Обележувач за книга (букмаркер)

Имам неколку класични бележници за книга, меѓутоа поголемиот дел од времето користам други нешта за одбележување на страната до каде последен пат сум застанала со читање.

Моментално користам еден кој го добив како подарок од American Corner:




Дали користите класичен букмаркер или пак го ставате во книгата првото нешто што ќе ви се најде при рака?

Кој ви е омилен букмаркер?

Кој е вашиот моментален букмаркер?

 

Не користам букмаркер, само ја подвиткувам малку страницата до каде што сум. Нема штета. Порачав од Алиекспрес два, ми се видоа слатки а и евтини, ама не ми стигнаа, ми ги вратија парите. Некои книги ми се купени со букмаркер со самата книга што си иде, ама не ги користам тие за други книги.

 

Баш деновиве се мислев за ова, ми треба некој сладок бележник, гледав нешто како инспирација, па најверојатно ќе си направам сама. Инаку до сега или користам така што одат со книгите или што ќе најдам. Како некој што чита 5 книги неделно дефинитивно ми треба убав бележник.

 

@devojceto_so_knigite прави најубави бележници, мојот е персонализиран од тие со име и стварно е пресладок Погледнете на инстаграм, има различни производи

Едит: Мојот е од овој модел. Малку е подебел, но е навистина супер.

Спојлер

 

Користам секогаш. Имам едно 20тина порачано од Алиекспрес. Повеќето се хартиени, меѓутоа имам и како метални.

Баш ќе побарам и нешто ново.

Кога купувам книги лично за мене, а немаат во нив бележник, обавезно ставам мој и го оставам во книгата бидејќи често се менуваме со роднини.

 

Еве моја супер идеја, јас ако немам со книгата, си ставам етикета од алишта (детски) или карта од кино, зоолошка.

 

Секогаш користам. Не можам да смислам да подвиткувам страници и да уништувам книги.
Имам еден метален од алиекспрес, но ако не ми е при рака ставам буквално што ми дојденпри рака, фискална, влезница, 10 денарка...

 

Имам вакви, одеа заедно со некои книги што ги купив, ама не ги користам и ги гледам како вишок, помнам на која страница сум застанала. А и повеќе читам електронски.

 

Доколку има книгата, го користам тој. Оние што немаат, најчесто ставам лист од нотес кој не е леплив. Го виткам на пола и запишувам датум кога сум застанал со читање, и некои детали.

Најчесто читам неколку книги напоредно. А има и такви што ги влечам со месеци, каде што главите не се поврзани меѓусебе толку, т.е. нема приказна за да би се изгубила поентата.

Ете, на пример моментално ја читам Quantum Theory од Max Planck веќе неколку месеци. Тешка е, споро оди читањето, треба и да се запишуваат некои работи, и овака со нотеси највеќе ми одговара.

Никогаш не би подвиткувал листови. Да можам, не би ja ни отворал книгата. Жал ми е кога ќе ја завршам, и ја гледам таква "прекршена", не затворена перфектно, како кога е нова.

 

Исто и јас, моментално во книгата што ја читам има ханзапласт како букмарк.

 

Ќерка ми има еден самоправечки од градинка. Дури и пластифициран е

Мојот- децениски сопатник, вака некако изгледа

 

Доколку има во книгата, го користам тој.
Доколку нема, ставам лист од тетратка или молив.

 

Имам дома еден куп на букмаркери собрани низ годините што од нови книги, што од bookdepository и дел купени, ама искрено немав некој омилен, кој ми дојдеше до рака тој го ставав. И покрај купот букмаркери често знаев да пикнам и нешто што ми дошло при рака како молив, пенкалце, лентата со апчиња(која после ќе ја барав ). Сега веќе ретко читам физички книги, па колекцијата на букмаркери отиде кај мајка ми.

 

Порано виткав страни ,после тоа почна да ме нервира и користев или нивниот или сметка ,ливче ,молив ,стикер. Сега имам неколку хартиени од девојчето со книгите и два метални од алиекспрес. Треба да си купам некој нов

 

Ако има книгата букмаркер го користам тој, ако не ставам мои, а користам и се што ќе ми се најде при рака: пари, фискална сметка, етикета, упатство од лекови....
Боже сачувај да виткам страни, мислам дека срцето ќе ми се скрши
Моментално омилен букмаркер ми е едно плетено глувче, подарок од драга личност.

 

Имав и со Климт, имав и со мачиња, ќерка ми ми ги среди.

Имам и неколку парчиња спомени што ми се драги и ги користам за обележување, ко на пример ова од една изложба на Пикасо од Париз:

 

Инаку, кога пишав подвиткување страни, мислев олку.

Спојлер

Во меѓувреме порачав други од Aliexpress, се надевам успешно ќе стигнат.

 

Претежно си ги користам тие што доаѓаат заедно со книгите, ама кога нема ги користам овие handmade обележувачи,кој патем ми се подарок од внука ми

Спојлер

 

Хари од kinder joy.