Компанијата Hot-Hot има 10 годишно искуство во градба на семејни ЕКО куќи и брвнари. Решив да ја отворам темава и да соберам мислења од вас феминки. Што мислите за компанијава, поточно за типот на куќи кои тие ги градат? Релативно се ефтини во споредба со купување на стан или градење на куќа, и за оние што немаат доволно средства да изградат куќи од бетон или да купат стан, за некои 28.000 евра би имале куќа од околу 100 квадрати (со ваш плац) Дали некоја феминка веќе има купено ваква куќа, дали сметате дека се квалитетни и издржливи, и кои би биле предности/негативности да се живее во ваква дрвена куќа? Еве неколку слики што ги преземав од нивниот сајт : Спојлер: тип на куќи
На изглед се ок Со оглед на тоа дека за 30000 евра едвај можеш да купиш стан од 40 квадрати, јас би сакала ваква куќа. Не го сакам оној наш менталитет од градење куќа цел живот за 3-4 генерации. Човек да не може да здивне од долгови и кредити, а да не зборувам дека се штеди на се. Познавам многумина таквии кои кревале куќи по 3-4 ката, сите живеат набутани во 1 и пак старите еден ден ако дадат кат на синот и преговаараат на сната. Свекрвите сеуште готват на старите шпорети, перат и на раце иако на вториот кат имаат нови кујни, нова бела техника и нови теписи, но никој не смее тој кат да го користи, се додека синот или синовите не се оженат, па после тој музеј станува бојно поле и преговарање од типот “ јас на одмор не отидов, јас сукња не купив, за снатаа да спие гола или да не смеам да се качам.“ Абе не. Ке дадам 30000 ке живеам тука, ке стварам колку можам повеке за детето и без да се затуцувам и да си стварам фрустрации, а и ке го пушам да си има свое гнездо, за да во староста раат пијам винце а може ке почнам и мара да пушам, не знам може и шах ке научам
Абе зависи каде живееш во кој град. Кај мене во мојот град не се исплати. За 28000 евра се зема средно голем стан, доволен за една фамилија. Ама па две фамилии да се напикаат во таков стан не чини. Да да земаат огромна куќа градат, и на крајот - како во комшии кај мене - снаата сосе синот и децата си замина заради тоа што на горниот спрат од куќата не му беше дозволено да живеј. И си се спакуваа сите и австралија си заминаа. Е сега стариот е стар и болен и не можи да живеј сам - куќата си остана ко споменик. Тој живеј во старечки дом и не можи ни да ја продај куќата. Све има по светот. А во светот некогаш не се ни мачат да се задолжуваат за да купат куќа или стан - живеат под кирија и баш му е гајле
Искрено ,одсекогаш сум сакала ниска но пространа куќа , баш како овие на сликите , конкретно претпоследната . И мене не ми се допаѓа огромна куќа како касарна , која утре ќе стои празна и ќе се распадне ако не ја одржува некој . Би сакала да вложувам за моите деца да имаат свое катче , кога ќе пораснат здравје , со девојки/дечковци , да не се мислат дали мајка и татко се дома , да си имаат по едно вакво бегалиште , немора да е којзнае колку големо , чисто за спокој на сите . Кај нас еден тоалет од 50 квадрати фаќа 1000€ а камо ли куќа да фатиш да градиш . Не те оправаат 10.000€ . Кирија за соба со тоалет само е 100 € а да не зборувам за поголеми станови
Мислам дека мора сами да си ја направите плочата (99% сум сигурен дека е така). Така да, 28.000 евра се многу пари за дрвенарија. Во ред, може цената е за клуч на рака, но распрашај се, карабина еден спрат од 100м2 не би требало да кошта повеќе од 15-16 илјади евра, ако ти ја прават мајстори (со фирма 30.000 сигурно). И брзо се прави, практично за месец дена е готова. Па ти види сега.
