Нашите онлајн права, заштита на податоци, Global surveillance

И покрај тоа што знаеме дека секојдневно сме под надзор користејќи интернет, знаеме нашите податоци се прибираат и чекаат момент да бидат искористени а ние не превземаме ништо.
-Што мислите дали ова е во ред и дали прилега на едно демократско општество?
-Дали би направиле чекор за да го запрете ова, да ги заштитите вашите податоци и приватност?

Како член на EFF Electronic Frontier Foundation спремен сум и би сакал да ви помогнам и покажам како да си ја заштитите вашата приватност и онлајн права.

Повелете на дискусија поврзана со насловот и пошироко но од оваа област.

 

Го гледавме филмот Сноуден пред некоја година во школо. Незнам колку е вистина но ме фаќа језа понекогаш дали некој може да ги чита моите пораки или да ги гледа моите слики. Не би превземала ништо сериозно, мислам дека никому не му дошло мене да ме шпионира.

 

Зошто мислиш дека никому не му дошло до твоите податоци? Знаеш ли дека тоа може да биде искористено во иднина? Еве јас на пример кога би знаел порано што се случува по интернетот никогаш не би ставил слика од мене.

 

Истово и јас го мислам кога читам за вакви ствари, и она за Цукерберг и за сите контроверзии. Нека си мислат тие што споделуваат и договараат по пораки некаков криминал или пак објавуваат од себеси експлицитни материјали. Нема што јас да се грижам за по некоја обична слика од мене и уметнички фотографии. Премногу врева за ништо е ова меѓу обични луѓе, колку да се звучи интелигентно и запознаено и да се шири паника.

 

До некаде си во право ама сепак сум само обичен човек.

Абе кога ќе подразмисли човек и не е се така црно. А што ако тие податоци дојдат во погрешни раце на пример?

 

Тие податоци содржат, твои приватни пораки, кредитни или дебитни картички, мултимедија, телефонски разговори, твојата локација.. така да не вели дека си само обичен човек. Тоа секогаш би било од корист некому ако сака да ти наштети. А и не е поентата во тоа. Нели сме демократско општество и не би требало да постои таква шпионажа? Ова ни во Третиот Рајх го немало. Што мислиш зошто тие податоци се складираат од обичните луѓе како нас?

 

Најчесто се собираат и складираат за комерцијални цели.
Не е демократско но има едно I agree кога се зачленуваме и ретко кој убаво го проучува,сепак има опции да си ја заштитиш приватноста да не ти се (зло)употребува од други.
Еве сподели ти рече ќе не информираш како да си ја заштитиме нашата приватност и онлајн права.
Инаку оваа воведна тема ме потсетува на филмот Circle(2015) а и има добра статија на ова тема во еден од нашите познати месечни весници,да не му правам реклама сега
Убава тема за дискусија е но треба покрај теорија малку и пракса,примери итн.

 

Бидејќи ми го имаат веќе хакнато ФБто цело време бришам чатеви на ФБ,Инста дури и на обични пораки.Ме фаќа језа дека некој може да ми чита иако немам ништо посебно, и на Gmail бришам мејлови константно.Сакам да ми е чистка сегде, по раат сум така.

 

Може за овој дел нешто? Што би требало да направиме за да ја заштитиме нашата приватност? Ме интересира затоа што знам дека, на пример на Фејсбук, администрацијата ги има сите наши податоци, дури и оние кои сме ги избришале (она што еднаш било внесено, кај нив останува како податок, барем така сум читала, можеби и не е точно). Знаеме за случаи каде хакери објавиле податоци од корисници на Фејсбук. Зарем има начин да се заштитиме од тоа?

Инаку, сум видела неколку лажни профили со туѓи слики и туѓи податоци, што стварно ми изгледало очајно. Е за да се заштитиме од ова, мислам дека би требало да не прифаќаме се што не додава и она што го објавуваме да биде приватно, а не јавно.

 

Богами, не е наивно. Барем во државава видовме што предизвика навлегување во приватноста.
Треба да се внимава што се остава зад себе преку секое комуникациско средство, вклучувајќи го интернетот. Превентива е секогаш добредојдена.
И не мора да правиш нешто погрешно за да се чувствуваш непријатно што си можен таргет за нечие будно око. Башка, се може да се изврти за да се искористи против тебе.

 

Да користиме енкрипција, да ги поврземе нашите акаунти по социјални мрежи со ПГП клуч. Да користиме Тор пребарувач. Бидејќи немам многу време во моментов вечер ќе објаснам во детели што да направите.
Инаку не се работи за хакерски напади туку за складирање на податоци од NSA тоест американската влада но во некои случаи тие прибрани податоци може да се злоупотребат..

 

Не барај демократија во овој луд свет со кој владеат психопати...не барај правда во овој свет кој е во состојба да убие неколку милиони луѓе само за да сочува кислород на овааа планета....и мислам дека веќе обичниот човек неможе да се заштити од ништо, ама баш од ништо...прво беа камерите кога ги изнакачија насекаде, јавни и скриени, па чипови, па интернетов од кој се офајдија трговците со податоци, секој може да ти го украде идентитетот, секој може за 200 евра да ти го продаде пасошот и уште многу работи...колку повеќе напредува технологијата, толку сме ние соголени и незаштитени.

