Најдобрата книга што ја прочитавте изминатата година

Која е книгата која што ја прочитавте оваа година и најмногу ви остави впечаток? Зошто баш неа и по што се издвои таа книга од останатите кои ги прочитавте оваа година?

Темава ја создавам со цел да споделиме рецензија од најдобрата книга што сме ја прочитале годинава.
Да напоменам само дека не е важно од која година е издадена книгата (не е темава за најдобри издадени книги во 2021), туку за книга која што нас лично ни била најдобра прочитана книга годинава.

За мене најдобрата книга што ја прочитав годинава е дефинитивно Никаде без ќерка ми - Бети Махмуди со Вилијам Хофер.

Си го цитирам мислењево од друга тема, бидејќи тогаш ептен свежо споделив импресии додека бев воодушевена од книгата.

Тоа што ја издвои од останатите книги што ги прочитав годинава е што беше по вистински настан и што денови откако ја прочитав гуглав информации за книгата и за ликовите.
Таа сила на една мајка што е спремна да направи се за детето, а згора дека се било вистина и навистина поминале низ нешто толку тешко, остави голем впечаток на мене што и месеци подоцна откако ја прочитав мислам на книгава.

 

Мора ли само една?
Стварно не можам да се одлучам, ќе ставам две.

Првата е The Radium Girls - Kate Moore.
Книга напишана според вистинска приказна. Морничава, трогателна, но пред сè книга која прави да се чувствуваш горда што си жена.
Зошто баш оваа?
Додека ја читав, а и неколку дена откако ја завршив бев overwhelmed со измешани емоции. Ме распарчи на милион делови, ми требаше време да си ги соберам мислите, да го смирам бесот кој го чувствував кон одредени несовесни и алчни личности, а и кон целото капиталистичко општество. Таков хаос направи со моите чувства што никогаш нема да ја заборавам оваа приказна. Предобра книга, никого нема да остави рамнодушен.

Втората е од Sagan. Тој ми е еден од омилените автори и негова книга мора да се најде во моите фаворити. Се двоумев меѓу The Demon Haunted World и The Varieties of Scientific Experience, но се решив за втората.
Зошто?
Без да навлегувам во детали ќе кажам дека книгава е задолжителна за сите кои обожаваат да го читаат. Покрај вообичаените теми за универзумот и слично, во оваа книга првпат имав можност за closer look at Sagan's personality, односно да го увидам односот на авторот при дебати со оние кои не се согласуваат со него. Во еден здив ја прочитав и во неа само се докажа неговата големина како човек и зошто е почитуван и до ден денес.

 

„Снег“ од Орхан Памук беше најквалитетната книга која ја прочитав годинава. Обемна е, ама вредеше и ниту за миг не сакав да ја оставам, како што ми се случувало со други книги. Авторот прави убаво поврзување помеѓу значењето на зборот снег или кар на турски, градот Карс каде се случува дејството и поемата „Снег“ која главниот лик ја пишува, а воедно и додека дејството тече, во градот паѓа снег.

 

Последната желба од полскиот автор Анджеј Сапковски (орг. Ostatnie życzenie)





Шареноликите компјутерски игри Witcher се темелат на неа, како и преглупавата истоимена серија со дебилен избор на актери во продукција на њетфљикс (кој ли им даде дозвола за снимање само!).

Книгата е прва од повеќеделната збирка раскази за авантурите на Гералт од Ривија (од жанрот на епска фантастика), a авторот инспирацијата ја зема воглавно од старословенската, келтската и нордијската митологија. Ми се допадна, возбудлива беше, ми одговори на прашањата кои ми се појавиа додека го гледав воведното видео за првиот дел на играта некоја година пред да ја прочитам книгата. Интересна и вредна за читање доколку сакате да се запознаете подетално со светот на Вештерот Гералт од Ривија. Сепак не би ја ставил како некое ремек дело а ла Достоевски или Кочо Рацин.
Долго ја барав и се подготвував да ја читам па бидејќи ми се допадна, еве ја ставам сепак во темава.