Превземено од нивнтата facebook страна, за ТИП 178: -178 м2 -300€ за м2 53,400€ Ова е прескапо. За истите пари од 300€ од м2 ти можеш да направиш цврста градба, со дрвени прозорци (кои се поскапи од ПВЦ), со паркет (не ламинат кој е поевтин) и плочки со средна цена. Да се разбереме, зборувам за градење на куќа, без плац. Јасно е дека цена на плацот варира, дали е во село, приградска населба или центар, па затоа тој дел ќе го изоставам. Дозвола за градба е околу 5000€. Огромен недостаток на овие куќи е тоа што ние живееме во Македонија, каде има 4 годишни времиња и температури од +40 па се до -15. Дрвенаријава може, ама во некое потопло место. @doubleg токму така. Карабина за 400 квадрати на 3 спрата е нешто помалку од 30,000 евра.
Дрвенарија може и на овие температурни разлики, не е проблемот тоа. Проблемот им се цените. За таа цена ке направиш дом од бетон иста квадратура иста цена тоа е точно. разликата е што дрвото е поздраво и сеизмички по флексибилно во случај на земјотрес што кај нас и се случува. Негативно е берзината на ветер ( која не е висока кај нас) и недај Боже поплави ( последниве 3 год беа страшни)
Ние планираме куќата да ни ја прави или Хот или Еко Хаус. Инаку; - нормална цена е 295е/м2, со субвенција 280е/м2 - ако сакаш да имаш легална куќа, МОРАШ со фирма-изведувач да ја градиш, така излегува ѕидана поскапо - самиот збор еко кажува многу, буквално цела може да се рециклира - во Еко Хаус м2 е 250е, или 300е ако они прават плоча
Дури и со фирма изведувач, цената е скоро иста со ХОТ и ХОТ а квалитетот поголем. Со оглед на тоа што треба до плоча да изградиш секако, темели (гаража ако сакаш), да спроведеш струја и вода и одвод до таму.. А тоа чини поприлично... За дрвенарија не се исплати. Повеќе од 220-250 евра за м2 не вредат Инаку, кога ќе ставиш и плац во сметкава, испаѓа фали куќа - живеј во стан
Цел живот живеам во куќа, не сакам стан. Во Скопје се околу 900е/м2 па и не се исплаќа. Ако имаш линк од градежни фирми пушти
Некоја информација или наградна игра за хот и хот ве молам .. Не навистина ако може некој кој има искуство да ни сподели мислење .. На изглед се убави а дали се исплатливи ?
Гледам не е активна многу темата. Има некој искусто да сподели? Како е задоволен од куќите, дали е навистина поисплатливо од градење обична куќа? Како е со изолацијата и затоплувањето?
Здраво Периодов стануваат се поактуелни куќите од овој тип. И зголемен е и бројот на фирми кои ги работат: - Sweet Home MK - Ken Panel Monting - Hot & Hot - Bulart Construction - Modular Design Architects - EcoHouse Mk - Tecobal Global - Swiss Gradba Овие се некои од фирмите кои јас ги знам. Дали имате искуство со вакви градби? Колко е поекономично фрадењето ваков тип на куќа? Доколку живеете подолго време, дали бара некое специјално одржување? Би било супер секој кој има искуство да го сподели.
Во периодот кога сеуште не знаевме дали монтажна или цврста градба, имав информативен состанок со EcoHouse Mk. Дечкото ми остави убав впечаток, знам имав спремно многу прашања и се ми одговори. Но на крајот дома си разговаравме и не ни одеше математиката, за истата цена направивме цврста градба, но ова пред поскапувањата на материјалите. Тогаш ми кажаа цена околу 300-350 евра од метар квадрат, клуч на рака, но ти треба да ја обезбедиш основата, односно плочата и секако струја, вода. Мислам дека повеќето вака функционираат. Ние тогаш немавме доволно информации, и јас барав сакав да слушнам мислење од некој што стварно има искуство и живеено во монтажни куќи но не успеав и затоа се одлучивме за цврста градба.
