Непотребни операции како начин на заработка на приватните болници

https://libertas.mk/sistina-e-go-tu...ica-se-vrshi-nepotrebno-stentira-e-za-profit/

https://republika.mk/vesti/makedoni...-nepotrebni-operaczii-na-srcze-zaradi-profit/

Се крена прашина со изјавата на д-р Сашко Кедев, па какви се вашите искуства и ставови по темата?

 

Немам искуство, не дај боже да имам, и тоа е хорор. Да не им паднеш во раце на докторите, за нив си банкнота, не човек. За Систина се работи? Веднаш се истрчаа да се правдаат и да се закануваат со тужби. Ја спомнаа Ганка Цветанова нешто демек пишала на социјални мрежи. Да не работи таа во Систина?

 

Секој што завршил кај нив обавезно иде на куп испитувања, потребни и непотребни.
Пацијентите служат како банкомат, никогаш доста пари.
Човекот фино си кажа, многу се потресле од вистината па ќе го тужат.
Може да му се фатат.
Ионака ништо нема да се смени, ќе молзат болни луѓе, без емпатија и човечност.

 

Кај нас се е отидено у ПМ. Државно здравство хаос, никој нема да те погледне, луѓе по ходници им умираат. За итни испитувања закажуваат после месеци кога може веќе ќе биде прекасно. Од друга страна па за приватните профитери и повеќе е од јасно дека ќе ти наметнат и што треба и што не треба само на крај поскапо да фати. Исто имам забележано за пораѓај, ретко некоја да знам у приватно да се породила природно, сите скоро се со царски. Бегајќи од државниот хаос, каде ќе те остават да се мачиш а епидурал е научна фантастика на крај ем куп пари ќе дадеш ем и да нема потреба ќе те искасапат. Идиотска држава , сето ова се случува оти нема контроли, ограничувања и дебели казни за секој кој по нечесен начин гледа да пикне во џеб.

 

Стискајте душа, гледајте да си го чувате здравјето, инаку тешко ако на овие мршојадци им затропате на врата. Ќе ве соголат и унаказат.

 

Жена му е на кедев..

 

И приватните ординации се понашаат како пациентите да се банкомат. Имав случка кај позната докторка дерматовенеролог, појдов приватно за еден израсток на лице пошто сумљав дека е канцерогено и у блиска фамилија имаме историја на рак на кожа.
Докторката не знаеше да каже што гледа, не била сигурна што е па ми рече да дојдам на контрола за еден месец не се гледало убаво. Еден преглед е 3000 ден.
Ми препиша антибиотска крема од 1200 денари, у аптека ми кажува аптекарката дека е маст за изгореници и дека нема антибиотик внатре.
На извештај ми напишала дека е бенка.

 

Апсолутно се сложувам со др. Кедев
Фала му на Бога не сум имала искуство лично и на блиски ама верувам во тоа што го кажува.

 

Во нормални земји ова ќе беше истражено и ако било вистина учесниците затворени... ама ние оддамна не сме тоа.

 

Нишно ново. Одамна се вртеа вакви муабети низ колеги, кој видел, кој чул или начул. Вакви документи, такви документи скриени таму ваму.
За жал, Кедев е во право и секоја чест што кажал јавно.
Ќе видиме само како ќе се развива приказната.

 

Во Систина со дијагноза ИБС појдов кај Василевски за консултација, во врска со лекови и режим, во моментот целосно си го контролирав ИБС-от со лоперамид на дневно ниво.

Сакаа да ми закажат и колоноскопија, и гастроскопија, без никакви други претходни иследувања, и никакви знаци за потреба од колонскопија. Мене симптомите ми беа на база на стрес, тоа беше добро установено. Дополнително ниту калпротектин ниту окултно не беа суспектни, никакви индиции, а имав 15 години.

Еве ме уште мрдам, рак неам, се било стрес. Тогаш за процедурите ми кажаа 46,000, без биопсии без ништо.

Воедно ќе напоменам дека трето и четврто мислење беа против двете процедури, а првото мислење не ни сакаше да чуе. Така што...тоа.

