Гледам дека нема ваква тема, а претстои период на украсување по домовите. Колку практикувате да си купите готови украси, можеби истите ги преправате во сопствени креации, или пак, самите си правите свои декорации за празникот? Може да се споделуваат и идеи за буџет френдли идеи за украсување, како и ваши лични слики што сте направиле сами или со Вашите деца.
Јас имам од минатите години нешто за декорација и немам во план плус да правам, немам време баш... Оваа година ќе фарбаме заедно јајца и ќе направиме декоративни кутии за блиски дечиња наполнети со јајце, зајче чоколадо и оние малите чоколадни јајца. Толку од моите идеи
И јас денес принтав такви кутии за јајце. Баш интересно за дечиња. Цел ден боиме. Резултат среќно дете, уморна мајка.
Преубави се Ели. И ние имеме во план принтани кутивчиња. Имаме нешто од лани. Годинава пробав нешто вакво
Имаше една декорација со балон на тик ток сега да ме утепаш неможам да ја најдам. Беше надуван балонот,обична бела салфетка намокрена со вода се става на горниот дел од балонот неколку слоја, на крај украсна салфетка се става. Се чека да се исуши, и се дупнува балонот. На крај се сече хартијата ритче долче. И све тоа да служи за јајца чување.
Многу убава тема имаш отворено. Од вчера ја надгледувам и надевам дека ќе има повеќе мислења ама некако слабо активност. Сакам украси. Гледам повозрасните жени си уживаат во украсувањето и направи-сам иновациите. Се обидуваат со ограничени ресурси (затоа што во македонија нема материјали во толкава мера) да преземат некоја идеја од интернет и се прилично успешни во тоа. Многу ми е ќеф кога ги гледам како си споделуваат слики по социјални мрежи. Јас купувам, правам но имам и подароци од луѓе кои сами изработуваат и ме почестуваат со нивните творби. Украсување велигденско дрвце (ова најмногу дека има украсни јајца што најубаво би се изложиле на такво), декорирање, држачи за јајца, играчки и од еден до друг празник колекцијата се зголемува. Само периодов ми е урнебес па уште немам почнато. Ако стигнам, ќе се обидам да споделам.
Јајце ќе им дадам на блиските вака спакувано. Ќеф ми беше да е нешто поинтересно, буквално ги правев со тоа што имам низ дома. (За кесичките употребив хартиена кеса од овие по 13 денари шо ги наплаќат во Ист Гејт.)