 

Personality isn't permanent, Benjamin Hardy.. Ја видов кај една блогерка, имаше кратка рецензија за неа и решив да ја купам.. Арно ама не ми се даваше 1500 денари за неа, па решив да ја најдам на некој од сајтовите за онлајн книги и ја симнав, иако лаптопот ми се наполни со вируси..
Нејсе, да кажам за книгата, не е од оние книги од типот "Мисли и збогати се", "Како да се збогатиш", итн. туку е обработена главната тематика според мене, а тоа е моментот.. Дека она што сме, она што сме биле и она што ќе бидеме, зависи од околностите.. Нашиот карактер, нашите размислувања, сето тоа зависи од околината во која по некој сплет на околности сме се нашле.. Не е дека не можеш да смениш нешто, не е дека не можеш да смениш нешто, можеш, ама во тој случај ќе се сменат и твоите ставови, а твојот мајндсет ќе зависи повторно од твојата перцепција на работите.. Топло ја препорачувам на луѓе кој се чувствуваат како да се наоѓаат In the middle of nowhere..

 

Maybe You Should Talk to Someone: A Therapist, Her Therapist, and Our Lives Revealed - Lori Gottlieb



Најдобра за мене годинава, подарок од драга личност што ме пронајде во прав момент.

Четири вистинити приказни на секојдневни луѓе со своите предизвици, проблеми и падови, и петтата, приказната на нивниот терапевт, испреплетени во една целина која не само што ја промовира грижата за менталното здравје, туку и ве тера на интроспекција и размислување, препознавајќи се во однесувањето или чувствата на овие 5 луѓе раскажани низ неа.

Ова не е книга за самопомош, ова не е книга со заклучок или книга која ќе ве натера да одите на терапија, ама дефинитивно е книга кога ќе ве натера да размислите за некои длабоки аспекти на животот, човековите судбини и справувањето со истите.

Нема начин да напишам кои заклучоци јас ги донесов во врска со себе и со животот од книгата без да пишам спојлери, ама дефинитивно ја препорачувам.

 

@Dream-Girl и мене годинава Никаде без ќерка ми ми е најдобрата книга што сум ја прочитала.

Убаво е опишано во книгата која сила ја има мајката да направи се да ги заштити своите деца.
Цело време треперев додека ја читав книгата. Не би сакала да се најдам во ситуација како Бети и Махбут. И се восхитувам на храброста.

 

Иако нема многумина да се сложат - 1984 ми е прејака! У секоја смисла!

 

Папата Јована, дефинитивно

 

The habit of breaking yourself.

 

Играј играј играј

 

Верити-Колин Хувер

 

Зелената милја.

Знам дека си загрижен, ама веќе немој така. Бидејќи јас сакам да си одам, шефе. Преку глава ми е од болката што ја слушам и ја чувствувам, шефе. Преку глава ми е од скитање сам како утка на дожд. Без да имам некого со кого да одам или да ми каже од каде доаѓаме или каде одиме или зошто. Преку глава ми е од омразата меѓу народот. Ја чувствувам како срчи во главата. Преку глава ми е од сите пригоди кога сум сакал да помогнам, ама не сум можел. Преку глава ми е од темнината што ме обвива. Најмногу ми е преку глава од болката. Ја има премногу. Да можам да и' ставам точка, ќе и' ставам. Ама не можам.

Џон Кофи, лик кој останува во сеќавање.

 

Ловец на змејови од Халед Хосеини

 

Немам прочитано многу годинава, трилерите ми здосадија, се едно исто се врти. Страшно провидни.
Најдобра не е, ама ми остави голем впечаток „Големиот Гетсби“. Многу поразлична од денешниве книги и интересна. Исто и „Го сокрив мојот глас“ од Паринуш Сание. Многу убави книги искрено.

 

Годинава не ми остави ниедна книга некој толку посебен впечаток како минатата година.
Можеби би ги издвоила на Раб на Лудило - Б.А Парис и Пациентот од Фицек како книги што ми држеа внимание до сам крај и ми беа така најинтересни од се што прочитав годинава, бидејќи сакам книги со таква содржина. Но, сепак не би рекла дека нема многу слични книги како нив, па да се до толку уау. Повеќе среќа со уникатни и впечатливи книги следната година.

 

Ќерката на дрвосечачот - Наде Стоилковиќ ,се изненадив од наш автор толку добра книга...

 

Книгата што ми остави најдобар впечаток годинава беше духовна книга, Луѓе божји и зли духови од игумен Марко Московски, книга која инспирира и мотивира еден православен верник да биде онаков каков што треба да биде. Сите духовни книги, всушност, ја имаат таа цел, ама оваа ми беше некако посебна. Освен неа, ќе ја издвојам и Тетовирачот од Аушвиц од Хедер Морис, книга во која се опишани животот и ужасите низ кои поминувале луѓето во Биркенау.