 

Дефинирај "нормални земји". Вакви случаи има многу и во Италија, и во Германија, и во Австрија, и во Холандија. Секаде постојат ужасни луѓе и лоши професионалци. А особено лекари, ретко каде и кога доктор одговара за грешки и манипулации, со минимални последици по нивната кариера.

 

За операции не знам ама знам дека без потреба прават испитувања и поставуваат лажни дијагнози. Тоа се случи на едно девојче на моја блиска пријателка каде и "дијагностицирале" некоја си болест на бубрезите замислете на 3 годишно дете се оддадоа од пари таму за џабе

 

Моја блиска имаше 2 операции во Систина, за вадење на миом на матка. Меѓу првата и втората операција имаше некои 3-4год и женава само кај истиот доктор одеше, без да направи преглед на др место. Операциите беа тешки, преку стомак мораше, сечена од колк до колк, тешко опоравување... Помина и втората операција (инаку една кошташе мин 2500 евра). И по 5м од втора операција, некое крварење меѓу циклуси се појави и отиде кај Матичен... за да следува тука шок, миомот од 7-8цм недопрен.. сеуште на истото место! Докторот буквално ја отворил и затворил, без да каже дека не и го има извадено.
Тука следуваше трета операција на Гак, на која присуствуваа 4 најдобри доктори. Шокирани беа прво што све и имаа направено на женава во Систина, лом била од претходните операции. Имаше црева слепени за матка... едвај и ја спасија матката. Миомот на мн лошо место, едвај го извадија.. Затоа оној од Систина ја отворил и затворил, му изгледало ваљда ризично. Ама зошто не кажал дека не го извадил.... Не сме тужеле, иако премногу гневни беа блискиве... Ама женава се бори за бебче, па си рековме и тужби сега не ни требаат....
Незнам дали е за во темава, ама тоа е наше блиско искуство.. Каде жена е оперирана, џабе.

 

Па не мислам дека негде другаде е државна политика да се уништи јавното здравство, за приватното после да те одере од процедури за измислени дијагнози. Системско и систематско злосторничко здружување.

 

Апсолутно е, еве во Италија со сигурност е. Тоа што не се зборува за тоа не значи дека не постои. Банален пример е можеби ама и на државно ми се има случено да платам инфузии и преврски што никогаш не се реализирале, само на тоа се гледа како на нешто што се подразбира дека се случува, ама ај плаќаш само партиципација, па не ни размислуваш.

 

Кога веќе се отвори пандорината кутија Се надевам ќе се дојде до одговор и зошто е толку висок % на царски резови односно операции без никаква индикација освен желба и пари.

 

Споредуваш ,,измислена,, инфузија со операција што си ја платил од џеб (евентуално кредит си кренал), а воопшто не требало да се случи? Касапењето гратис.
Едно чудо интервенции (да не ги редам, од гинекологија до кардио) што во мк ги плаќаш од џеб, јер биле ,,добра пракса,, кај мене се фаќаат за глава доктори ко ќе им кажам (што непотребно, што ич не е безазлено). Не е ова лекарска грешка ниту ситна корупција.

 

Апсолутно точно
Филип втори ги јаде истите гомна,испитано!

 

Не споредувам, убаво пишав банален пример дека е, и објаснив дека не нѝ боде очи баш затоа што не плаќаме или плаќаме 30 денари плус па занемаруваме, ама јас не знам све што се случува во светот, и во државно и во приватно здравство. За Италија со сигурност знам дека се случува, секој може да прочачка хроника и да види што све има, нема потреба ништо да се идеализира. Во другите држави не е подобро, воопшто. Приватното здравство го креваат на нозе Косовари и нашите гастербајтери кои живеат во држави со "среден" здравствен систем кој толку е добар, што од нокти,заби до тешки операции се прават тука. Бидејќи пара врти, ништо не ме чуди да се прават секакви манипулации, и наивни и не толку наивни. Не мора да идеме во крајности и да земаме за пример сериозни дијагнози, доволно е да знаеш што се случува по фирми кога ги праќаат вработените на систематски преглед, што е задолжителен еднаш во годината, како сето тоа изгледа и колку паричка се врти по приватните клиники.