетка и голем процент на жени кои сеуште имаат аверзија кон тампон и употребата на истиот им е научна фантастика, не верувам дека чашкава ќе наиде на преголем интерес кај нас. Сметам дека е економична алтернатива за влошка или тампон. Секако, како и сѐ друго така и ова си има свои предности и маани. Некои гинеколози дури велат дека е побезбедна и од тампонот затоа што не постои ризик од пореметување на природната вагинална pH вредност при употреба. Лично, не ми е гад од сопствените флуиди и тело, во план ми е да ја пробам. Сепак, секоја жена си знае најдобро која варијанта нејзе ѝ одговара највеќе. Предлог до модераторите, да го преименуваат насловот на темата во „Менструална чашка“ бидејќи водиме дискусија генерално за чашката. ORGANICUP е само една компанија од многуте кои ја произведуваат (LenaCup, Fleur/Zen cup, Divacup, Lunette etc..). @Nigredo Odor, повели линк доколку сакаш да видиш како се употребува. За жал не може да се најде низ аптеките, единствено со нарачка преку официјалните сајтови.
И мене ми е многу непрактична за употреба, не знам колку би имала простор да се „средам“ во некој минимален јавен тоалет да речеме. Имам преобилни и доста долги циклуси и мислам дека ова навистина не е решение за мене. Во лето користам тампони, остатокот се справувам со влошки.
Не би користела вакви изуми не се баш практични. Јас сеуште не можам да се решам да користам тампони, а не пак ова.
Има воопшто некоја која ја користи? Баш би сакала да прочитам нечие лично искуство. Воопшто не ми е лошо како замисла, меѓутоа мене не би ми одговарало со оглед на циклусите кои ги имам.
Никогаш не би ја купила. Се знае влошки за што се, се натопи ја заменуваш со друга и толку а не нечистата крв да се собира во чашка...
Јас сум старомодна дама по вакви прашања. Имам погледнато некое видео поодамна од оваа направија, ама не ми е по вкус и потреба.
Моја пријателка ја користеше уште пред 4-5 години.Она беше мн задоволна .Детали како ја користела незнам
Не хигиенски пред се, неможеш про секое вадење да ја дезенфицираш. А ќе ја фаќаш со "секакви" раце, а и не секаде водата е толку чиста за да ја измиеш и пак да ја ставиш. Јас не би купила. Таман ми е до влошки и тампони. Уште што нема да се измисле за пари.
Какви се тие „секакви“ раце бре луѓе? Зарем вие не си ги миете рацете пред/по употреба на тампон?! Во принцип, постапката е иста. Еден антибактериски гел и влажни марамчиња во ташна никогаш не се на одмет. А ако водата во тоалетот не е чиста и нема саглам услови, таму не би влегла ни за да си го напудрам носот а не пак да менувам тампони.
