Го пребарав форумот и видов дека нема тема за книгава, а дека има членки што ја читале, па може да ја продискутираме тука книгата. Кратко за книгата (преземено од тука: https://knizarnicitrimaks.mk/product/nebezbedni-kukji/): Пред седум години Синтија Арчер го пронајде својот загубен татко и нурна во кошмар кој безмалку ќе го платеше со живот на нејзинот семејство. Денес, минатото е конечно закопано, ама сеќавањето на тоа ужасно страдање се уште живее. Секојдневно свесна за опасностите кои демнеат зад секој агол. Синтија сфаќа дека и е тешко да и дозволи поголема слобода на ќерка си да направи сопствени грешки и да извлече заклучок, а грејс почнува да се бунтува против задушувачкиот заштитнички став на мајка и. За сето ова време сопругот на Синтија, Тери, се обидува да го спречи распаѓањетона семејството и потоа, двајца постари соседи се убиени… Книгава е продолжеток на Без збогување. Таа книга ја немам прочитано и сакам да ја прочитам и неа за да ми се комплетира впечатокот од книгава, вака како да ми фалеа информации малку. Во најскоро време ќе ја прочитам и неа. Мој впечаток е дека многу добра беше книгата, ептен ми се допадна, ја прочитав многу брзо и ми го задржа вниманието до сам крај, многу детали беа опфатени и баш целосно можев се да си замислам во глава додека читам. Ликовите исто беа многу добро обработени и самата приказна добро осмислена.