Пред малку гледам на вести УЈП ќе има увид во нашите трансакциски сметки, што купуваме, колку трошиме....останав занемена...срамота....

 

Јас би сакала мислење од @DAngel на темава, не знам за друг човек на форумов релевантен за овие работи како неа.

 

Би сакала да издвојам момент и да ја искористам оваа тема за свечено да го поздравам човечето шо ме шпионира.

 

Global surveillance не е будно око кое чека таргет. Тоа представува буквално складирање на секаква приватна онлајн информација на секој човек во светот кој користи интернет. Телефонски разговори, кредитни и дебитни картички, пораки од социјални мрежи, локација, шпионирање преку веб камера и микрофон се само дел од тоа.

 

https://ssd.eff.org/en/module-categories/tool-guides

На овој линк имате алатки и инструкции според вашиот уред и оперативен систем кои ќе ви послужат за да се заштитите од Global Surveillance.. Доколку нешто не е јасно или ви треба помош може да ми се обратите.

 

Незнам колку дата брокери има во светот, веројатно над 5000 и тој број се зголемува....прашањево ми е дали мислиш дека ќе дојде еден ден, кога секој човек ќе има свој брокер за заштита на личните податоци?

 

Моментално сум имал пристап на дата брокер од Турција. Секакви видови на информации на милиони турски државјани. Поентата е да нема такви работи, интернетот да биде слободен и безбеден. Најбизарно е тоа што цел свет е шпиониран од страна на држава која повеќето ја гледаат како либерална и демократска држава, а тоа што таа го прави е полошо и од фашизам. Секој човек кој е онлајн и користи интернет има пристап до неколку дата брокери од кои може бесплатно да дознаете нечии информации.. Не би сакал да давам инструкции за тоа.. Инаку прашањето ми е нејасно или пак погрешно е поставено од твоја страна. Со брокер неможеш да се заштитиш, брокер е собирач на информации или еден вид на архива.

 

ДЗЛП е одговорна за регулација на тоа како се прибираат и чуваат вашите податоци на ниво на државата и работат неуморно! (досадни се, жити се )
Имаше случај кај што банка беше казнета затоа што скенирале лична карта на клиент (не смеат да ви скенираат лични карти, можат само да ги фотокопираат црно-бело и со watermark). Исто важи и за било што да ви бараат скенирана идентификација. Слободно зацрнете ги сите лични податоци (освен името и презимето) и обавезно ставете watermark преку цела скенирана слика со ознака за која цел е скенирана и кому ја праќате.
ЕМБГ е личен податок, скоро никаде не смеат да ви го запишат. Дури и татковото име не смеат да ви го запишат (буквално, на повеќето места, единствено што можат да добијат од вас е име и презиме).
На страната на ДЗЛП има упатства за граѓаните, и можност да пријавите злоупотреба на лични податоци или ако приметите дека некаде прибираат лични податоци кои не им се потребни (реагираат експресно)
https://dzlp.mk/mk/gragjani

Во однос на прибирање кредитни картички, за да обезбедиш плаќање со картичка на твоја веб страна, зад тебе стои банка која го контролира целиот процес. Не е толку едноставно да "злоупотребиш" нечија кредитна картичка. Да е така, секој вработен од банка би можел да си вади пари од ваша сметка кога и да посака, а ете, не вадат!

Нормално дека секојдневно оставаме наш траг на интернет, ама на крај пак и наш избор колку ќе оставиме и колку ќе биде достапно. Дали сметам дека оставам премногу? Веројатно! Иако не сум активна на социјални мрежи, имам активна локација на Гугл, што веројатно уште веднаш е повеќе од што би сакала да споделам (од друга страна ми одговараат бенефитите кои идат со тоа).
Таргетираното рекламирање е одличен начин да видите "колку ве следат". Ми се има случено да пребарувам понуди за програми за магистерски студии на еден универзитет и да добијам покана по мејл за мастер студии на друг универзитет од истиот град неколку дена подоцна!

Се сеќавате на петоцифрената бројка на луѓе што купија визер билети по $1? Или пак рекламите што повремено вртат за самсунг галакси за $1, па повремено по некој наседнува и си остава свои податоци?
На такви "финти" не наседнуваат луѓе кои не знаат да користат интернет. Тука обично заглавуваат луѓе кои имаат познавање од работа со компјутери ама не се информирани за ризиците кои ги носи "безгрижното" сурфање на интернет.

Сепак, би рекла дека некои стравови од злоупотреба на лични податоци граничат со параноја и со теории на заговор. Во секој случај, не оставај јавно нешто што не би го закачил на бандера, не знаеш кој може да налета на него

 

Како прилично искусен криминалец коа договараме зделки тоа не го правиме на некоја помалку позната платформа, туку на фејсбук.
Тие што се помалку искусни ги користат нив, а и полицијата нив повеќе ги прати. Така ни се отвара простор да го искористиме тоа.

Користиме кодови за клучните термини и до сега се се одвива во најдобар ред.

Чим ние можеме, можете и вие!



RUN